بۇل تۋرالى بۇگىن وقو ايماقتىق كوممۋنيكاتسيالار قىزمەتىندە وتكەن ءباسپاسوز جيىنىندا وبلىستىق اۋماقتىق سايلاۋ كوميسسياسىنىڭ توراعاسى الىبەك ومىراليەۆ حابارلادى.

وڭتۇستىك قازاقستان وبلىستىق جانە تۇركىستان قالالىق ءماسليحاتتارىنان شىعىپ قالعان دەپۋتاتتاردىڭ ورنىنا كانديداتتاردى ۇسىنۋ جانە تىركەۋ بارىسى بويىنشا وتكەن باسقوسۋدا ءتيىستى كانديداتتار انىقتالعانى ايتىلدى. اتاپ ايتقاندا، №25 وبلىستىق سايلاۋ وكرۋگى بويىنشا 6 كانديدات، ونىڭ ىشىندە، 5 ۇمىتكەر ءوزىن-ءوزى ۇسىنۋ جولىمەن، 1 ازامات ساياسي پارتيادان تىركەلسە، №13 تۇركىستان قالالىق سايلاۋ وكرۋگى بويىنشا 4 كانديدات، ونىڭ ىشىندە 3-ءۋى ءوزىن-ءوزى ۇسىنۋ جولىمەن، 1-ءۋى ساياسي پارتيادان ۇسىنىلعان.

«قازىرگى تاڭدا اتالعان وكرۋگتەر بويىنشا وبلىستىق ماسليحاتقا – 6, قالالىق ماسليحاتقا – 4 كانديدات تىركەلدى. سايلاۋ ناۋقانى سايلاۋ زاڭناماسىنىڭ تالاپتارىنا سايكەس وتۋدە. بۇگىنگى كۇنگە دەيىن سايلاۋ كوميسسياسىنا ارىز-شاعىمدار تۇسكەن جوق»، - دەدى ءا.ومىراليەۆ.

ايتا كەتەيىك، تىركەلگەن ۇمىتكەرلەردىڭ سايلاۋالدى جۇمىستارى 5 قازاننان باستالدى. ۇگىت-ناسيحات شارالارى 28 قازان، ساعات 24:00-گە دەيىن جالعاسادى. ال ۇمىتكەرلەردى سايلاۋ 30 قازان كۇنى وتەدى. قوسىمشا سۇراقتار بويىنشا 24-72-32 نومىرىنە حابارلاسۋعا بولادى.

وقو اكىمىنىڭ ءباسپاسوز قىزمەتى