«قازاقستان-2050» جالپىۇلتتىق قوزعالىسىنىڭ مەديا-ديرەكتورى، تانىمال تەلەجۋرناليست قانات اۋەسبايدىڭ ايتۋىنشا، بيىلعى پرەزيدەنتتىك سايلاۋ ەل تاريحىندا سايلاۋشىلارى ەڭ كوپ قاتىسقان ساياسي ناۋقان رەتىندە قالادى. 

- وسى جولعى ساياسي ناۋقان سايلاۋشىلار ەڭ كوپ كەلگەن، ۇيىمداستىرىلۋى جوعارى دەڭگەيدە وتكەن سايلاۋ رەتىندە تاريحتا قالادى دەپ ويلايمىن. تاڭەرتەڭنەن بەرى بايقاعانىم، سايلاۋ ۋچاسكەلەرىنە كەلىپ، داۋىس بەرۋگە اسىققان حالىق وتە كوپ. سول ارقىلى حالىق ءوزىنىڭ ازاماتتىق بەلسەندىلىگىن كورسەتتى. ال بۇل ءجايت ەلدەگى ساياسي مادەنيەتتىڭ ارتىپ كەلە جاتقانىن كورسەتەدى. بۇل جەردە ورتالىق سايلاۋ كوميسسياسىنىڭ دا سايلاۋشىلاردى ۋچاسكەلەرىنە شاقىرۋ جۇمىسىن جوعارى دەڭگەيدە اتقارعانى ايقىن كورىنىپ تۇر، - دەيدى قانات اۋەسباي.

ايتا كەتەيىك، بۇگىن تاڭعى 7.00-دەن باستاپ قازاقستاننىڭ بارلىق اۋماعىندا قر پرەزيدەنتىن سايلاۋ ناۋقانى باستالدى. ورتالىق سايلاۋ كوميسسياسىنىڭ مالىمەتى بويىنشا، ساعات تاڭعى 10.00-گە دەيىن داۋىس بەرۋشىلەردىڭ 20 پايىزعا جۋىعى ءوز تاڭداۋلارىن جاساعان. 

اباي-اقپارات.