شىمكەنت قالاسى اكىمىنىڭ ورىنباسارى بەيسەنبەك جانبوسىنوۆ گەرمانيانىڭ ەكونوميكا مينيسترلىگىنىڭ وكىلى باستاعان نەمىس بيزنەس دەلەگاتسياسىمەن كەزدەستى. ەكى جاقتى كەزدەسۋ بارىسىندا قالا اكىمىنىڭ ورىنباسارى شىمكەنت قالاسىنىڭ ايتارلىقتاي ەكونوميكالىق الەۋەتى بار ەكەنىن اتاپ ءوتىپ، قوناقتارعا بولاشاقتاعى ينۆەستيتسيالىق مۇمكىندىكتەردى تانىستىردى. شەتەلدىك ينۆەستورلار شىمكەنتتىڭ ورتالىق ازياداعى نەگىزگى ەكونوميكالىق سەرىكتەسى بولىپ تابىلاتىنىن ايرىقشا اتاپ ءوتتى.

القالى جيىندا نەمىس كاسىپكەرلەرى ءوز كومپانيالارىنىڭ قىزمەتى تۋرالى ايتىپ بەردى. ياعني، نەمىس كاسىپورىندارى شويىن سۋ قۇبىرلارىن، جەر استى سۋلارىنىڭ جاي-كۇيىن قاداعالايتىن جانە سارقىندى سۋدى تازارتۋ جابدىعىنا ارنالعان سۇزگىلەر، ۇڭعىمالاردى سالۋ جانە اعىندى سۋلاردى اعىزۋ جۇمىستارىمەن اينالىسادى.

كەزدەسۋ سوڭىندا تاراپتار ودان ءارى جەمىستى ىنتىماقتاستىققا سەنىم ءبىلدىردى. وسى رەتكى جۇمىس ساپارى اياسىندا شەتەلدىك كاسىپكەرلەر شىمكەنت سۋ كومپانياسىنىڭ جۇمىسىمەن تانىستى.

ايتا كەتەيىك، وسىعان دەيىن وڭتۇستىكتە «Ontustik Tourism-2016» حالىقارالىق تۋريستىك فورۋمى وتكەندىگىن حابارلاعان ەك. 

وڭتۇستىك قازاقستان وبلىسىندا وتكەن حالىقارالىق «Ontustik Tourism-2016» تۋريستىك فورۋمىنا كۋۆەيت، ماكەدونيا، يسپانيا، پاكىستان، موڭعوليا، وڭتۇستىك كورەيا، چەحيا ەلدەرىنىڭ قازاقستان رەسپۋبليكاسىنداعى ەلشىلەرى مەن كونسۋلدارى، شەت ەلدىك جانە قازاقستاندىق تۋريستىك وپەراتورلار، جوعارى وقۋ ورىندارى مەن 10 شاقتى شەت ەلدىك باق وكىلدەرى، ونىڭ ىشىندە ۇلىبريتانيانىڭ «US Television»، يسپانيانىڭ «EFE» اقپاراتتىق اگەنتتىگى، سونىمەن بىرگە، ەلىمىزدىڭ وزگە وبلىستارىنان كەلگەن دەلەگاتسيالار دا قاتىستى.

Abai.kz