الماتى. 17 قىرقۇيەك. قازتاگ – «كازاحستانسكايا پراۆدا» رەسپۋبليكالىق گازەتىندە قالىپتاسقان جاعداي باسىلىمنىڭ ديرەكتورلار كەڭەسىنىڭ وتىرىسىندا قارالادى، دەپ حابارلايدى اق باسشىلىعى.

«كازاحستانسكايا پراۆدا» رگ» اق باسشىلىعى جاقىندا اكتسيونەرلىك قوعامنىڭ ديرەكتورلار كەڭەسىنىڭ وتىرىسى ءوتىپ، وندا ۇجىمداعى جاعداي قارالاتىنىن حابارلايدى»، - دەلىنگەن جۇما كۇنى قازتاگ-قا كەلگەن حاتتا.

وندا ايتىلعانداي، «وتىرىستىڭ قورىتىندىسى بويىنشا اقپارات باق-تا جاريالانادى.

«كازاحستانسكايا پراۆدا» اق ديرەكتورلار كەڭەسىنىڭ توراعاسى ەرلان بايجانوۆ ۇجىمدا قالىپتاسقان جاعدايدى «ءبىر جاقتى دەپ ايتۋعا بولماس» دەدى. «كەز-كەلگەن ۇجىمدا سياقتى، ءار جاقتىڭ ءوز دۇرىستىعى مەن قاتەلىگى بار. امانجول ابدۋللاەۆ – ءبىلىمدى مامان جانە تاجىريبەلى مەنەدجەر، بىراق تۋرالىعى مەن كونبەستىگى ونىڭ جەكە قاسيەتتەرى بولىپ تابىلادى»، - دەدى ول قازتاگ-قا.

ە.بايجانوۆ تۇسىندىرگەندەي، ا.ابدۋللاەۆ باسىلىمعا «قازمۇنايگازدان» شاقىرىلعان جانە «اتالعان جۋرناليستىك ۇجىمنىڭ  ەرەكشەلىگىنە قاراماستان، ءىرى كورپوراتيۆتى قۇرىلىمداعى جۇمىس ادىستەرىن قولدانۋعا تىرىسقان شىعار». «سونداي-اق، ول كومپانيانىڭ ۇيىمداستىرۋشىلىق قۇرىلىمىنا وزگەرىستەر ۇسىنىپ، قىزمەتكەرلەردى قىسقارتۋ باستاماسىن كوتەردى، بۇل ونى ارىپتەستەرىنىڭ اراسىندا جامان اتتى ەتتى»، - دەدى دك توراعاسى.

سونىمەن قاتار، ول جۋرناليستەردىڭ ايىپتارىن «اسا اۋىر» دەپ ەسەپتەمەيتىنىن ايتتى. «سوندىقتان دا مەن بۇل تۇلعاارالىق قاقتىعىس دەگەنگە كوبىرەك سەنەمىن. ادامداردىڭ مىنەزدەرى سايكەس كەلمەدى، امبيتسيالاردىڭ تەكە-تىرەسى ورىن الىپ وتىر. مۇنداي كەز-كەلگەن ۇجىمدا بولىپ جاتادى، بىراق ادەتتە جۇرتشىلىققا تارالمايدى»، - دەدى ە.بايجانوۆ.

ول ۇجىمداعى قايشىلىقتاردى باسىپ، «قاقتىعىستى ارى قاراي ورشىتپەۋ كەرەك» دەپ ەسەپتەيدى.

بۇرىن حابارلانعانداي، بەيسەنبى كۇنى ينتەرنەت جەلىسىندە «كازاحستانسكايا پراۆدا» جۋرناليستەرىنىڭ بايلانىس جانە اقپارات ءمينيسترى اسقار جۇماعاليەۆكە رەداكتسياداعى ىشكى قاقتىعىسقا ارالاسۋىن سۇراپ جازعان حاتتارى جاريالاندى.

حاتتا ايتىلعانداي، اق باسقارما توراعاسىنىڭ ورىنباسارى قىزمەتىنە ا. ابدۋللاەۆ تاعايىندالعاننان كەيىن ۇجىمدا «وتە اۋىر پسيحولوگيالىق اتموسفەرا قالىپتاستى، وسىعان بايلانىستى ءبىزدىڭ باسىلىمعا ارتىلعان مەملەكەتتىك ماڭىزداعى مىندەتتەردى شەشۋگە مۇمكىندىكتەر ازايىپ بارادى»، «ۇجىم بۇزىلدى»، - دەلىنگەن حابارلامادا.

جۋرناليستەر ا. ابدۋللاەۆ «قاتال ۇكىمشىلىككە، سۋبەكتيۆيزمگە نەگىزدەلگەن، ديالوگقا تىرىسۋدان جۇرداي باسقارۋ» جۇرگىزەدى، «ۇناماعانداردى» قۋدالاۋعا الىپ، اۋىر داۋ مەن ۇرىستار تۋدىرادى» دەپ شاعىمدانعان.

ولاردىڭ ايتۋىنشا، اق باسقارما توراعاسى ورىنباسارىنىڭ قىزمەتىندە «قىزمەت بابىن اسىرا پايدالانۋ جانە تەرىس ماقساتتا پايدالانۋ» فاكتىلەرى جەتكىلىكتى.

«كازاحستانسكايا پراۆدا» قىزمەتكەرلەرىنىڭ پىكىرىنشە، مۇنداي جاعداي ۇجىمدا نارازىلىق تۋدىردى. قازىرگى ۋاقىتتا گازەتتىڭ 66 قىزمەتكەرىنەن كاسىپوداق قۇرىلدى، دەيدى جۋرناليستەر.