جۇما, 29 ناۋرىز 2024
قوعام 6043 0 پىكىر 2 اقپان, 2017 ساعات 16:16

ترامپتىڭ جوباسى: قازاقستان با، قىرعىزستان با؟..

تومەندەگى اڭگىمەمىز اقش پرەزيدەنتى د. ترامپ كومەكشىلەرىنىڭ ساياسي ساۋاتسىزدىعى توڭىرەگىندە بولماق.

AFP 2001 جىلدىڭ 11 قىركۇيەگىندەگى تەرروريستىك وقيعاعا جاۋاپتىلاردىڭ بازالارى بار مەملەكەتتەر قاتارىنا مىسىر، كۋۆەيت، ليۆان، پاكىستان، ساۋد ارابياسى مەن قىرعىزستاندى كىرگىزگەن.

الايدا اقش پرەزيدەنتى اكىمشىلىگىندەگى قىزمەتكەرلەردىڭ ساياسي ساۋاتسىزدىعى ما، الدە AFP-ءتىڭ قاتەلىگى مە، ايتەۋىر تاۋەلسىز قازاقستان رەسپۋبليكاسىنىڭ شەكاراسى سىزىلعان كارتاعا «قىرعىزستان» دەپ جازىلىپتى. الايدا ينفوگرافيكا كوپ تۇرماي جاتىپ، جىبەرىلگەن قاتە تۇزەتىلدى.

اقش-تىڭ جاڭا سايلانعان پرەزيدەنتىنىڭ قيسىق-قىڭىر مىنەزدى ەكەنى جۇرتقا ءمالىم. بۇل دونالد ترامپتىڭ ساياسي قيتۇرقىلىعى ما، الدە دۇنيەجۇزىندە جەر كولەمى جونىنەن 9-ورىندى الىپ جاتقان، ەكونوميكالىق الەۋەتى جونىنەن ورتالىق ازياداعى ەڭ ءىرى مەملەكەت سانالاتىن قازاقستاندى كورشىلەس جاتقان قىرعىزستانمەن شاتاستىرىپ الاتىنداي، جيرەنسارى ءدونالدتىڭ قۇزىرىنداعى اق ءۇي اكىمشىلىگىندەگىلەر  سونشاما ساۋاتسىز با؟! بۇعان قاتىستى اقش-تىڭ قازاقستانداعى ەلشىلىگى نە ايتادى ەكەن دەپ، ءبىز ەلشىلىككە حابارلاستىق.

ونداعىلار بولعان-جايدى جازباشا جولداۋدى جانە الدىمىزداعى اپتانىڭ ىشىندە ءبىزدىڭ سۇراقتارىمىزعا قاتىستى تولىق ءارى ناقتى جاۋاپ بەرىلەتىنىن ايتتى. ونى دا كۇتەيىك.

ايتا كەتەيىك، جاقىندا اقش پرەزيدەنتى دونالد ترامپتىڭ جەتى بىردەي مۇسىلمان مەملەكەتتەرىمەن قارىم-قاتىناس ورناتۋعا تىيىم سالعانى تۋرالى باتىس باسىلىمدارى جارىسا جازۋدا.

دالىرەك ايتساق، دونالد ترامپ يران، يراك، سيريا، سۋدان، ليۆيا، يەمەن جانە سومالي ەلىنىڭ ازاماتتارىنا (ەڭبەك ميگرانتتارى) اقش اۋماعىندا 90 تاۋلىكتىك شەكتەۋ قويعان.

CNN ساراپشىسى فاريد زاكاريا بۇنى دونالد ترامپتىڭ جەكە بيزنەسىمەن بايلانىستىرادى.

زاكاريانىڭ ايتۋىنشا، قارا تىزىمگە كىرگەن ەلدەردىڭ بىردە-بىرەۋىندە ترامپتىڭ ينۆەستيتسيالىق جوباسى جوق كورىنەدى.

نۇرگەلدى ابدىعانيۇلى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3552