بۇگىن وڭتۇستىك قازاقستان وبلىسىنان الماتى قالاسىنا اۋىل شارۋاشىلىعى ونىمدەرىنىڭ كەرۋەنى جولعا شىقتى. 

جالپى كولەمى 320 توننا بولاتىن ونىمدەردىڭ قۇرامىندا 60 توننا ەت جانە ەت ونىمدەرى، 106 تن كوكونىس، 29 تن جەمىس-جيدەك، 16 تن كارتوپ، 7 تن ءسۇت ونىمدەرى، 5 تن شۇبات، 25 مىڭ دانا جۇمىرتقا، 45 تن باقشا ونىمدەرى، 5 تن بالىق، 5 تن كەپتىرىلگەن جەمىس، 27 تن قاۋىن مەن 15 تن باسقا دا ونىمدەر بار. اتالعان اۋىل شارۋاشىلىعى ونىمدەرىنىڭ جالپى قۇنى 125,7 ملن. تەڭگەنى قۇرايدى. 

قازان ايىنىڭ 1 كۇنى الماتىدا ۇيىمداستىرىلاتىن اۋىل شارۋاشىلىعى جارمەڭكەسىنە 50-دەن استام وڭتۇستىكقازاقستاندىق ءتاۋاروندىرۋشى قاتىسادى دەپ كۇتىلۋدە. وڭتۇستىك استانادا ۇسىنىلاتىن اۋىل شارۋاشىلىعى داقىلدارىنىڭ شاراسىندا ساۋدالاناتىن ونىمدەر بازار نارقىنان 15-20 پايىزعا ارزان ساتىلاتىن بولادى. 

ايتا كەتەيىك، بۇعان قوسا وڭتۇستىك قازاقستان وبلىسىنىڭ ەلورداسى – استاناداعى كۇندەرى اياسىندا وبلىستىق ونەركاسىپ وندىرۋشىلەردىڭ كورمەسى مەن اۋىل شارۋاشىلىعى ونىمدەرىنىڭ جارمەڭكەسى وتەدى.    وسىعان وراي، وڭىردەن باس قالاعا 300 توننادان استام اۋىل شارۋاشىلىعى ونىمدەرى تيەلگەن كەرۋەن جولعا شىقتى. مەرەيتويعا تارتۋ رەتىندە وڭتۇستىكقازاقستاندىق ديقاندار ءوز ونىمدەرىن نارىقتاعى باعادان 15-20 پايىزعا ارزان ساۋدالاماق.

   سونىمەن، جالپى كولەمى 304 توننا بولاتىن ونىمدەردىڭ قۇرامىندا 60 توننا ەت جانە ەت ونىمدەرى، 126 توننا كوكونىس، 29 توننا جەمىس-جيدەك، 7 تن ءسۇت ونىمدەرى، 5 تن شۇبات، 25 مىڭ دانا جۇمىرتقا، 40 تن باقشا ونىمدەرى، 7 تن بالىق، 7 تن بال، 3 تن وسىمدىك مايى مەن 5 تن كەپتىرىلگەن جەمىس 15 تن باسقا دا ونىمدەر بار.

وقو اكىمىنىڭ ءباسپاسوز قىزمەتى