الماتى. 15 قىركۇيەك. قازتاگ- «استانا» ۆەلوكومانداسىنىڭ ليدەرلەرى الەكساندر ۆينوكۋروۆ پەن البەرتو كونتادور جيىرماسىنشى عاسىردىڭ ۇزدىك ۆەلوشاباندوزى اتانعان 1960-1970جج.اتى اڭىزعا اينالعان ەددي مەركسپەن بىرگە قالا كۇنىنە جانە 2011-ءشى جىلعى ازياداعا وراي وتكىزىلەتىن ۆەلوشەرۋگە قاتىسۋ ءۇشىن 18-قىركۇيەكتە الماتىدا جينالادى.

قالا اكىمى ءباسپاسوز قىزمەتىنىڭ حابارلاماسىندا اتاپ وتىلگەندەي، سونىمەن قاتار، ۆەلوجارىسقا الماتى قالاسىنىڭ اكىمى احمەتجان ەسىموۆ، «استانا» ۆەلوكومانداسىنىڭ مۇشەلەرى فەرناندوس حەسۋس، ماكسيم يگلينسكي، «استانا» كومانداسىنىڭ سپورتتىق ديرەكتورى الەكساندر شەففەر، سەرگەي ياكوۆلەۆ، لاپاش لاۋرەنسو، «استانا» كومانداسىنىڭ ءباسپاسوز قىزمەتىنىڭ وكىلى ۆينسەت ۆاتەلەي، «ەكيپ» فرانتسۋز سپورت باسىلىمىنىڭ ءتىلشىسى فيليپپ لەدارس، سونداي-اق، بارلىق نيەت بىلدىرگەن الماتىلىقتار مەن قالا قوناقتارى قاتىسادى.

ۆەلوشەرۋ 8 ساعات 30 مين.ءال-فارابي داڭعىلى جانە دوستىق داڭعىلىنىڭ قيىلىسىنان باستالادى، ارى قاراي ساپار ءال-فارابي داڭعىلى بويىنشا باتىسقا، سودان كەيىن جاروكوۆ ك-سىمەن تومەن جاندوسوۆ ك-نە دەيىن ساتپاەۆ كوشەسىندەگى جولايىرىقتا جالعاسادى.

اقپاراتقا سايكەس، ساپاردىڭ ۇزىندىعى 14 شاقىرىمدى قۇرايدى.

ۆەلوشەرۋ ورتالىق ستاديوندا اياقتالادى. مۇندا ۆەلوشەرۋگە قاتىسۋشىلاردى قۇتتىقتاۋ سالتاناتى جانە كونتسەرتتىك باعدارلاما وتەدى.

شارانى ۇيىمداستىرۋشىلار - قالا اكىمدىگى جانە «الماتى» ۆەلوكلۋبى.