اقش سەناتورى مارك رۋبيو ۆاشينگتونداعى رەسەي ەلشىلىگى ورنالاسقان كوشەنى قاستاندىقتان قازا تاپقان رەسەيلىك وپپوزيتسياشىل ساياساتكەر بوريس نەمتسوۆتىڭ اتىمەن اتاۋ تۋرالى تۋرالى زاڭ جوباسىن ۇسىندى، - دەپ حابارلايدى ازاتتىق.

فلوريدادان سايلانعان سەناتور، وتكەن جىلى پرەزيدەنت دونالد ترامپتىڭ رەسپۋبليكاشىل پارتيا اتىنان كانديدات بولۋىنا قارسى شىققان رۋبيو زاڭ جوباسىن نەمتسوۆتى كرەمل تۇبىندەگى كوپىردە اتىپ ولتىرگەنىنە ەكى جىل تولعان 27 اقپاندا ۇسىندى. 27 اقپاندا ماسكەۋدە بىرقاتار رەسەيلىكتەر كوشەگە شىعىپ، نەمتسوۆتىڭ قازاسىن ەسكە الدى.

رۋبيو نەمتسوۆتىڭ رەسەي پرەزيدەنتى ۆلاديمير ءپۋتيندى سىناپ، قازا تاپقان يا اۋرۋحاناعا تۇسكەن قارسىلاستارىنىڭ ءبىرى بولعانىن ايتتى.

"بوريس نەمتسوۆتىڭ اتىنا كوشە بەرۋ ديسسيدەنتتەردىڭ داۋسى ءومىر سۇرە بەرەتىنىن جانە ەركىندىكتى قورعاۋشىلاردىڭ ءۇنى وشپەيتىنىن ءپۋتيننىڭ رەجيمى مەن رەسەيلىكتەردىڭ ەسىنە ۇدايى سالىپ تۇرادى" دەدى رۋبيو.

مارك رۋبيونىڭ ۇسىنىسى زاڭ جۇزىندە قابىلدانۋى ءۇشىن ونى كونگرەستىڭ قوس پالاتاسى بىردەي ماقۇلداپ، پرەزيدەنت دونالد ترامپ قول قويۋى ءتيىس.

اباي اقپارات