Aقتوبە. 13 قىركۇيەك. قازتاگ – مەملەكەت باسشىسى نۇرسۇلتان نازارباەۆ بۇرىنعىسىنشا ءوزىنىڭ ەسىمىن رەسپۋبليكاداعى ءارتۇرلى نىساندارعا بەرۋگە قارسى. بۇل تۋرالى ول جۋرناليستەرگە اقتوبە وبلىسىنا جاساعان ساپارى بارىسىندا ءمالىم ەتتى.

«مەن اتىمدى نەگە بولسا دا بەرۋگە تىيىم سالعانمىن. ەگەر ول ادەتكە اينالسا – ول دۇرىس ەمەس. مەن ءبىرىنشى پرەزيدەنت اتىنداعى باق بولسىن دەدىم. بىراق اتى-ءجونىن كورسەتۋدىڭ قاجەتى جوق. مەن ءوزىمنىڭ ەسىمىمدى قازاقستانداعى نەگە بولسا دا بەرىلۋىنە قارسىمىن. ماعان ونىڭ قاجەتى جوق»، - دەدى پرەزيدەنت،  اقتوبەدەگى ورتالىق باققا تۇڭعىش پرەزيدەنتتىڭ اتى بەرىلگەنى تۋرالى جۋرناليستەردىڭ ساۋالىنا جاۋاپ بەرىپ.

مەملەكەت باسشىسى جاقىندا جوندەۋدەن وتكەن دەمالىس جانە مادەنيەت ورتالىق ساياباعىن ارالاپ كوردى. قالالىقتار مەن قوناقتاردىڭ سۇيىكتى دەمالىس ورنى بولىپ تابىلاتىن ساياباق جاقىندا قازاقستاننىڭ ءبىرىنشى پرەزيدەنتى اتىن بەردى.

ن. نازارباەۆ قازاقستاننىڭ ءبىرىنشى پرەزيدەنتى. رەسپۋبليكادا 2000-شى جىلى «قازاقستان رەسپۋبليكاسىنىڭ ءبىرىنشى پرەزيدەنتى تۋرالى زاڭ قابىلداندى»، بيىل ن. نازارباەۆقا «ۇلت كوشباسشىسى» مارتەبەسىن بەرەتىن زاڭ قابىلداندى.

اقتوبەنىڭ اۋدانى 42 گا بولاتىن ورتالىق ساياباعى جوندەۋدەن وتكەن سوڭ ايتارلىقتاي كوركەيىپ، كوپجىلدىق شوپتەر ءوسىرىلىپ، قىلقان جاپىراقتى جانە اعاش تۇقىمدارى مەن گۇلباقتار وتىرعىزىلىپ، ءتۇرلى ء–تۇستى تاستاردان جولدار توسەلدى. مۇنداي بالالار مەن ەگدە ادامداردىڭ دا تىنىعۋىنا جاعداي جاسالعان، بالالار اتراكتسيونى بار، سونداي-اق سپورتتىڭ ءداستۇرلى جانە ەكسترەمالدى تۇرلەرىمەن اينالىساتىن دا جەرلەر بار.

ساياباقتىڭ ورتالىعىندا بيىكتىگى 91 م تۋتۇعىر ورناتىلعان. تۋتۇعىردىڭ ىرگەتاسىنا قازاقستاننىڭ مەملەكەتتىك رامىزدەرىنىڭ بەدەرى سالىنعان. وسى تۋتۇعىر ارقاسىندا اقتوبەلىكتەر قالانىڭ ءار تۇكپىرىنەن مەملەكەتتىك تۋدى كورە الادى.

ساياباقتاعى قايتا جوندەۋدىڭ سمەتالىق قۇنى ت1025 ملن بولدى.