كەشە الماتىدا مەملەكەتتىك ءتىلدى قولداۋ اكتسياسى ءوتتى. تابانى كۇرەكتەي 21 جىل بويى زار قاقساپ، جاعىمىز تالماي ايتىپ كەلە جاتقان ءتىل ماسەلەسىنىڭ بۇگىن، ەرتەڭ شەشىلە قالاتىن ءتۇرى كورىنبەيدى. شەشىلگەنى بىلاي تۇرسىن، جۇرت قازاق ءتىلىنىڭ ماسەلەسىننەن جالىعا باستاعان سىڭايلى. بىلتىرى وتكەن مەملەكەتتىك ءتىل اكتسياسىنا جينالعان جۇرت رەسپۋبليكا سارايىنا سىيماي كەتكەنىن كوزىمىز كورىپ ەدى. بيىلعى اكتسيا جەتىم قىزدىڭ تويىنداي بولدى...

مەديتسينا ۋنيۆەرسيتەتىنىڭ كونگرەسس-حولىندا وتكەن اكتسياعا بىرنەشە ءجۇز ادام عانا جينالدى. توڭعان تورعايداي بولىپ ءۇرپيىسىپ وتىرىپ، ءتىل ماسەلەسىن جيىن سايىن ايتاتىن اعالاردىڭ سول باياعى ءسوزىن تىڭداپ تارقاستى. اكتسيانى اشقان مۇحتار شاحانوۆ: «بىزدە كىنا جوق. قايتەمىز ەندى؟ قولىمىزدا يا بيلىك يا اقشا جوق. اركىم ۇيىندە جاتا بەرسە، ۇلتتىڭ جاي نە بولماق؟!»، دەپ نالي سويلەدى. كۇيمەگەندە قايتەدى ەندى. مۇحتار شاحانوۆ ءسوز اراسىندا ءۇش جىل قاتارىنان وتكىزىلىپ كەلە جاتقان اكتسيا وتەر ۋاقىتتا قالا اكىمشىلىگى جاعالاسىپ، ءدال وسى كۇنگە قالا كۇنى مەرەكەسىن اتاپ ءوتىپ كەلە جاتقانىندا ايتتى. ەكى بىردەي جوعارعى وقۋ ورنى ستۋدەنتتەرىن ءتىل تۋرالى اكتسياعا بارساڭدار، وقۋمەن ءبىرجولا قوش ايتىسىپ كەتىڭدەر دەپ، جاتاقحانالارىن كۇزەتىپ وتىر ەكەن دەگەندى دە شاحانوۆتىڭ اۋزىنان ەستىدىك. ەستىر قۇلاق بولسا. كىممەن قورقادى؟ انا تىلىنەن بە؟...سۇراق يت باسىنا توگىلەدى. ءاۋ دەگەن جاۋاپ جوق. مىنە، ءبىز وسىنداي ەلمىز قايتەسىز ەندى...

كەشە الماتىدا مەملەكەتتىك ءتىلدى قولداۋ اكتسياسى ءوتتى. تابانى كۇرەكتەي 21 جىل بويى زار قاقساپ، جاعىمىز تالماي ايتىپ كەلە جاتقان ءتىل ماسەلەسىنىڭ بۇگىن، ەرتەڭ شەشىلە قالاتىن ءتۇرى كورىنبەيدى. شەشىلگەنى بىلاي تۇرسىن، جۇرت قازاق ءتىلىنىڭ ماسەلەسىننەن جالىعا باستاعان سىڭايلى. بىلتىرى وتكەن مەملەكەتتىك ءتىل اكتسياسىنا جينالعان جۇرت رەسپۋبليكا سارايىنا سىيماي كەتكەنىن كوزىمىز كورىپ ەدى. بيىلعى اكتسيا جەتىم قىزدىڭ تويىنداي بولدى...

