ۇكىمەت وتىرىسى بارىسىندا قر پرەمەر-ءمينيسترى باقىتجان ساعىنتاەۆ وبلىس اكىمدەرىنىڭ ەگىس ناۋقانىنا ازىرلىگى تۋرالى ەسەپتەرىن تىڭداپ، جاۋاپتى مەملەكەتتىك ورگاندارعا الداعى جۇمىستاردى جۇرگىزۋ اياسىندا تاپسىرمالار بەردى.

پرەمەر-مينيستر ۇكىمەت تاراپىنان كوكتەمگى ەگىس جۇمىستارىن قارجىلىق جانە ماتەريالدىق-تەحنيكالىق قامتاماسىز ەتۋ بويىنشا بارلىق شەشىمدەر قابىلدانعانىن اتاپ ءوتتى. وسىعان بايلانىستى بارلىق اۋىل شارۋاشىلىعى جەرلەرى ءتيىمدى پايدالانىلۋى كەرەك. بيۋدجەتتە ەگىستىك ءۇشىن قاراستىرىلعان قاراجات قاتاڭ تۇردە ماقساتىنا لايىق باعىتتالۋى ءتيىس، بۇل تۇقىمداردى سۋبسيديالاۋعا دا قاتىستى.

قر پرەمەر-ءمينيسترى ب. ساعىنتاەۆ ءوزىنىڭ ورىنباسارى، قر اۋىل شارۋاشىلىعى ءمينيسترى ا. مىرزاحمەتوۆكە ەنەرگەتيكا مينيسترلىگىمەن بىرلەسە وتىرىپ اۋىل شارۋاشىلىعى وندىرۋشىلەرىن ديزەلدىك وتىنمەن قامتاماسىز ەتۋ ماسەلەسىن باقىلاۋعا الۋدى تاپسىردى. سونىمەن قاتار، قازاگرو حولدينگىنە اقشالاي قاراجاتتى ۋاقىتىلى ءبولۋ جانە اۋىلدىقتار ءۇشىن ونىڭ قولجەتىمدىلىگىن قامتاماسىز ەتۋ تاپسىرىلدى.

اباي-اقپارات