سوڭعى جىلدارى وڭتۇستىك قازاقستان وبلىسى ماقتا مەن ءداندى داقىلداردان گورى جەمىس-جيدەك، باۋ باقشا ونىمدەرىن وسىرۋگە كوڭىل بولۋدە. تۇركيا مەن فرانتسيادان اكەلىنىپ جاتقان كوشەتتەر جەرگىلىكتى المالارعا قاراعاندا ءونىمدى ەكى ەسە كوپ بەرەدى ەكەن. شارۋالار بولاشاقتا الاسا بويلى جەمىس اعاشتارىنىڭ كولەمىن ارتتىرىپ، جۇرتتى وتاندىق ءتاتتى المامەن قامتاماسىز ەتەمىز دەپ وتىر.

ماسەلەن بيىل ەرتە كوكتەمدە تۇركيادان اكەلىپ وتىرعىزعان 250 مىڭ ءتۇپ كوشەت جەرگىلىكتى اۋا-رايىنا بەيىمدەلىپ، تاستاقتا تامىر جايا باستاعان. جابايى المانىڭ تامىرىنا پايدالانعان جەمىس اعاشىنىڭ بۇل ءتۇرى المانى ساباعىنا ەمەس، نەگىزگى دىڭگەگىنە سالادى ەكەن. ءار ءتۇپ 70 كەلىگە دەيىن ءونىم بەرەدى.

جادىرا جاقىپوۆا، ء«مولدىر» جشس ديرەكتورى:
- بۇل ۆيرۋسى جوق تازا المالار. باياعى المالار قۇرتتاپ ءشىريتىن. بۇلار قۇرتتامايتىن المالار. ءوزى سونداي بەز ۆيرۋسنىي دەيدى عوي. ءونىمدى ەكى ءۇش ەسە ارتىق بەرەدى. سۋدى ارنايى سكۆاجينا قازعانبىز. وسى 115 گەكتارعا جەتىپ تۇر. سۋدى ۇنەمدەپ جاتىرمىز. نەگە بۇنى ەگىپ جاتىرمىز. ويتكەنى بۇنىڭ وزدەرىڭىزگە بەلگىلى ماقتا داقىلىمەن تابىسىن سالىستىرعاندا 30 ەسەگە ارتىق. باقشامەن سالىستىرعاندا ونىڭ تابىسى 10 ەسەگە ارتىق. جىلدان جىلعا وسى سالانىڭ قارقىندى دامۋىنا باسا نازار اۋدارۋدامىز.

شارۋالار 115 گەكتار جەرگە وسىدان ەكى جىل بۇرىن وتىرعىزعان المالار بيىل نىشان سال باستاپتى. بەس جىلدا 100 پايىز ءونىم بەرەدى. تامشىلاتىپ سۋارىلادى. پاكەنە بويلى الما اعاشتارىنىڭ اراسى دا ءجيى وتىرعىزىلعان. جەلگە شىدامدى، ءونىمدى جيناپ الۋ دا وڭاي. ال، اۋىسپالى ەگىن جەردىڭ قۇنارىن ارتتىرىپ، تابىستى ەسەلەيدى. بۇگىندە وبلىستا جالپى جەمىس-جيدەك پەن ۋىلجىعان ءجۇزىمنىڭ كولەمى 26 مىڭ گەكتاردان اسىپ جىعىلعان.

Abai.kz