وڭتۇستىكتىڭ بيىلعى رەكوردى ەلىمىزدىڭ سىرتقا شىعاراتىن استىق كولەمىنىڭ ارتۋىنا دا ىقپال ەتۋدە. الەمنىڭ 70-تەن اسا ەلىنە جىل سايىن 5-8 ملن. توننا استىقتى نارىققا شىعارىپ، قازاقستان استىق ءوندىرۋ بويىنشا ءىرى مەملەكەتكە اينالدى.

«جالپى العاندا، اۋىل شارۋاشىلىعىنىڭ ءوندىرىس كولەمى 2015 جىلى 3,3 ترلن. تەڭگەنى قۇرادى. بۇل 2001 جىلمەن سالىستىرعاندا 6 ەسەگە ارتىق. الەمنىڭ 70-تەن اسا ەلىنە جىل سايىن 5-8 ملن. توننا استىقتى نارىققا شىعارىپ، قازاقستان استىق ءوندىرۋ بويىنشا ءىرى مەملەكەتكە اينالدى. جىلسايىن 2,5 ملن. تونناعا دەيىن ۇندى ەكسپورتقا شىعارىپ، سوڭعى جىلدارى الەم بويىنشا كوشباسشى ورىنداردىڭ ءبىرىن يەمدەندىك»، — دەيدى ماماندار. ال بيىلعى جىلى وڭتۇستىك قازاقستان وبلىسىندا رەكوردتى ءونىم جينالعانىن ەسكەرسەك ەكسپورت كولەمى ءتىپتى ارتا تۇسپەك. ۇلان بايتاق جەرىمىز بار دەگەنمەن، ونى پايدالانىپ، يگىلىگىمىزگە جاراتپاساق، اگرارلى ەل اتانىپ، رەكوردتى استىق جيناپ، ەكسپورتقا استىق شىعارۋدا كوشباسشى ەل اتانباساق دارحان جەردىڭ يگىلىگىن كورمەگەنىمىز ەمەس پە؟! 

سونداي-اق، ول اۋىل شارۋاشىلىعى سالاسىندا ءار كەزەڭنىڭ ەرەشەلىگىنە قاراي شەشىمدەر قابىلدانىپ وتىرادى. تيىسىنشە، قازىرگى تاڭدا الەمدىك تاجىريبەدە وڭ ناتيجەلەر كورسەتىپ وتىرعان امبەباپ تەتىكتەردى ىسكە قوسۋ ءۇشىن اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنىڭ جۇمىس ىستەپ جاتقانى دا كوڭىل قۋانتادى. مامانداردىڭ ايتۋىنشا، اتالعان مەملەكەتتىك باعدارلامانىڭ باستى ماقساتى — نارىققا قاجەتتى باسەكەگە قابىلەتتى اوك ونىمدەرىنىڭ ءوندىرىسىن قامتاماسىز ەتۋ. سونىمەن قاتار، اوك سۋبەكتىلەرىنىڭ تەحنيكالىق جاراقتاندىرىلۋىن ارتتىرۋ ءۇشىن الىس شەتەلدەن قىمبات تەحنيكا مەن جابدىقتاردى ساتىپ الۋ ۇلەسىن تومەندەتۋ بويىنشا شارالار قابىلدانادى جانە دە اگروونەركاسىپتىك كەشەندى مەملەكەتتىك رەتتەۋدى جەتىلدىرۋ شەڭبەرىندە عىلىم مەن ءوندىرىس اراسىنداعى بايلانىستى قامتاماسىز ەتۋ بويىنشا ءىس-شارالار ىسكە اسىرىلاتىن بولادى. دەمەك اۋىل شارۋاشىلىعى سالاسىندا كەشەندى جۇمىستار جۇرگىزىلۋدە.

Abai.kz