كەڭەس وداعى كەزىندە وڭتۇستىك قازاقستان وبلىسىنداعى سوزاق اۋدانى مىڭعىرعان مالىمەن ەرەكشەلەنەتىن. كەيىنگى جىلدارى مالى زايىپ، ۋرانىمەن اتى شىعا باستاعان اۋداندا اتا كاسىپتى قايتا جانداندىرۋ ءىسى قولعا الىنعان. بيىلعى جىلى سوزاق اۋدانى اكىمدىگى اۋىل شارۋاشىلىعى ءبولىمىنىڭ  تاراپىنان قولعا الىنعان اۋىل شارۋاشىلىعى مالدارى ەتىن ەكسپورتقا شىعارۋ جونىندەگى جۇمىستار وڭ ناتيجەسىن بەرىپ وتىر. ۇستىمىزدەگى جىلدىڭ تامىز ايى مەن قازان ايىنىڭ ءبىرىنشى ونكۇندىگى ارالىعىندا «قارا قۇر» وندىرىستىك كووپەراتيۆىندە وسىرىلگەن 2688 باس ەركەك قاراكول توقتىلارى بىرىككەن اراب ەميراتتارىنا ەكسپورتقا شىعارۋ ءۇشىن ساتىلدى.

سوزاق اۋدانى اكىمىنىڭ ءباسپاسوز قىزمەتى بىرىككەن اراب ەميراتتارىنا ەكسپورتقا مايدا مال مەن قوي، سيىر، تۇيە ەتىن شىعارۋمەن ىسىمەن اينالىساتىن «ديسادا» جشس-ءنىڭ ديرەكتورى سۇلەيمانوۆ ساناتتىڭ ءسوزىن بىزگە تومەندەگىشە باياندايدى: ء «بىز سوزاق اۋدانى «قارا-قۇر» وندىرىستىك كوپەراتيۆىنەن 2 پارتيا، بارلىعى 2688 باس مايدا مال تولدەرىن ەكسپورتقا شىعارىپ وتىرمىز. الداعى كەزەڭدە اراب مەملەكەتتەرىنە ەكسپورتقا اۋدان اگروقۇرىلىمدارىنان مايدا مال مەن قوي، سيىر، تۇيە ەتىن شىعارۋ ءىسىن جۇيەلى تۇردە جالعاستىراتىن بولامىز. ءبىزدىڭ بىرىككەن اراب ەميراتتارىنا 50 مىڭ باس مايدا مال ءتولىن ساتۋ جونىندە كەلىسىم-شارتىمىز بار. ەكسپورتقا ءبىز قازىر تىرىدەي مال تولدەرىن شىعارىپ وتىرمىز. كەلەشەكتە سوزاق اۋدانى تاۋكەنت كەنتىندە ورنالاسقان «تاۋكەنت مال سويۋ تسەحىن» كۇردەلى جوندەۋدەن وتكىزىپ، ىسكە قوسۋ جوسپارىمىزدا بار. مال سويۋ تسەحىن ىسكە قوسساق، مۇزداتىلعان مال ەتىن دە ەكسپورتقا شىعارا الامىز».

ءيا، ءىستىڭ كوزىن تاپقانعا تابىس تا كۇلىمدەپ قارايدى دەگەن وسى. جالپى، ماقسات يساەۆ باسشىلىق جاسايتىن سوزاق اۋدانىندا سوڭعى جىلدارى اۋىل شارۋاشىلىعى، ونىڭ ىشىندە مال شارۋاشىلىعىنا ايرىقشا كوڭىل ءبولىنىپ كەلەدى. سونىڭ ارقاسىندا جەرگىلىكتى كاسىپكەرلەر شەتەلدىكتەرمەن دە بايلانىس جاساۋعا مۇمكىندىك الىپ، ەتىنىڭ ءدامى ەرەكشە سوزاقتىڭ مال ونىمدەرىن ەكسپورتتاۋدا.  

Abai.kz