بۇگىن، 17 ناۋرىز جۇمىس كۇنىنىڭ سوڭعى ساعاتتارىندا تۇركيا پرەزيدەنتى رەجەپ تايپ ەردوعان رەسەي پرەزيدەنتى پۋتينمەن تەلەفون ارقىلى سويلەستى.

تۇركيا پرەزيدەنتىنىڭ اقپاراتتىق دەرەككوزدەرىنە سۇيەنىپ جازعان www.radikal.com.tr حابارىنا ساي، ەكى ەل پرەزيدەنتى ۋكراينا ماسەلەسىن تالقىلاعان. ارىپتەستىكتى ودان ارى دامىتا تۇسۋگە نيەتتى ەكەنىن بىلدىرگەن ەردوعان مەن پۋتين ۋكرايناداعى ەكونوميكالىق داعدارىستى، اسكەري قاقتىعىستاردى، سونىمەن قاتار رەسەي مەن تۇركيا اراسىندا جوعارى دارەجەلى ەنەرگەتيكالىق قاتىناس ورناتۋدى دا ءسوز ەتكەن. اڭگىمە بارىسىندا ەكى ەل پرەزيدەنتى قىرىم تاتارلارىنا بايلانىستى وزەكتى ماسەلەلەر مەن ولاردى شەشۋ جولدارىن دا قاراستىرعان.

ولار تەلەفون ارقىلى اڭگىمەسىندە تۇركيا پرەزيدەنتى ەردوعاننىڭ ۋكرايناعا 20 ناۋرىزعا جوسپارلانعان ءىسساپارى اياسىندا تالقىلاناتىن تاقىرىپتارعا دا توقتالىپ ءوتتى. وندا 1915 جىلعى داۋلى ماسەلەلەر دە  قارالاتىنى (1915 جىلعى وسمان يمپەرياسى مەن ارميان حالقى اراسىنداعى سالقىندىق) ايتىلدى. ەردوعان ۇمىتىلماس تاريحقا ءادىل باعاسىن بەرىپ، شىنايى قۇرمەت كورسەتەتىنىن ايتقان،  الايدا ارمەنيانىڭ تاتۋلاستىق شاقىرتۋلارىنا تۇركيانىڭ ءمان بەرمەيتىنىن، سونىمەن قاتار ورتاق تاريح كوميسسياسىن قۇرۋ ۇسىنىستارىنا  وڭ قاباق تانىتپايتىن  پوزيتسياسىن دا بىلدىرە كەتكەن.

ەكى ليدەر اراسىنداعى تەلەفون ارقىلى اڭگىمە جارتى ساعاتقا سوزىلعان.

نۇرعالي نۇرتاي

Abai.kz