پوروشەنكو رەسەيگە قاتىستى سانكتسيالارىن ۇزارتتى
ۋكراينا پرەزيدەنتى پەتر پوروشەنكو رەسەيگە قاتىستى سانكتسيالارىن ۇزارتىپ قانا قويماي، شەكتەۋ قويىلعان كىسىلەردىڭ ءتىزىمىن تولىقتىردى. جارلىق مەملەكەت باسشىسىنىڭ سايتىندا جاريالاندى.
تولىقتىرىلعان سانكتسيا تىزىمىنە 167 رەسەيلىك كومپانيا مەن 335 ازامات قوسىلدى. شەكتەۋ نەگىزىنەن قۇقىق قورعاۋ ورگاندارى مەن سوت قىزمەتكەرلەرىنە ەنگىزىلدى. كيەۆ ولاردى رەجيسسەر ولەگ سەنتسوۆتى، بەلسەندى الەكساندر كولچەنكونى جانە باسقا دا رەسەيدە سوتتالعان ۋكراينالىقتاردى قۋدالاۋعا جاۋاپدى دەپ ايىپتاپ وتىر.
بۇعان قوسا، پوروشەنكو ۇلتتىق قاۋىپسىزدىك كەڭەسى مەن قورعانىس مينيسترلىگىنە اننەكسيالانعان قىرىم اۋماعىندا رەسەيدىڭ مەملەكەتتىك دۋماسىنا سايلاۋ وتكىزۋگە قاتىسى بارلارعا سانكتسيا دايىنداۋىن تاپسىردى.
ۋكراينانىڭ رەسەيگە قاتىستى العاشقى سانكتسياسى 2015 جىلدىڭ قىركۇيەگىندە ەنگىزىلدى.
Abai.kz
