بۇگىن قالا اكتيۆىمەن تانىسقان ءوڭىر باسشىسى جانسەيىت تۇيمەباەۆ شىمكەنتتەگى قۇرىلىسى جۇرگىزىلىپ جاتقان بىرقاتار نىسانداردى ارالاپ كوردى. ەڭ الدىمەن، وبلىس اكىمى تəۋكە حان داڭعىلىنىڭ كۇردەلى جوندەۋ جۇمىستارى مەن قاپال باتىر كوشەسىندەگى كوپىردىڭ قۇرىلىسىمەن تانىستى.

ايتا كەتەيىك، وسىدان ءبىر اي بۇرىن كوپىردىڭ ءبىر جاعى پايدالانۋعا بەرىلگەن بولاتىن. 1 ملرد. 142 ملن. تەڭگەگە باعالانعان تەمىرجول وتكەلىنىڭ ءبىر بولىگىندەگى قۇرىلىس جۇمىستارى 95 پايىزعا اياقتالعان.

سونىمەن قاتار، وبلىس اكىمى قالاداعى سالىنىپ جاتقان əلەۋمەتتىك تۇرعىن ۇيلەردىڭ قۇرىلىس جۇمىستارىن ارالاپ كورىپ، "Shymkent-City" جوباسىمەن تانىستى. جۇمىستاردىڭ ساپالى بولۋى قاجەتتىگىنە ايرىقشا كوڭىل بولگەن ايماق باسشىسى نىسانداردىڭ سىرت كەلبەتىندەگى سانىنە دە نازار اۋدارۋ كەرەكتىگىنە توقتالدى.

شىمكەنت قالاسىن ارالاۋ بارىسىندا ايماق باسشىسى جاڭادان اشىلعان جايلاۋكول دەمالىس ايماعىندا بولدى. مۇندا تمد ەلدەرىندە بيىكتىگى جاعىنان ءۇشىنشى ورىندى الاتىن، ال ورتا ازيا بويىنشا ەڭ بيىك اتتراكتسيون ورنالاسقان.

ايتا كەتەيىك، وسىعان دەيىن وڭتۇستىك تىزگىنىن جانسەيىت تۇيمەباەۆ ۇستاعانىن حابارلاعان بولاتىنبىز. قازاقستاننىڭ تۇركياداعى ەلشىسى قىزمەتىن اتقارعان جانسەيىت قانسەيىتۇلى تۇيمەباەۆ وڭتۇستىك قازاقستان وبلىسىنا اكىم بولىپ تاعايىندالدى. بۇعان دەيىن وڭتۇستىك ءوڭىردىڭ تىزگىنىن بەيبىت باكىرۇلى اتامقۇلوۆ ۇستاعان بولاتىن.

جانسەيىت تۇيمەباەۆ شىمكەنت قالاسىنىڭ اكتيۆىمەن كەزدەسىپ، قالا əكىمى جəنە ونىڭ ورىنباسارلارىنىڭ بۇگىنگە دەيىن اتقارىلعان جۇمىستارىنىڭ ەسەبىن تىڭدادى.

القالى كەزدەسۋدە قالا اكىمى ءوڭىر باسشىسىنا قالاعا قاراستى مەملەكەتتىك قۇرىلىمداردىڭ باسشىلارىن تانىستىرىپ، شىمكەنت قالاسىنىڭ 2020 جىلعا دەيىنگى بەس جىلدىق دامۋ تۇجىرىمداماسى جوباسىنداعى بىرقاتار ماسەلەلەر مەن جاڭا باستامالار تۋرالى باياندادى.

وقو اكىمىنىڭ ءباسپاسوز قىزمەتى