تۇركىستاندا ءداستۇرلى «اق كەرۋەن» ماقتا تەرىمى شاراسى ءوتتى. قاراشىق اۋىلدىق وكرۋگىندەگى «تۇران» شارۋا قوجالىعىندا وتكەن جيىنعا قاتىسۋشىلار الدىمەن ماقتا القاپتارىن ارالاۋدان باستالدى. وندا جۇرتشىلىققا اق التىننىڭ «تۇركىستان» دەپ ات بەرىلگەن جاڭا سورتى تانىستىرىلدى. بۇل تۋرالى «اباي اقپارات» پورتالى تۇركىستان قالاسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

بيولوگيا عىلىمدارىنىڭ دوكتورى A.سۇلتانوۆ پەن اۋىل شارۋاشىلىعى عىلىمدارىنىڭ كانديداتى ءا.اليەۆ سورتتاردىڭ ەرەكشەلىكتەرى تۋرالى اڭگىمەلەپ بەردى. ەرەكشەلىگى بۇل ماقتا تالشىعىنىڭ ۇزىندىعى كادىمگى سۇرىپتاعى ماقتاعا قاراعاندا الدەقايدا جوعارى. «تۇركىستان» ماقتاسىنىڭ تالشىعى 4-ۇلگىگە جاتادى. ماقتانىڭ بۇل ءتۇرى توقىما ونەركاسىبىندە كەڭىنەن پايدالانىلادى. ەندى تۇركىستاندىق كاسىپكەرلەر وڭتۇستىكتەگى توقىما كاسىپورىندارىن جەرگىلىكتى شيكىزاتپەن قامتۋعا تولىق كەپىلدىك بەرە الادى.

تۇركىستاندىق ماقتاشىلار بيىل 17 مىڭ توننا ءشيتتى ماقتا جيناۋعا نيەتتى. تۇركىستان قالاسى اكىمىنىڭ ورىنباسارى ت.مۇساەۆتىڭ ايتۋىنشا تۇركىستان بويىنشا وتكەن جىلى 3500 گەكتار جەرگە ماقتا ەگىلسە، بيىل بۇل كورسەتكىش 6600 گەكتارعا ۇلعايعان.

ەستەرىڭىزگە سالا كەتەيىك، تۇركىستان قالاسىندا اۋىلشارۋاشىلىق سالاسى كەڭ ەتەك جايىپ كەلەدى. وڭىردەگى شارۋالار اۋىلشارۋاشىلىق ونىمدەرىن وتاندىق جانە حالىقارالىق نارىققا شىعارۋدى جوسپارلاپ وتىر.

تۇركىستان قالاسى اكىمىنىڭ ءباسپاسوز قىزمەتى