بۇۇ الەپپودا اۋە شابۋىلدارى ۋاقىتشا توقتاعانىن راستادى
بۇۇ باس حاتشىسى پان گي مۋن سيريالىق الەپپو پروۆينتسياسىندا اۋە سوققىلارى توقتاعانىن مالىمدەدى. بۇۇ باس اسسامبلەياسىنىڭ بەيسەنبى كۇنگى بەيرەسمي وتىرىسىندا ول رەسەيدىڭ الەپپونى اتقىلاۋىن توقتاتۋ تۋرالى شەشىمىنە قولداۋ ءبىلدىردى.
باس حاتشىنىڭ ايتۋىنشا، ۇيىم جانجال ايماعىنا ءدارى-دارمەك جەتكىزۋ جۇمىستارىن باستاپ كەتتى. دەگەنمەن حالىقارالىق ۇيىم الەپپو قالاسىنىڭ شىعىس بولىگىنە گۋمانيتارلىق جۇكتى تولىق جەتكىزە الماي وتىر.
بەيسەنبى كۇنى الەپپودا 11 ساعاتتىق "گۋمانيتارلىق ءۇزىلىس" باستالدى. وسى ۋاقىتتا رەسەي مەن سيريالىق ۇكىمەت اۋە سوققىلارىن دوعارا تۇرادى. قالادا گۋمانيتارلىق دالىزدەر اشىلدى. سول ارقىلى بەيبىت تۇرعىندار مەن قارۋلى بۇلىكشىلەر قالانى تاستاپ كەتە الادى. كەيىنىرەك رەسەيدىڭ قورعانىس ءمينيسترى سەرگەي شويگۋ گۋمانيتارلىق ءۇزىلىس ءبىر تاۋلىككە سوزىلاتىنىن مالىمدەدى.
Abai.kz
