كەشە تۇركىستان قالالىق «نۇر وتان» پارتياسى فيليالى عيماراتىندا جەكە قابىلداۋ ءوتتى. قابىلداۋدى قازاقستان رەسپۋبليكاسىنىڭ پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق ۇيىمداستىرۋ ءبولىمىنىڭ مەملەكەتتىك ينسپەكتورى يماندوسوۆ مۇرات وتكىزدى، جانە دە ءبولىم باسشىلارى مەن بۇقارالىق اقپارات قۇرالدارىنىڭ وكىلدەرى دە تىس قالمادى. قالا تۇرعىندارىنىڭ سان سالاداعى تالاپ-تىلەكتەرى مەن ازاماتتاردىڭ  ساۋالدارى بويىنشا جەكە ماسەلەلەرى  تىڭدالدى.

العاشقى بولىپ زەينەتكەر ءجۇسىپوۆ شىنتەمىر  اۋىل شارۋاشىلىعى قاتىستى سۇراعىن جولدادى. اقساقال اۋىل شارۋاشىلىق جانە جەر قاتىناستارى بولىمىندە جەر كاداسترلىق كارتانىڭ ەلەكتروندىق بازاسىن ورنالاستىرىپ بەرۋ بويىنشا ۇسىنىسىن جەتكىزدى. وعان  مۇرات سامۇراتۇلى ءتيىستى مينيسترلىكپەن مامىلەگە كەلىپ، باقىلاۋعا الاتىندىعىن جەتكىزدى  سونداي-اق جالعىزباستى انا باسپانالى بولۋ ءۇشىن كەزەككە تۇرعان. مامانداردىڭ ايتۋىنشا ءوتىنىش يەسىنىڭ كەزەگى كەلەر جىلى كەلەتىنىن مالىمدەدى. كاسىپكەرلىك ماقساتتا سالىناتىن قۇرىلىستاردىڭ قۇجاتتارىن راسىمدەلۋىن جەڭىلدەتۋدى سۇراعان كامال يۋلداشەۆتىڭ ۇسىنىسى تىڭدالدى. اتالعان سۇراقتىڭ جاۋابى رەتىندە حالىققا قىزمەت كورسەتۋ ورتالىعىندا بۇل ماسەلەنىڭ وڭ شەشىلىپ قويعاندىعىن جەتكىزدى. وسى سەكىلدى كوكەيدە جۇرگەن ءارتۇرلى ساۋالدارعا جاۋاپتار الىندى. ەندىگى جۇك  جاۋاپتاردىڭ وڭ شەشىم تابۋىنا ىقپال جاسايتىن «نۇر وتان» پارتياسىنىڭ ەنشىلىگىندە. سونداي-اق  بۇل سۇراقتار جەرگىلىكتى بيلىكتىڭ دە نازارىندا بولادى.

اۋىل شارۋاشىلىعى-ماتەريالدىق ءوندىرىستىڭ  ەڭ ماڭىزدى تۇرلەرىنىڭ ءبىرى. اۋىل شارۋاشىلىعى حالىقتى ازىق-تۇلىكپەن جانە ونەركاسىپتى شيكىزاتتىڭ كەيبىر تۇرلەرىمەن قامتاماسىز ەتۋمەن اينالىسادى. ءبىزدىڭ وڭىرىمىزدە دە اۋىل شارۋاشىلىعى ونىمدەرىن قايتا وڭدەۋ ىلگەرى دامىپ كەلەدى.

Abai.kz