الماتى. 10  قىرقۇيەك. قازتاگ -  20 قىرقۇيەكتە الماتىدا اشىلاتىن ءبىرىنشى ايماقتىق مەديا فورۋم ورتالىق ازيا ايماعىنداعى باق-تىڭ ماڭىزدى ماسەلەلەرىن تالقىلايدى جانە جىل سايىنعى پىكىرتالاس الاڭىنا اينالادى، دەپ ءمالىم ەتتى فورۋمنىڭ ۇيىمداستىرۋشىلارى «گولوس رەسپۋبليكي»گازەتى، قازاقستان جۋرناليستەرىنىڭ وداعى، سوعىس پەن بەيبىتشىلىك رەپورتاجدارىنىڭ ينستيتۋتى (IWPR),  «MediaNet» حالىقارالىق جۋرناليستيكا ورتالىعى، ءسوز بوستاندىعىن قورعاۋ جونىندەگى «ءادىل ءسوز» حالىقارالىق قورى.

«ءبىرىنشى ايماقتىق مەديا فورۋمنىڭ ەرەكشەلىگى ونىڭ قاتارداعى، اسىرەسە ايماقتىق جۋرناليستەرگە، سونداي-اق، جاستارعا – جۋرناليستيكا فاكۋلتەتتەرى ەن كافەدرالارىنىڭ ستۋدەنتتەرىنە باعىتتالعاندىعىندا. وعان ترەنينگتەر جانە شەبەرلىك ساباقتارى كىرەدى، بۇدان باسقا ترەند پەن يننوۆاتسيالار بويىنشا پىكىرتالاستار وتكىزەدى. ۇيىمداستىرۋشىلار مۇنداي جىل سايىنعى الاڭ وتاندىق مەديانىڭ باسەكەگە قابىلەتتىلىگىن دامىتۋعا ىقپال ەتەدى دەپ وتىر»، - دەپ ءمالىم ەتتى فورۋمنىڭ «گولوس رەسپۋبليكي» گازەتىنەن ۇيلەستىرۋشىسى يرينا مەدنيكوۆا بەيسەنبى كۇنى ءباسپاسوز ءماسليحاتىندا.

قازاقستان جۋرناليستەرى وداعىنىڭ باسقارما توراعاسى سەيتقازى ماتاەۆتىڭ ايتۋىنشا، «قازاقستان ايماقتارىنداعى ءباسپاسوز بىردەي دامىپ وتىرعان جوق. جۋرناليستيكا قارقىندى دامىپ وتىرعان قالالار بار، مىسالى اقتوبە سياقتى، ال كورشى وبلىستاردا، اقتاۋ مەن اتىراۋدا كەرىسىنشە، گازەتتەر از شىعادى، جەكە مەنشىك تەلەارنالار جوق. سولتۇستىكتەگى جاعدايدا وسىعان ۇقساس، مۇندا قوستاناي ەرەكشەلەنسە، قاسىنداعى پەتروپاۆلدا ءبىر دە ءبىر جەكە مەنشىك تەلەارنا جوق. شىمكەنتتە ءباسپاسوز دامىسا، تارازداعى الاڭ مۇلدەم بوس. مەديا فورۋم وسىنداي جاعدايعا نە سەبەپ بولىپ وتىرعانىن انىقتاۋعا كومەكتەسىپ، اتالعان ايماقتارداعى جۋرناليستيكانىڭ دامۋىنا سەرپىن بەرەدى دەپ ۇمىتتەنەمىز»، - دەدى ول.

IWPR ايماقتىق ديرەكتورى ءادىل جالەلوۆ ونى قولداپ، استانا مەن الماتى قالالارىندا باسىلىمدار تىم كوپ ەكەنىن اتاپ كورسەتتى. ونىڭ پىكىرىنشە، بۇل جەردە مەديانارىق شامادان تىس تولىپ وتىر، ەندى ونىڭ الداعى دامۋى جۋرناليستيكا ساپاسىنىڭ ارتۋى جولىمەن بولۋى ءتيىس.

فورۋم باعدارلاماسىندا بۇل پروبلەمالاردان باسقا «حالىقتىق جۋرناليستيكانىڭ»، ينتەرنەت-باسىلىمداردىڭ دامۋ ماسەلەلەرىن، باسپاسوزدەگى جاڭا تەحنولوگيالار، قازاق ءتىلدى جۋرناليستيكانىڭ دامۋى، جۋرناليستەردىڭ قۇقىقتارى، باق باسەكەلەستىگى جانە ت.ب. ماسەلەلەردى تالقىلاۋ جوسپارلانعان.

مەديا فورۋمعا ءماجىلىس دەپۋتاتتارى، اقپارات مينيسترلىگىنىڭ شەنەۋنىكتەرى، ۇكىمەتتىك ەمەس جانە حالىقارالىق جۋرناليستىك ۇيىمداردىڭ وكىلدەرى، شەتەلدىك ديپلوماتتار جانە جۋرناليستەر مەن قازاقستاندىق جوو-لارداعى جۋرناليستيكا فاكۋلتەتتەرىنىڭ ستۋدەنتتەرى شاقىرىلدى. مەديا فورۋمنىڭ «باق بولاشاعى جۋرناليستەردىڭ قولىندا» دەپ اتالۋى تەگىن ەمەس.