الماتى. 24 قىرقۇيەك. قازتاگ – داۆيد يان. الماتى قالاسىنىڭ 5-ءشى كلينيكالىق اۋرۋحاناسىنا دوستارى ەسسىز كۇيدە جەتكىزگەن قازاق ۇلتتىق اگرارلىق ۋنيۆەرسيتەتىنىڭ (قازۇاۋ) ستۋدەنتى قازا بولدى، جاستاردىڭ توپتاسقان توبەلەسى وتكەن سارسەنبىدە الماتىنىڭ بوستاندىق اۋدانىندا بولعان. بۇل تۋرالى اگەنتتىككە قۇقىق قورعاۋ ورگاندارىنداعى دەرەككوز حابارلادى.

ستۋدەنتتەر «بىرەۋ بىرەۋدەن تارتىپ العان» ۇيالى تەلەفون ءۇشىن قاقتىعىسىپ قالعان، دەيدى دەرەككوزدەر، بىراق توبەلەسكەندەردىڭ سانىن جانە قانداي جوعارى وقۋ ورىندارىندا وقيتىندارىن ناقتىلاعان جوق.

ولاردىڭ ايتۋىنشا، «جاستار ناۋرىزباي كوشەسىنىڭ ماڭىندا اباي داڭعىلى مەن ساتپاەۆ كوشەسىنىڭ ورتاسىندا كەشكى ساعات 18 بەن 19-دىڭ اراسىندا قاقتىعىسىپ قالعان. ال جارتى ساعات وتپەي جاتىپ دارىگەرلەر قازۇاۋ-ءدىڭ 3-ءشى كۋرسىندا وقيتىن 21 جاستاعى شىمكەنتتىكتىڭ ءومىرى ءۇشىن كۇرەسىپ جاتتى».

سوت-مەديتسينالىق ساراپتامانىڭ اكتىسىنە سايكەس، ءولىم (ستۋدەنتتىڭ – قازتاگ) وتكىر زاتتان كەۋدەسىنىڭ سول جاعىنان وكپەسىنەن جانە وڭ جاڭ سانىنىڭ الدىڭعى جاعىنان تيگەن   جاراقاتتان قان جوعالتۋدىڭ ناتيجەسىندە بولعان».

ۋنيۆەرسيتەت جاتاقحاناسىندا تۇرعان بالا وقيتىن وقۋ ورنىنداعىلار ونىڭ قاتارلاستارىنان وقۋدا دا، تۇرمىستا دا ەش ەرەكشەلەنبەگەنىن ايتقان. بۇعان دەيىن زاڭ بۇزباعان.

الماتى. 24 قىرقۇيەك. قازتاگ – داۆيد يان. الماتى قالاسىنىڭ 5-ءشى كلينيكالىق اۋرۋحاناسىنا دوستارى ەسسىز كۇيدە جەتكىزگەن قازاق ۇلتتىق اگرارلىق ۋنيۆەرسيتەتىنىڭ (قازۇاۋ) ستۋدەنتى قازا بولدى، جاستاردىڭ توپتاسقان توبەلەسى وتكەن سارسەنبىدە الماتىنىڭ بوستاندىق اۋدانىندا بولعان. بۇل تۋرالى اگەنتتىككە قۇقىق قورعاۋ ورگاندارىنداعى دەرەككوز حابارلادى.

ستۋدەنتتەر «بىرەۋ بىرەۋدەن تارتىپ العان» ۇيالى تەلەفون ءۇشىن قاقتىعىسىپ قالعان، دەيدى دەرەككوزدەر، بىراق توبەلەسكەندەردىڭ سانىن جانە قانداي جوعارى وقۋ ورىندارىندا وقيتىندارىن ناقتىلاعان جوق.

ولاردىڭ ايتۋىنشا، «جاستار ناۋرىزباي كوشەسىنىڭ ماڭىندا اباي داڭعىلى مەن ساتپاەۆ كوشەسىنىڭ ورتاسىندا كەشكى ساعات 18 بەن 19-دىڭ اراسىندا قاقتىعىسىپ قالعان. ال جارتى ساعات وتپەي جاتىپ دارىگەرلەر قازۇاۋ-ءدىڭ 3-ءشى كۋرسىندا وقيتىن 21 جاستاعى شىمكەنتتىكتىڭ ءومىرى ءۇشىن كۇرەسىپ جاتتى».

سوت-مەديتسينالىق ساراپتامانىڭ اكتىسىنە سايكەس، ءولىم (ستۋدەنتتىڭ – قازتاگ) وتكىر زاتتان كەۋدەسىنىڭ سول جاعىنان وكپەسىنەن جانە وڭ جاڭ سانىنىڭ الدىڭعى جاعىنان تيگەن   جاراقاتتان قان جوعالتۋدىڭ ناتيجەسىندە بولعان».

ۋنيۆەرسيتەت جاتاقحاناسىندا تۇرعان بالا وقيتىن وقۋ ورنىنداعىلار ونىڭ قاتارلاستارىنان وقۋدا دا، تۇرمىستا دا ەش ەرەكشەلەنبەگەنىن ايتقان. بۇعان دەيىن زاڭ بۇزباعان.

