بۇگىنگى كۇنى وڭتۇستىك قازاقستان وبلىسىندا بوس جاتقان جەر مۇلدەم جوق دەۋگە بولادى. سوندىقتان كۇنگەيدەگى ديحاندار بۇگىندە سولتۇستىك قازاقستان وبلىسىنىڭ بوس جاتقان جەرلەرىن يگەرۋگە كۇش سالۋدا. ال وڭتۇستىكتەگى يگەرىلەتىن جەردىڭ دە، وسىرىلەتىن ونىمدەر دە تۇرلەنۋ ۇستىندە. سونىڭ ىشىندە شاردارا اۋدانى بويىنشا بارلىق تەرىمگە تۇسەتىن جەر كولەمى 11298 گەكتار.

كوكسۋ، ۇزىناتا جانە الاتاۋ باتىر اۋىلدىق وكرۋگتەرىندە ماقتا تەرىمى كۇشەيسە، ەندى ءبىر شارۋا قوجالىقتارى ءداندى داقىلعا كوڭىل بولگەن. ايتا كەتەر جايت، رەكوردتى اتانىپ وتىرعان وبلىستىڭ كەيبىر اۋداندارىن شەگىرتكە سەكىلدى ەگىننىڭ باستى جاۋى سانالاتىن جاندىكتەر مازالاعانى دا راس. ديحانداردىڭ دارىلەگەنىنە قاراماي، قاربىز ەگىلگەن ەگىستىكتەردى جاۋلاپ العان شەگىرتكەلەر ايتارلىقتاي ءتۇسىم جاساۋعا دا كەدەرگى كەلتىرەدى دەپ كۇدىكتەلگەن ەدى. ەگىس القاپتارىن دارىلەۋ جۇمىستارىن جۇرگىزۋ ءۇشىن ءساۋىر ايىندا تەندەر جۇرگىزىلىپ، قارجى بولىنەدى.

بيىلعى شارۋالاردىڭ مازاسىن العان شەگىرتكەلەر «ماروككو شەگىرتكەسى» دەپ اتالادى. ولار بەس كۇندە ءبىر جاسقا ۇلعايىپ، جيىرما بەس كۇندە ۇشۋعا جارايدى ەكەن. مۇنداي زيانكەستەردى ۇياسىندا جاتقان كەزدە جويماساڭ، ۇشاتىن كەزدە قۇرتامىن دەۋ بوسقا كەتكەن ەڭبەك پەن دالاعا شاشىلعان قارجى دەپ ەسەپتەۋگە بولادى ەكەن. 

قىسقاسى، شاردارالىق شارۋالاردى شىركەي مەن شەگىرتكە جاز بويى كەزەك كەزەك ابىگەرگە سالدى دەۋگە بولادى. جاعداي بۇلاي جالعاسا بەرسە بيىل ءونىم مولشەرى تومەندەپ كەتۋى دە مۇمكىن ەدى. الايدا شارۋالار دەر كەزىندە ماسەلەنىڭ الدىن الدى دەۋگە بولادى. سونىڭ ارقاسىندا بيىلعى جىلى وڭتۇستىك مول ءونىم رەسپۋبليكا جۇرتشىلىعىن تاڭ قالدىردى.

Abai.kz