قازىرگى تاڭدا سايرام اۋدانىنىڭ پايدالانۋىنداعى جەر كولەمى 114761 گەكتاردى قۇراپ وتىر. شيكىزات ەكسپورتىنا تاۋەلدى قازاقستاننىڭ قازىرگى ەكونوميكاسى شاعىن جانە ورتا بيزنەستى دامىتۋعا اسا مۇددەلى. وسى تۇرعىدا اسىرەسە «بيزنەستىڭ جول كارتاسى-2020» باعدارلاماسىنىڭ سايرام اۋدانىندا ىسكە اسىرىلۋ بارىسى قالىپتى دەڭگەيدە جۇرۋدە. ۇدەمەلى يندۋستريالدى-يننوۆاتسيالىق دامۋ باعدارلاماسى بويىنشا جۇمىستار اتقارىلىپ جاتىر. 

2016 جىلى جالپى اۋداننىڭ شاعىن جانە ورتا كاسىپكەرلىگىندە تىركەلگەن كاسىپ ورىندار سانى 15286-نى قۇرادى. كاسىپكەرلەردى قارجىلاي قولداۋ ماقساتىندا اۋدان كولەمىندەگى ميكروكرەديتتىك ۇيىمدار ارقىلى نەسيە بەرىلدى. «بيزنەستىڭ جول كارتاسى-2020» بيزنەستى دامىتۋ مەن قولداۋدىڭ بىرىڭعاي باعدارلاماسى 2016 جىلدىڭ 5 ايىندا 5 جوبا باعدارلامانىڭ سۋبسيديالاۋ جانە كەپىلدەندىرۋ باعىتتارى بويىنشا قولداۋ الدى.

سونداي-اق، سايرام اۋدانى وبلىستىق ونەركاسىپ ءونىمىنىڭ 2,7% قۇرايدى. بيىلعى جىلى اۋدان باسشىلىعى ونەركاسىپ ءونىم كولەمىن 19,9 ملرد.تەڭگەگە جەتكىزۋدى جوسپارلاپ وتىر.

«قازىرگى تاڭدا ونەركاسىپ سالاسىن دامىتۋ 2 باعىتتا جۇرگىزىلىپ جاتىر، ياعني 1-باعىت اۋدان ونەركاسىبىنىڭ 76,4% وڭدەۋ ونەركاسىبى قۇرايتىندىقتان، جاڭا كاسىپورىندار اشۋ ەسەبىنەن وڭدەۋ ونەركاسىبىنىڭ ءونىم كولەمىن ارتتىرۋ بولسا، 2-باعىت اۋدانداعى بار رەزەرۆتەردى پايدالانۋ ەسەبىنەن اۋدان ەكونوميكاسىن كوتەرۋ بويىنشا كەرەكتى جۇمىستار جاسالىنىپ جاتىر. ءبىزدىڭ باستى ماقساتىمىز – ونەركاسىپ ورىندارىنىڭ سانىن كوبەيتىپ، سايرام اۋدانىن اۋىل شارۋاشىلىعىمەن بىرگە يندۋسترياسى دامىعان اۋدانداردىڭ بىرىنە اينالدىرۋ»، - دەيدى سايرام اۋدانىنىڭ اكىمى سامات ساپارباەۆ.

اۋدان كولەمىندەگى اۋىل شارۋاشىلىعى ونىمدەرىن وڭدەيتىن كاسىپورىندار 2016 جىلدىڭ العاشقى جارتى جىلدىعىندا 5922,7 ملن.تەڭگەنىڭ ءونىمىن وندىرگەن. 2015 جىلدىڭ سايكەس مەرزىمىمەن سالىستىرعاندا ءوسىم 107,1%، نكي -103,8%. وڭدەۋ ونەركاسىبى سالاسىنداعى تاماق ونىمدەرىن وندىرەتىن كاسىپورىنداردىڭ ۇلەسى 63,2%. 2016 جىلدىڭ 7 ايىندا اۋىل شارۋاشىلىعى ونىمدەرىن وڭدەيتىن كاسىپورىندار تابيعي تۇردە 34489 توننا ۇن، وندىرگەن. 103 توننا كوكونىس كونسەرۆىلەرىن، 77 توننا وسىمدىك مايىن، 531 توننا ءسۇت ونىمدەرىن وندىرگەن.

اۋدان بويىنشا «جالال اتا»، «Aksu Agrofood» جشس وسىمدىك مايىن ءوندىرۋ، «Globus plus» جشس كوكونىس كونسەرۆىلەۋى «RIN K» جشس، «اسىل لتد» جشس، «ديحان» وك كوكونىس كونسەرۆىلەۋ، جك ۋسمانوۆ كوكونىس كونسەرۆىلەۋ جك، راحاتوۆ كوكونىس كونسەرۆىلەۋ جك، تۋرداليەۆ كوكونىس كونسەرۆىلەۋ شارۋا قوجالىقتارى اۋىل شارۋاشىلىىعى ونىمدەرىن وڭدەۋگە ايتىرلىقتاي ەڭبەك ەتىپ كەلەدى.

Abai.kz