بۇگىن وڭتۇستىك قازاقستاندا VII ءشامشى قالداياقوۆ اتىنداعى «مەنىڭ قازاقستانىم» حالىقارالىق ءان فەستيۆالى باستاۋ الدى.

قازاقستان مەن قىرعىزستان، ءازىربايجان، رەسەي فەدەراتسياسى، قىتاي حالىق رەسپۋبليكاسى جانە ت.ب. ەلدەردەن 60 شاقتى ۇمىتكەر باق سىناپ جاتقان بايقاۋدا وبلىسىمىزدىڭ نامىسىن «مەنىڭ قازاقستانىم-2016» وبلىستىق ءان بايقاۋىنىڭ باس جۇلدە يەگەرى رۋسلان اقىنبەكوۆ، «وڭتۇستىك-تسيرك» مەكەمەسىنىڭ ءانشىسى ديانا حاشيمحانوۆا مەن وبلىستىق وپەرا جانە بالەت تەاترىنىڭ ءارتىسى قاراكوز ابدۋشاريپوۆالار قورعاۋدا.

ءان سالۋ ونەرىن دامىتۋ، قازاق ءۆالسىنىڭ پاديشاسى ءشامشى قالداياقوۆ اندەرىن حالىق اراسىندا ورىندايتىن دارىندى جاستارعا قولداۋ كورسەتۋ جانە قازاقستاندىق ەسترادا ونەرى شەبەرلەرىنىڭ ونەرىن حالىققا ۇسىنۋ ماقساتىمەن وتكىزىلىپ جاتقان فەستيۆال 2 كەزەڭنەن تۇرادى. بارلىق كەزەڭدەر حالىق الدىندا وتكىزىلىپ، قاتىسۋشىلار ءشامشى قالداياقوۆتىڭ رەپەرتۋارىنان اندەر ورىندايدى. حالىقارالىق دودانىڭ باس جۇلدەسىنە 1 000 000 تەڭگە كولەمىندە اقشالاي سىيلىق قاراستىرىلعان.

قازىلار القاسىنىڭ قۇرامىندا قر حالىق ءارتيسى، مەملەكەتتىك سىيلىقتىڭ لاۋرەاتى نۇرعالي ءنۇسىپجانوۆ، قر ەڭبەك سىڭىرگەن ءارتىسى باعدات سامەدينوۆا، قازاقستاننىڭ ەڭبەك سىڭىرگەن قايراتكەرى سەرىك ەركىمبەكوۆ جانە ابىلقاسىم قالداياقوۆتار بار.

ايتا كەتەيىك، قر مادەنيەت جانە سپورت مينيسترلىگىنىڭ ۇيىمداستىرۋىمەن، وقو اكىمدىگىنىڭ قولداۋىمەن ءوتىپ جاتقان شارا ەكى كۇنگە ۇلاسىپ، 7 قازان كۇنى جۇزدەن جۇيرىك شىققان جەڭىمپازدار ء«شامشى الەمى» گۇلزارىنداعى گالا-كونتسەرتتە ماراپاتتالادى.

وقو اكىمىنىڭ ءباسپاسوز قىزمەتى