بۇگىن وڭتۇستىك قازاقستان وبلىسىندا ءوڭىر باسشىسى جانسەيىت تۇيمەباەۆتىڭ قاتىسۋىمەن قر تۇڭعىش پرەزيدەنتى كۇنىنە ارنالعان شارا ءوتتى.

شىمكەنتتەگى كورمە ورتالىعىندا ۇيىمداستىرىلعان «ەلى سۇيگەن، ەلىن سۇيگەن – ەلباسى» تاقىرىبىنداعى فوتوكورمەگە 70-كە جۋىق فوتوسۋرەت قويىلعان. تاۋەلسىز قازاقستاننىڭ قالىپتاسۋى مەن نىعايۋىنداعى تۇڭعىش پرەزيدەنت – ەلباسىنىڭ ءرولى، سونداي-اق، تاۋەلسىزدىكتىڭ قالىپتاسۋىنىڭ نەگىزگى كەزەڭدەرى مەن قازاقستاننىڭ سىرتقى، ىشكى ساياساتتاعى جەتىستىكتەرى جانە دامۋى كورسەتىلگەن فوتوشەجىرە ەلباسىنىڭ ەگەمەندىك جىلدارىنداعى تاريحي ساتتەرى مەن تاۋەلسىزدىك شەجىرەسى اتتى توپتىق جيناقتالعان سۋرەتتەردەن باستالادى.

1991-2000 ج.ج. اق-قارا سۋرەتتەر وڭتۇستىكتە ەلباسىنىڭ حالىقپەن جۇزدەسۋى، ورداباسىداعى جيىن، تۇرعىت وزال، يسلام كاريموۆ، اسقار اقاەۆتاردىڭ تاريحي فوتولارى، تۇركىستاننىڭ 1500 جىلدىعى، وڭتۇستىك ءوندىرىسى، اۋىل شارۋاشىلىعى، «100 مەكتەپ، 100 اۋرۋحانا» باعدارلاماسى بويىنشا قاس-قاعىم ساتتەردى بەينەلەيدى.

سونىمەن بىرگە، مۇندا «ماڭگىلىك ەل»، «ەXPO – حالىقارالىق كورمەسى»، ەل تاڭداۋى - ن.نازارباەۆتىڭ سوڭعى سايلاۋداعى ۇلىقتالۋى جانە 2015-2016 جىلدارداعى حالىقارالىق كەزدەسۋلەردىڭ فوتولارى قويىلعان. كورمەدە حرونولوگيالىق جىلدار تىزبەسى بويىنشا ەكسپوزيتسيا ءماتىنى ساقتالعان. ەلىمىزدىڭ 25 جىلدىق تاريحى مەن وڭتۇستىك ءوڭىرىنىڭ دامۋىن كورسەتە بىلگەن بارلىق فوتو جاڭادان جيناقتالىپ باسىلعان.

وبلىس اكىمىنە وسىناۋ تاقىرىپتىق فوتوشەجىرە تۋرالى بايانداعان وبلىستىق بەينەلەۋ ونەرى مۋزەيىنىڭ ديرەكتورى، قر كوركەم سۋرەت اكادەمياسىنىڭ اكادەميگى اينابەك وسپانوۆ مۇندا ەلباسىنىڭ تاۋەلسىزدىك العان جىلداردان بەرى وڭتۇستىككە جاساعان 50 شاقتى ساپارىنىڭ بىرەگەيلەرى، ءتىپتى، كەيبىرىنىڭ ەش جەردە جاريالانباعان ەكسكليۋزيۆ دانالارى ورىن العانىن جەتكىزدى.

ايتا كەتۋ كەرەك، «ەلى سۇيگەن، ەلىن سۇيگەن – ەلباسى» تاقىرىبىنداعى

فوتوكورمەسىنە كىرۋ تەگىن. كەلۋشىلەر ءۇشىن كورمە 1 جەلتوقسان كۇنى كەشكە دەيىن دەيىن جۇمىس ىستەيدى.

Abai.kz