ەرلان ايتىموۆ (سۋرەتتە) كوكورىم جاس ەدى. مەكتەپتى التىن بەلگىمەن ءبىتىرىپ، رەسەي مەملەكەتتىك مۇناي-گاز ۋينۆەرسيتەتىنىڭ 1 كۋرس ستۋدەنتى اتانىپ، جاس ءومىرى ەندى عانا جايقالا باستاعان تۇستا ون سەگىز جاسىندا جات جەردە جاتتىڭ قولىنان قازا تاپتى. 2008 جىلى 14 جەلتوقساندا ماسكەۋ قالاسىنداعى بۋتلەروۆ كوشەسىندەگى №2 ءۇيدىڭ جانىنان ەرلاننىڭ ءولى دەنەسى تابىلدى. ءبىلىم قۋعان قازاقتىڭ ورىمدەي جاس جىگىتىن جاتتىڭ سۋىق قولى پىشاقتاپ ولتىرگەن.

قازىر ماسكەۋدە ەرلاننىڭ جاس ءومىرىن جاۋىزدىقپەن قيعان قانىشەر قىلمىسكەرلەردىڭ سوتى ءوتىپ جاتىر. انتون ۆاسيلەۆ باستاعان قىلمىستىق توپتىڭ قۇرامىندا اندرەي گوردەەۆ، كونستانتين كۋچەر جانە ۆلاديسلاۆ پولياكوۆ دەگەندەر بولعان.

بۇل قىلمىستىق توپ 2008 جىلدىڭ تامىز ايىندا انتون ۆاسيلەۆتىڭ باسشىلىعىمەن قۇرىلىپتى. اۋەلدە قولدان جاسالعان جارىلعىشتارمەن بازارلاردا، ادام ءنوپىرى كوپ  جەرلەردە جارىلىستار ۇيىمداستىرعان. سودان 2008 جىلدىڭ قىسى باستالعاندا اسىرەۇلتشىل قىلمىستىق توپقا اينالعان قىلمىسكەرلەر ءجۇزى سلاۆياندىق ەمەس ادامداردى اۋلاۋعا كوشكەن. قانىشەرلەردىڭ باسشىسى انتون ۆاسيلەۆ 14 جەلتوقسان كۇنى كەشكىسىن بەت-ءجۇزى سلاۆياندىق ەمەس دەپ ەرلان ايتىموۆتى بۇيرەك تۇسىنان پىشاقتاپ تاستاعان. ال، اندرەي گوردەەۆ، كونستانتين كۋچەر ەكەۋى قانسىراپ جاتقان قازاق بالاسىنا اتا جاۋىن ولتىرگەندەي ماساتتانا قاراپ تۇرعان.

ەرلان ايتىموۆ (سۋرەتتە) كوكورىم جاس ەدى. مەكتەپتى التىن بەلگىمەن ءبىتىرىپ، رەسەي مەملەكەتتىك مۇناي-گاز ۋينۆەرسيتەتىنىڭ 1 كۋرس ستۋدەنتى اتانىپ، جاس ءومىرى ەندى عانا جايقالا باستاعان تۇستا ون سەگىز جاسىندا جات جەردە جاتتىڭ قولىنان قازا تاپتى. 2008 جىلى 14 جەلتوقساندا ماسكەۋ قالاسىنداعى بۋتلەروۆ كوشەسىندەگى №2 ءۇيدىڭ جانىنان ەرلاننىڭ ءولى دەنەسى تابىلدى. ءبىلىم قۋعان قازاقتىڭ ورىمدەي جاس جىگىتىن جاتتىڭ سۋىق قولى پىشاقتاپ ولتىرگەن.

قازىر ماسكەۋدە ەرلاننىڭ جاس ءومىرىن جاۋىزدىقپەن قيعان قانىشەر قىلمىسكەرلەردىڭ سوتى ءوتىپ جاتىر. انتون ۆاسيلەۆ باستاعان قىلمىستىق توپتىڭ قۇرامىندا اندرەي گوردەەۆ، كونستانتين كۋچەر جانە ۆلاديسلاۆ پولياكوۆ دەگەندەر بولعان.

بۇل قىلمىستىق توپ 2008 جىلدىڭ تامىز ايىندا انتون ۆاسيلەۆتىڭ باسشىلىعىمەن قۇرىلىپتى. اۋەلدە قولدان جاسالعان جارىلعىشتارمەن بازارلاردا، ادام ءنوپىرى كوپ  جەرلەردە جارىلىستار ۇيىمداستىرعان. سودان 2008 جىلدىڭ قىسى باستالعاندا اسىرەۇلتشىل قىلمىستىق توپقا اينالعان قىلمىسكەرلەر ءجۇزى سلاۆياندىق ەمەس ادامداردى اۋلاۋعا كوشكەن. قانىشەرلەردىڭ باسشىسى انتون ۆاسيلەۆ 14 جەلتوقسان كۇنى كەشكىسىن بەت-ءجۇزى سلاۆياندىق ەمەس دەپ ەرلان ايتىموۆتى بۇيرەك تۇسىنان پىشاقتاپ تاستاعان. ال، اندرەي گوردەەۆ، كونستانتين كۋچەر ەكەۋى قانسىراپ جاتقان قازاق بالاسىنا اتا جاۋىن ولتىرگەندەي ماساتتانا قاراپ تۇرعان.

مۇنىمەن دە توقتاماعان اسىرەۇلتشىل قىلمىستىق توپ ەكى كورەيالىق قىزدى تىرىدەي ورتەپ جىبەرمەك بولعان. قۇداي ساقتاپ، ەكى قىز قاشىپ قۇتىلعان. بىرەۋىن كۇيىك شالعان. 2009 جىلى قۇرىقتالعان قىلمىستىق توپقا 24 قىلمىس جاساعان دەگەن ايىپ تاعىلىپ، سوت زالىندا وتىر.

اقپاراتتارعا قاراعاندا، قىلمىستىق توپتىڭ ۇيىتقىسى بولعان انتون ۆاسيلەۆكە ءومىر بويى تۇرمە جازاسى بەرىلۋى مۇمكىن. ال، قالعان ۇشەۋى ون جىلدان ارتىققا سوتتالماۋى مۇمكىن. سەبەبى، بۇل ۇشەۋى بەت ءجۇزى سلاۆياندىق ەمەس ازاماتتاردىڭ قانىن سۋداي شاشىپ جۇرگەن كەزدەرىندە كاملەتتىك جاسقا تولماعان ەكەن.

ال، وقۋ، ءبىلىم ىزدەپ جاسقانباي جات جەرگە بارىپ، قاپىدا كەتكەن قازاقتىڭ ورىمدەي ۇلىنىڭ ورنىن كىممەن، نەمەن تولتىرامىز؟ دالادا جاتقان قازاق جوق. ءبىلىم جولىندا سىرتتا جۇرگەن ءار قازاق بالاسى ارتىمدا ەلىم، جەرىم، قارا ورمانداي قازاعىم، ۇلى قورعانىم بار دەپ ۇلكەن، ومىرلىك سەنىممەن جۇرەدى. ەندەشە، قازاقستان - جەر بەتىندەگى بار قازاقتىڭ جالعىز قورعانى ەكەنىن استە ەستەن شىعارماۋى ءتيىس.

«اباي-اقپارات»