بەيسەنبى, 8 جەلتوقسان 2022
بيلىك 4619 0 پىكىر 17 ماۋسىم, 2015 ساعات 04:34

نازارباەۆ ۋنيۆەرسيتەتىنىڭ العاشقى تۇلەكتەرىنىڭ وقۋ ءبىتىرۋ ءراسىمى ءوتتى

15 ماۋسىمدا نازارباەۆ ۋنيۆەرسيتەتىندە مەملەكەت باسشىسى نۇرسۇلتان نازارباەۆتىڭ قاتىسۋىمەن العاشقى تۇلەكتەرىنىڭ وقۋ ءبىتىرۋ ءراسىمى ءوتتى.

سالتاناتتى راسىمگە ستۋدەنتەر، اتا-انالار، سونداي-اق پروفەسسورلىق-وقىتۋشىلىق قۇرام، ءىرى ۇلتتىق كومپانيالاردىڭ باسشىلارى جانە ارنايى شاقىرىلعان قوناقتار قاتىستى.

مەملەكەتتى باسشىسى نۇرسۇلتان نازارباەۆ نازارباەۆ ۋنيۆەرسيتەتىنىڭ العاشقى تۇلەكتەرىن وقۋ بىتىرۋلەرىمەن قۇتتىقتاپ:
- حالىق سىزدەردىڭ ىستەرىڭىزگە قاراپ ۋنيۆەرسيتەتتىڭ دايىندىق دەڭگەيىن باعالايتىن بولادى. ول ۇلكەن جاۋاپكەرشىلىك. مەن سىزدەردىڭ ارقايسىسىڭىزدان كاسىبي تۇرعىدا جان-تاندەرىڭىزبەن بەرىلىپ جۇمىس ىستەيدى دەپ سەنەمىن. سىزدەردىڭ وقۋلارىڭىز العاشقى ديپلوم العاندارىڭىزبەن توقتاپ قالمايدى. ول ءومىر بويى جالعاسادى. ءومىردىڭ شىندىعىنا تەك بىلىمدەرىڭىزدى جەتىلدىرگەننەن كەيىن عانا قول جەتكىزەسىزدەر. وعان جەتۋدىڭ جولىن سىزدەر 5 جىل بويى ۇيرەنىپ شىقتىڭىزدار. ەڭبەك پەن كاسىپتى سەرىك ەتپەسەڭىزدەر سىزدەردىڭ جاتتاپ العاندارىڭىز تەز-اق ۇمىتىلىپ قالادى. تەك ءوز ءىسىنىڭ ناعىز مامانى عانا ءبارىن ءبىلىپ قانا قويماي، ءبىلىمىن ناقتى ىسپەن كورسەتە الادى. ۋنيۆەرسيتەتتىڭ تۇلەكتەرى ءدال سونداي كاسىبي بولادى دەپ سەنەمىن. ويتكەنى سىزدەردىڭ الدىلارىڭىزدا ەلدى دامىتىپ، حالىقتى گۇلدەندىرىپ، باقىتقا جەتەلەۋ تۇر, - دەدى.

ايتا كەتەيىك، 2010 جىلى قازاقستان پرەزيدەنتى نۇرسۇلتان نازارباەۆتىڭ باستاماسىمەن قۇرىلعان نازارباەۆ ۋنيۆەرسيتەتىن العاشقى بولىپ 446 ستۋدەنت اياقتادى. ستۋدەنتتەر كوبىنە گۋمانيتارلىق جانە الەۋمەتتىك عىلىمدار، عىلىم جانە تەحنولوگيالار، ينجەنەريا، جوعارعى ءبىلىم بەرۋ، جوعارعى مەملەكەتتىك ساياسات مەكتەبىندە جانە جوعارعى بيزنەس مەكتەپتەرىندە ءبىلىم الدى. جالپى العاندا، ۋنيۆەرسيتەت اشىلعان كەزدەن باستاپ جەتى مەكتەپتەگى ستۋدەنتتەر سانى 2800-گە دەيىن ارتتى. جىل سايىن 500 ادام وقۋ گرانتىنا يە بولادى. 
ۋنيۆەرسيتەتتى اياقتاعاننان كەيىن تۇلەكتەردىڭ ءبىرشاماسى ەڭبەك جولىن باستاۋدى، ال كەيبىرى əلەمدىك دەڭگەيدەگى جوعارعى وقۋ ورىندارىندا، سونداي-اق نازارباەۆ ۋنيۆەرسيتەتىندە ءəرى قاراي ءبىلىمىن جالعاستىرۋدى جوسپارلاپ وتىر.

 

اينۇر راكيشەۆا، عابيت ماداليەۆ

Baq.kz

 

0 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2586
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1662
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1845