مەديتسينا ۋنيۆەرسيتەتىنىڭ كونگرەسس-حولىندا وتكەن اكتسياعا بىرنەشە ءجۇز ادام عانا جينالدى. توڭعان تورعايداي بولىپ ءۇرپيىسىپ وتىرىپ، ءتىل ماسەلەسىن جيىن سايىن ايتاتىن اعالاردىڭ سول باياعى ءسوزىن تىڭداپ تارقاستى. اكتسيانى اشقان مۇحتار شاحانوۆ: «بىزدە كىنا جوق. قايتەمىز ەندى؟ قولىمىزدا يا بيلىك يا اقشا جوق. اركىم ۇيىندە جاتا بەرسە، ۇلتتىڭ جاي نە بولماق؟!»، دەپ نالي سويلەدى. كۇيمەگەندە قايتەدى ەندى. مۇحتار شاحانوۆ ءسوز اراسىندا ءۇش جىل قاتارىنان وتكىزىلىپ كەلە جاتقان اكتسيا وتەر ۋاقىتتا قالا اكىمشىلىگى جاعالاسىپ، ءدال وسى كۇنگە قالا كۇنى مەرەكەسىن اتاپ ءوتىپ كەلە جاتقانىندا ايتتى. ەكى بىردەي جوعارعى وقۋ ورنى ستۋدەنتتەرىن ءتىل تۋرالى اكتسياعا بارساڭدار، وقۋمەن ءبىرجولا قوش ايتىسىپ كەتىڭدەر دەپ، جاتاقحانالارىن كۇزەتىپ وتىر ەكەن دەگەندى دە شاحانوۆتىڭ اۋزىنان ەستىدىك. ەستىر قۇلاق بولسا. كىممەن قورقادى؟ انا تىلىنەن بە؟...سۇراق يت باسىنا توگىلەدى. ءاۋ دەگەن جاۋاپ جوق. مىنە، ءبىز وسىنداي ەلمىز قايتەسىز ەندى...

قويشى، ايتەۋىر جينالىپ قالعان ەكەنبىز وسى ازعانا ادامنىڭ انا تىلىنە دەگەن قۇرمەتىنە قىلاۋ تۇسپەسىن دەگەندەي اكتسيادا باستالدى. بىراق... سول باياعى بىراقتان شىعادى عوي. بىلتىرى سويلەگەن زيالى توپ بيىل تاعى كوسىلدى. تاعى سول ۇسىنىس. تاعى دا ءسوز، تاعى دا ۇران. اركىم قازاق ءتىلىنىڭ ماسەلەسىن جالعىز ءوزى شەشىپ تاستاعىسى كەلەتىن سياقتى اسەر قالادى ەكەن. ءتىپتى، ويىن ولەڭمەن ورنەكتەپ جەتكىزگەندەردىڭ دە سانى بىرازعا جەتتى. ءسوزدىڭ تىزىمىندە جوق ءبىر كوكەمىز شىعىپ، الماتىنى ءبىر ءوزى قازاق تىلىنە كوشىرىپ جۇرگەنىن جىر عىلىپ ايتتى. تۇقىرايىپ تىڭدادىق. قوي دەيتىن ادام جوق. بيلىكتىڭ وكىلى - مادەنيەت مينيسترلىگى ءتىل كوميتەتىنىڭ توراعاسى باۋىرجان وماروۆ مىرزا مەملەكەتتىك ءتىل ماسەلەسى جاقىن ۋاقىتتا شەشىلۋى، ءاي، قايدام، ەكىتالاي بىراق ۇسىنىستارىڭىزدى بيلىكتىڭ قۇلاعىنا جەتكىزەيىن دەپ ۋادە ەتىپ ول كەتتى.

قويشى، ايتەۋىر، ءان ايتتىق، ولەڭ وقىدىق، جەڭىلدەپ ءبىر كوسىلدىك سونىمەن پرەزيدەنتتىڭ، پارلامەنتتىڭ، ۇكىمەتتىڭ، قازاقتىڭ اتىنا تاعى ءبىر اشىق حات قابىلداپ تارقاستىق. ءتورت ساعاتقا سوزىلعان انا ءتىلىنىڭ اكتسياسى سونىمەن ءتامام بولدى. 2011 جىلى كۇزدە كەزدەسكەنشە قازاقتار...

كورگەنىمىز، تۇيگەنىمىز وسى بولدى.

"اباي-اقپارات"