«تيتانيك» اپاتقا ۇشىراعاندا، سول كەمەدە كەلە جاتقان جالعىز جاپون ازاماتى امان قالادى.

كەمە مۇزتاۋعا سوعىلعاندا شىرت ۇيقىدا جاتقان ماسابۋمي حوسونونىڭ اپىل-عۇپىل كيىنىپ، پالۋباعا اتىپ شىققانى سول ەدى، قۇتقارۋ قۇرالدارىنىڭ بارىنە جانساۋعالاعان جۇرت جايعاسىپ ۇلگەرىپتى. ءبىر قايىقتا ەكى ورىن بوس تۇرعانىن كورىپ، جاندارمەن سوندا كەلىپ وتىرادى. كەيىن، اقپارات قۇرالدارى «جانكەشتى» جىگىتتى «جاپوننىڭ باقىتتى جىگىتى» دەپ اتاپ كەتەدى.

تاعدىردىڭ مىنا قىزىعىن قاراساڭىزشى، ەۆروپادا «باقىتتى بالا» اتانعان ماسابۋمي حوسونونى ءوز وتانىندا وسى قىلىعى ءۇشىن جەردەن الىپ، جەرگە سالىپ، «سامۋرايدىڭ جانكەشتىلىكتى تالاپ ەتەتىن ەسكى سالتىن ساتىپ كەتكەن وپاسىز، قورقاق. مۇنداي ارسىزدىققا بارعانشا، كەمەمەن بىرگە قۇردىمعا كەتكەنى دۇرىس ەدى» دەپ ايىپتايدى. ابىرويىنان ايىرىلىپ، ۇياتتان جۇرداي بولعان حوسونونىڭ ءوزى ءومىرىنىڭ سوڭىنا دەيىن وسى ءبىر ىسىنە قاتتى وكىنىپ وتكەن ەكەن...

جولىمبەت ماكىش

Facebook-تەگى پاراقشاسىنان