پاۆلودار وبلىسىندا ءۇش ادامنىڭ ولىمىنە سوقتىرعان ءىرى ورمان ءورتى وقيعاسى بويىنشا 3 قىلمىستىق ءىس قوزعالدى
استانا. 16 قىرقۇيەك. قازتاگ – پاۆلودار وبلىسىندا ادام ولىمىنە سوقتىرعان «ەرتىس ورمانى» ورمان رەزەرۆاتىنداعى ءورت وقيعاسى بويىنشا ءۇش قىلمىستىق ءىس قوزعالدى، دەپ حابارلادى قازتاگ اگەنتتىگىنە وبلىستىق تجد جانە ءىىد.
«قازىر ساراپتاما جۇرگىزىلىپ، تج جونىندەگى دەپارتامەنت ءورت قاۋىپسىزدىگى ەرەجەلەرىن بۇزۋ جانە ەرەكشە قورعالاتىن اۋماقتاردىڭ رەجيمىن بۇزۋ بويىنشا ەكى قىلمىستىق ءىس قوزعادى»، - دەپ ءمالىم ەتتى وبلىستىق تجد ءباسپاسوز قىزمەتىنىڭ وكىلى دينا ابەلدينوۆا.
سونىمەن قاتار، ايماقتىق ىشكى ىستەر دەپارتامەنتى دە تەكسەرۋ جۇرگىزىپ جاتىر. «10 قىرقۇيەكتە قىلمىستىق كودەكستىڭ 101 بابىنىڭ 2 ءبولىمى بويىنشا ەكى جانە ودان دا كوپ ادامعا ابايسىزدا ءولىم كەلتىرۋ فاكتىسى بويىنشا قىلمىستىق ءىس قوزعالدى»، - دەپ حابارلادى وبلىستىق ءىىد ءباسپاسوز حاتشىسى بايان ماعزۇموۆا.
قازىرگى ۋاقىتتا ءورتتىڭ سەبەپتەرى انىقتالىپ جاتىر. اگەنتتىككە وبلىستىق تجد مەملەكەتتىك ورتكە قارسى باقىلاۋ باسقارماسىنىڭ باستىعى الەكسەي كيسەلەۆ حابارلاعانداي، زاڭ بويىنشا ساراپتامانىڭ قورىتىندىسى ءبىر ايدا دايىن بولۋعا ءتيىس. ول ناتيجە بۇدان دا ەرتە بەلگىلى بولادى دەپ ويلايدى.
«ءبارىنىڭ دالەلى بولۋى ءۇشىن ساراپتاما جۇرگىزىلىپ جاتىر. ساراپتاما بويىنشا ءبىر اي، ودان دا ەرتە بولۋى مۇمكىن، ويتكەنى ءىرى ءورت بولدى»، - دەدى ول قازتاگ-قا.
استانا. 16 قىرقۇيەك. قازتاگ – پاۆلودار وبلىسىندا ادام ولىمىنە سوقتىرعان «ەرتىس ورمانى» ورمان رەزەرۆاتىنداعى ءورت وقيعاسى بويىنشا ءۇش قىلمىستىق ءىس قوزعالدى، دەپ حابارلادى قازتاگ اگەنتتىگىنە وبلىستىق تجد جانە ءىىد.
«قازىر ساراپتاما جۇرگىزىلىپ، تج جونىندەگى دەپارتامەنت ءورت قاۋىپسىزدىگى ەرەجەلەرىن بۇزۋ جانە ەرەكشە قورعالاتىن اۋماقتاردىڭ رەجيمىن بۇزۋ بويىنشا ەكى قىلمىستىق ءىس قوزعادى»، - دەپ ءمالىم ەتتى وبلىستىق تجد ءباسپاسوز قىزمەتىنىڭ وكىلى دينا ابەلدينوۆا.
سونىمەن قاتار، ايماقتىق ىشكى ىستەر دەپارتامەنتى دە تەكسەرۋ جۇرگىزىپ جاتىر. «10 قىرقۇيەكتە قىلمىستىق كودەكستىڭ 101 بابىنىڭ 2 ءبولىمى بويىنشا ەكى جانە ودان دا كوپ ادامعا ابايسىزدا ءولىم كەلتىرۋ فاكتىسى بويىنشا قىلمىستىق ءىس قوزعالدى»، - دەپ حابارلادى وبلىستىق ءىىد ءباسپاسوز حاتشىسى بايان ماعزۇموۆا.
قازىرگى ۋاقىتتا ءورتتىڭ سەبەپتەرى انىقتالىپ جاتىر. اگەنتتىككە وبلىستىق تجد مەملەكەتتىك ورتكە قارسى باقىلاۋ باسقارماسىنىڭ باستىعى الەكسەي كيسەلەۆ حابارلاعانداي، زاڭ بويىنشا ساراپتامانىڭ قورىتىندىسى ءبىر ايدا دايىن بولۋعا ءتيىس. ول ناتيجە بۇدان دا ەرتە بەلگىلى بولادى دەپ ويلايدى.
«ءبارىنىڭ دالەلى بولۋى ءۇشىن ساراپتاما جۇرگىزىلىپ جاتىر. ساراپتاما بويىنشا ءبىر اي، ودان دا ەرتە بولۋى مۇمكىن، ويتكەنى ءىرى ءورت بولدى»، - دەدى ول قازتاگ-قا.
سونداي-اق، ا. كيسەلەۆ ورتكە ەلەكتر جەلىلەرىندەگى قىسقا تۇيىقتالۋ سەبەپ بولۋى مۇمكىن دەگەن بولجامدى جوققا شىعارعان «KEGOC» «ەلەكتر جەلىلەرىن باسقارۋ جونىندەگى قازاقستاندىق كومپانيانىڭ» مالىمدەمەسىنە قاتىستى ءوز پىكىرىن ءبىلدىردى. «ولاي ايتۋعا بولمايدى، ءبارى ساراپتامانىڭ قورىتىندىسى كورسەتەدى»، - دەدى ول.
بۇرىن حابارلانعانداي، وتكەن اپتادا پاۆلودار وبلىسىندا «ەرتiس ورمانى» رەزەرۆاتىنىڭ اۋماعىندا شىققان ورتپەن كۇرەس ەكى تاۋلىككە جالعاستى. 3 مىڭ گا-عا جۋىق اعاشتى جالىن جالماپ كەتتى.
قازا بولعانداردىڭ اراسىندا «ەرتىس ورمانى» مەملەكەتتىك تابيعي رەزەرۆاتىنىڭ بەسقاراعاي فيليالىنىڭ 3 قىزمەتكەرى – بەسقاراعاي فيليالىنىڭ ديرەكتورى ە.بايكەتاەۆ، تراكتورشى ن. سامۋس جانە مەملەكەتتىك ينسپەكتور ە. مولعاجداروۆ بار. ءورت كەزىندە 4 ادامنان قۇرالعان نۇرباەۆتار وتباسى زارداپ شەكتى. اكەسى مەن ەكى بالاسى وقيعا ورنىنان اۆتوكولىككە ءمىنىپ كەتپەك بولعاندا العان كۇيىك جارالارىنان قازا بولدى. ولاردىڭ اناسى كەيىن اۋرۋحانادا كوز جۇمدى.
