قازاققا استانانى "كۋلتيۆاتسيالاۋ" كەرەك... ونى قازاقتىڭ ۇلت پەن بولمىستى قادىرلەيتىن قالتالىلارى عانا جاساي الادى...

مەكتەپ سانى، بالا باقشا سانى، جاستار سانى، جۇمىس ورنى، بازار ترانزيتتەرى، ۇساق ءوندىرىس ورىندارى، مەشىت سانى، سپورت الاڭدارى سانى، قازاق ءتىلى مەن مادەنيەتى ورتالىقتارى، سوسىن كۆارتالدار مىسالى، اقتاۋلىقتار، اقمەشىتتىكتەر، تۇركىستاندىقتار، تارازدىقتار، شىمكەنتتىكتەر جانە ت.ب. بولىپ جالعاسا بەرەدى دە مۇنى ارالارىنان شىققان بايلارعا مىندەتتەۋ كەرەك... ءتىپتى كۆارتالدار "ادايلار، دۋلاتتار، قوڭىراتتار، ارعىندار" دەگەن اتپەن دە دامىسىن... ءبىرىنشى بايلىق، ياعني ەكونوميكالىق ەركىندىك پەن مۇمكىندىك كەلسىن... وسى سالادا قازاققا ءوزارا جارىس كەرەك. بىراق جەرشىلدىك پەن رۋشىلدىقتى كورىكتەۋ ەمەس، ەلدىكتە جارىستى قالىپتاستىرۋ ءۇشىن... ەركىن قوعامدىق ينستيتۋتتاردى دامىتۋ باستى شارت...

قازىر ءدىني كوللەكتيۆتەندىرۋ بەلەڭ الىپ بارادى... ول قازاقتى دامىتپايدى، قايتا كوكەزۋ جىككە شاقىرادى. قازاققا قازاقى پلاتفورمالاردى ۇسىنۋ كەرەك... پالەن شايحتىڭ جاماعاتى دەگەننەن كورى، پالەن بايدىڭ سالعان عيماراتتارى، زاۆودتارى دەگەن نارسە ەلدىككە جاقىن... ول دا ساياسات. سوندا باياعى قازاقى نامىس پەن سانا ويانار ما ەدى دەگەن نيەت قوي...

دوساي كەنجەتاي

Facebook-تەگى پاراقشاسىنان