وڭتۇستىك قازاقستان وبلىسىنىڭ اكىمى جانسەيىت تۇيمەباەۆ وڭىردەگى ءدىني كونفەسسيالاردىڭ باسشىلارىمەن كەزدەستى.

«اتالمىش جيىنعا قمدب-نىڭ وقو بويىنشا وكىل يمامى، وبلىستىق مەشىتتىڭ باس يمامى ا.كەرىمبەك، «شىمكەنت ەپارحياسىنىڭ شىمكەنت قالاسىنداعى سۆياتو-نيكولسكي كافەدرالدىق سوبورىنىڭ پريحودى» جەرگىلىكتى پراۆوسلاۆ ءدىني بىرلەستىگىنىڭ ءدىني قىزمەتشىسى ا.موگيلەۆسكي (وتەتس الەكساندر), «شىمكەنت قالاسىنىڭ ىنجىلدىك ءمəسىحشى باپتيستەردىڭ قاۋىمى» جەرگىلىكتى ءدىني بىرلەستىگىنىڭ جەتەكشىسى ا.گورباتىي، «اگاپە» ىنجىلدىك حريستيان شىركەۋى» جەرگىلىكتى ءدىني بىرلەستىگىنىڭ جەتەكشىسى ا.شاتالوۆ جانە وزگە دە ءدىن وكىلدەرى قاتىستى.

18 قازان – رۋحاني كەلىسىم كۇنىنە وراي ۇيىمداستىرىلعان باسقوسۋدا ءوڭىر باسشىسى ءدىني كونفەسسيا وكىلدەرىن مەرەكەمەن قۇتتىقتاپ، تاۋەلسىزدىگىمىزدىڭ 25 جىلىندا ەلىمىزدىڭ جەتكەن جەتىستىكتەرىن اتاپ ءوتتى» دەپ حابارلايدى وبلىس اكىمىنىڭ ءباسپاسوز قىزمەتى.

«ەلباسى ءوز سوزىندە «دوستىق جوق جەردە ارازدىققا مۇمكىندىك مول بولماق. سوندىقتان ىزگىلىك، راقىم، يماندىلىق سەكىلدى ماڭگىلىك ۇعىمداردى ساناعا دارىتۋ ارقىلى ادامداردى تازارتۋ قاجەت. ادام تۇزەلمەي زامان تۇزەلمەك ەمەس. بۇلىنگەن زاماندى تۇزەۋ ادامنىڭ ءوز مىندەتى» - دەگەن. سوندىقتان ءبىزدىڭ بۇگىنگى باسقوسۋىمىز حالىقتار دوستىعىنا، ۇلتارالىق، دىنارالىق تاتۋلىقتىڭ نىعايا تۇسۋىنە ءوز ىقپالىن تيگىزەدى دەپ سەنەمىن»،-دەدى ايماق باسشىسى.

جيىندا ءسوز العان كونفەسسيا وكىلدەرى قازاق شاڭىراعىنداعى نانىم-سەنىم ەركىندىگىنىڭ ايقىندىعىنا رازىلىعىن ءبىلدىرىپ، وزدەرى باسشىلىق ەتەتىن بىرلەستىكتەردىڭ بۇگىنگى مامىراجاي جاعدايىن باياندادى.

سونداي-اق، كەزدەسۋ سوڭىندا وبلىس اكىمى كونفەسسيا باسشىلارىنا وسى جىلدىڭ 15 قازان كۇنى «رۋحاني كەلىسىم كۇنىن» مەرەكەلەۋ اياسىندا وبلىستاعى ءدىني كونفەسسيا وكىلدەرى اراسىندا شاعىن فۋتبولدان وتكىزىلگەن ءتۋرنيردىڭ قورىتىندىسى بويىنشا وبلىس اكىمىنىڭ كۋبوگى، ديپلومدار مەن سىيلىقتار تابىس ەتىلدى.

ايتا كەتەيىك، بۇگىنگى تاڭدا وبلىستا 11 كونفەسسياعا كىرەتىن 60 ءدىني بىرلەستىك جۇمىس ىستەيدى.

شاديار مولدابەك

Abai.kz