«جاقىندا ۋكراينادا رەفورماشىلدار مەن باتىس ەلدەرىنىڭ تالابى بويىنشا مەملەكەتتىك قىزمەتكەرلەردىڭ تابىسىن، دۇنيە-مۇلكىن ەلەكتروندىق دەكلاراتسيا ارقىلى جاريالاۋ جۇيەسى ەنگىزىلدى. بۇل جۇيەنى ەنگىزۋدەگى ماقسات – شەنەۋنىكتەردىڭ تابىستارى مەن مۇلىكتەرىن ازايتىپ كورسەتۋىنە نە مۇلدە جاسىرىپ قالۋىنا جول بەرمەۋ. بۇل زاڭ ەلدەگى جەمقورلىقپەن كۇرەستىڭ شەشۋشى قۇجاتتارىنىڭ ءبىرى سانالعان» دەپ حابارلايدى ۋكرايناداعى جاڭالىق جونىندە azattyq.org سايتى.

كيەۆ حالقى بۇگىنگە دەيىن تابىسى تۋرالى دەكلاراتسيالارىن جاريالاماعان مەملەكەتتتىك قىزمەتكەرلەرگە نارازىلىق رەتىندە ۋكراينا ۇكىمەت ءۇيىنىڭ الدىنا ىشكيىمدەرىن، ترۋسيلارىن ءىلىپ تاستاعان ء(الى دەكلاراتسيا تاپسىرماعانداردىڭ اراسىندا پوروشەنكو، ت.ب. بار كورىنەدى).

قازاق بيلىگى دە وسى دەكلاراتسيانى قابىلداپ، تابىستارىن جاپپاي اشىق جاريالاي باستايتىن كۇندى، دەكلاراتسيا تاپسىرماعاندارعا نارازىلىق رەتىندە ۇكىمەت ءۇيىنىڭ الدىنا جۇرتتىڭ ىشكيىمدەرىن ىلەتىن كۇندى ءبىز دە كورەر مە ەكەنبىز، جوق پا؟

ارينە، ىشىكيمدى جايراتىپ جايىپ قويۋ - قازاققا جات تىرلىك. ءتىپتى، ۇيات ءىس. بىراق، ۇيالمايتىنداردىڭ الدىندا ءبىز نەگە ۇيالۋىمىز كەرەك دەگەن ءبىر سۇراق ۇرتىمىزدى "تومپيتىپ" تۇر. ويتكەنى، ءسىز بەن ءبىزدى تىرداي جالاڭاش ەتىپ توناپ العاندار ۇرلىقى دۇنيەسىن وفشورلارعا تىعىپ، ۇيالماي-قىزارماي بىزگە "سالىق تولەڭدەر" دەپ ۇرسىپ جۇرگەن جوق پا؟..

جۇماش كوكبورى

Abai.kz