بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە وقو اكىمىنىڭ ورىنباسارى ۇ.سادىبەكوۆ ءمالىم ەتتى.

ونىڭ ايتۋىنشا، وڭتۇستىك قازاقستان وبلىسى ەگەمەندىك العان جىلداردان بەرى قارقىندى دامىپ كەلە جاتقان وڭىرلەردىڭ ءبىرى. ماسەلەن، تاۋەلسىزدىك العان 25 جىلدا وبلىس  حالىققىنىڭ سانى 1,8 ملن-نان 2,8 ملن-عا جەتىپ، 1 ملن-عا وسكەن.

سونىمەن قاتار، وسى جىلدار ىشىندە 1491 مەكتەپكە دەيىنگى ۇيىمدار مەن 444 جاڭا مەكتەپ پەن 347 دەنساۋلىق ساقتاۋ نىساندارى سالىندى. ناتيجەسىندە 117 اپاتتى ءبىلىم وشاعىنىڭ ماسەلەسى شەشىلدى. سونداي-اق، بيىل 25 جىلدىق مەرەيتوي اياسىندا 25 ءبىلىم وشاعى ەل يگىلىگىنە بەرىلگەن. بريفينگتە سپيكەر، شيرەك عاسىردا وبلىستا  8,9 ملن. شارشى مەتر تۇرعىن ءۇي پايدالانۋعا بەرىلىپ، 100 مىڭنان استام وتباسى باسپانالى بولدى. ت

اۋەلسىزدىك جىلدارى جۇمىسسىزدىق دەڭگەيى 14,3 پايىزدان 5,2 پايىزعا دەيىن تومەندەپ، جۇمىسپەن قامتىلعان حالىقتىڭ سانى 60%-دان استامعا وسكەنىن ايتتى. وڭتۇستىك قازاقستاندا قازاقستان رەسپۋبليكاسىنىڭ 25 جىلدىعىن تويلاۋ ماقساتىندا جىل كولەمىندە 5 مىڭعا جۋىق ءىس-شارالار وتكىزىلۋدە.

سونىمەن قاتار، ءباسپاسوز جيىنىندا 8 ايدا اتقارىلعان جۇمىستارعا توقتالعان ۇلاسبەك سادىبەكوۆ يندۋستريالاندىرۋ كارتاسى جوباسىمەن وندىرىلگەن ءونىمنىڭ قۇنى 65,9 ملرد.تەڭگەنى قۇراپ، جوبالاردىڭ 90 پايىزىنان استامى جوسپارلى قۋاتتىلىعىن يگەرگەنىن جەتكىزدى.

Abai.kz