قۇقىق قورعاۋ ورگاندارى وكىلدەرىنىڭ اتاپ كورسەتۋىنشە، سول كۇنى م. تىنىشپاەۆ ات. قازاق كولىك جانە كوممۋنيكاتسيا اكادەمياسىنىڭ ءبىرىنشى كۋرس ستۋدەنتىن ولتىرۋگە قاتىسى بار ادام ۇستالىپ، قاماۋعا الىنعان.

«ماسانچي كوشەسىندە قككا-نىڭ №4 جاتاقحاناسىندا تۇرعان 18 جاستاعى وڭتۇستىكقازاقستاندىقتان ول توبەلەس كەزىندە جەرلەسىن جاراقاتتاعان پىشاق تاركىلەنگەن. پىشاق زاتتاي ايعاق رەتىندە قىلمىستىق ىسكە قوسىلدى»، – دەيدى دەرەككوزدەر.

توبەلەسكە قانشا ادامنىڭ قاتىسقانى، پوليتسيانىڭ ولاردى قر قك قانداي باپتارى بويىنشا جاۋاپقا تارتىپ جاتقانى، وقۋ ورىندارىنىڭ اتاۋلارى حابارلانباي وتىر.

زاڭگەرلەر بۇل -سوڭعى ءۇش كۇندە ادام قازاسىمەن اياقتالىپ وتىرعان الماتىلىق جوو-لار ستۋدەنتتەرىنىڭ ەكىنشى توبەلەسى ەكەنىن ايتىپ وتىر.

بۇرىن حابارلانعانداي، وتكەن سەيسەنبىدە الماتىنىڭ اۋەزوۆ اۋدانىندا جاندوسوۆ جانە التىنسارين كوشەلەرىنىڭ قيىلىسىندا شىققان توبەلەستە قازاقتىڭ ەڭبەك جانە الەۋمەتتىك قاتىناستار اكادەمياسىنىڭ (قەاقا) 3-ءشى كۋرس ستۋدەنتى، 20 جاستاعى الماتىلىق پىشاقتان كوپتەگەن جاراقاتتار العان.

جارالى ستۋدەنتتى سەيسەنبى كۇنى  9 ساعات 30 مينۋتتا جاندوسوۆ جانە التىنسارين كوشەلەرىنىڭ قيىلىسىندا كەزدەيسوق ءوتىپ بارا جاتقان ادامدار تاۋىپ العان، ول كەيىن قان كوپ كەتكەندىكتەن اۋرۋحانادا كوز جۇمدى.

قۇقىق قورعاۋ ورگاندارىنداعى دەرەككوزدەر تەرگەۋشى تۇرمىستىق سەبەپتەرمەن كىسى ءولتىرۋ بولجامىن قاراستىرادى دەگەن بولاتىن. «اينالادان تابىلعان (قىلمىس ورنىنان - قازتاگ) شىنى بوتەلكەلەردىڭ سىنىقتارى، پىشاق قىلمىستىق ىسكە زاتتاي ايعاقتار رەتىندە تىركەلدى، ولار قىلمىستىڭ تۇرمىستىق سەبەبىنە نۇسقايدى»، – دەدى ول.

ونىڭ ولىمىنە قاتىستى ايرس باسپاحاناسىندا جۇمىس ىستەيتىن ەكى الماتىلىق قاماۋعا الىندى. «19 جانە 22  جاستاعى باسپاگەرلەر 22 قىرقۇيەكتە ارنايى جانە جەدەل-ىزدەستىرۋ شارالارى بارىسىندا ۇستالدى»، دەپ حابارلادى قالالىق ءىىد.

ۆەدومستۆوداعىلاردىڭ ايتۋىنشا، ۇستەرىنەن قر قك 96 بابىنىڭ 1 بولىمىندە (كىسى ءولتىرۋ) قاراستىرىلعان قىلمىستىڭ بەلگىلەرى بويىنشا قىلمىستىق ءىس قوزعالعان فيگۋرانتتار قاماۋعا الىندى.

«ولاردىڭ (قاماۋعا الىنعانداردىڭ - قازتاگ) كىسى ولتىرگەنى جاۋاپ الۋ، بەتپە-بەت كەزدەسۋ جانە باسقا دا تەرگەۋ شارالارى كەزىندە اشكەرەلەندى»، – دەيدى دەپارتامەنتتەگىلەر. دەرەككوزدەرىنىڭ ايتۋىنشا، بەلگىلەرگە قاراعاندا، قىلمىسقا بۇزاقىلىق ويلار سەبەپ بولعان.

ناقتىلانباعان مالىمەتتەرگە سايكەس، توبەلەس 3-ءشى كۋرس ستۋدەنتتەرىنىڭ 1-ءشى كۋرس ستۋدەنتتەرىنەن اقشا بوپسالاعاننان كەيىن، سوڭعىلارى تانىستارىن كومەككە شاقىرعان سوڭ شىققان.