ەكىنشى دۇنيەجۇزىلىك سوعىستا سوۆەت وداعى جەڭدى دەگەندى باتىس ەلدەرىنىڭ ەشقايسى بىلمەيدى دە، مويىندامايدى. ءفاشيزمدى تالقانداپ جەڭىسكە جەتكەن ەل رەتىندە باتىس تاريحىندا ۇلىبريتانيا مەن اقش قانا ايتىلادى.

ال، گەرمانيانىڭ وداقتاسى بولعان ەل رەتىندە جاپونيانىڭ كۆانتۋن ارمياسىن جۋكوۆتىڭ اسكەرى شىعىسقا بارىپ تالقانداپ، قىتاي-مانچجۋريانى ازات ەتكەنى راس. 

الايدا، سول جەڭىلگەن گەرمانيا مەن جاپونيا سوعىستان كەيىنگى جىلدارى قارىشتاپ دامىپ، بۇگىنگى كۇنى وزىق تەحنولوگياسىمەن الەمدى جاۋلاپ الىپ وتىر. جەڭىس تۋىن كوتەرىپ ماقتانعان ءبىز سول ەكى «جاۋىمىزدىڭ» تۇتىنۋشىسى بولىپ، ارتتا قالىپ قويدىق. 

ارينە، مۇنىڭ ءبارى ادال ەڭبەكتى لايىقتى باعالاعان ەلدىڭ جەتكەن جەتىستىگى. ال، ءبىزدىڭ ەلدە كەشە دە بۇگىندە ادامنىڭ ادال ەڭبەگى ءادىل باعالانعان ەمەس. سوۆەت كەزىندە جۇمىس ىستەيتىن ادامنان گورى يدەولوگيالىق ۇگىت-ناسيحات ايتاتىن، قىرت باستىقتار جىرتىلىپ ايىرىلاتىن. باتىس ساياساتتانۋشىلارى «ماتەريالدىق بايلىقتى وندىرەتىن ءبىر ادامعا التى ادام باسشىلىق جاسايدى» دەپ سوۆەت قوعامىنا كۇلەتىن. قازىر دە وزگەرىپ كەتكەنىمىز شامالى. 

ال، سوۆەت وداعى دۇنيەجۇزىلىك ەكىنشى سوعىستان كەيىن شىعىس گەرمانياداعى زاۋىت-فابريكالاردى توناپ اكەلىپ ءوندىرىس سالعانىمەن قىرىق جىلدان كەيىن ءوزى كۇيرەپ قۇرىدىمعا كەتتى. ءبىز كەشە وسىنداي ۇرى، توناۋشى، وتىرىكشى ماقتانشاق قوعامنان كەلدىك. وتارلىقتىڭ سول زۇلىمدىعى مەن ءتۇرلى ىندەتتەرىنەن ءالى تولىق ايىعا الماي كەلەمىز. جاپونيامەن ارامىزداعى ايىرماشىلىعىمىز وسىندا بولسا كەرەك.

قۋاندىق شاماحاي

Facebook-تەگى پاراقشاسىنان