استانا. 4 قازان. قازتاگ – ايناگۇل بەكەەۆا. قر ەكونوميكالىق قىلمىسپەن جانە سىبايلاس جەمقورلىقپەن كۇرەس اگەنتتىگى (قارجى پوليتسياسى ) استانانىڭ №2 سارىارقا اۋداندىق سوتى قر دەنساۋلىق ساقتاۋ ءمينيسترى جاقسىلىق دوسقاليەۆتى 10 تاۋلىككە قاماۋعا الۋعا سانكتسيا بەرۋ فاكتىسىن قۋاتتادى.

«2 قازاندا ءبىز دوسقاليەۆكە قاتىستى قاماۋعا الۋ بۇلتارتپاۋ شاراسىن قولدانۋ تۋرالى ءوتىنىش ەنگىزدىك، ونى پروكۋراتۋرا ورگاندارى تولىعىمەن قولدادى. وسى كۇنى سارىارقا سوتىنىڭ سۋدياسى بىلقيلوۆا قارجى پوليتسياسى ۇسىنعان دوسقاليەۆتىڭ دەنساۋلىعى تۋرالى شىنايى مالىمەت بەرەتىن بەينەماتەريالداردى زەرتتەپ، دوسقاليەۆتىڭ قىزمەت بابىن پايدالانىپ، دەنساۋلىعى تەرگەۋ جانە باسقا دا امالداردى قوزعاۋعا مۇمكىندىك بەرمەيتىن اۋىر جاعدايدا ەكەنىن كورسەتىپ، ماتەريالداردىڭ سوتتا وبەكتيۆتى قارالۋىنا جانە ءىستى وبەكتيۆتى تەرگەۋگە كەدەرگى كەلتىرمەك بولعان دەگەن قورىتىندى شىعاردى. سوت بۇل جاعدايلاردى جەتكىلىكتى ساناپ، كۇدىكتى دوسقاليەۆكە قاتىستى 10 تاۋلىك مەرزىمگە قاماۋعا الۋ تۇرىندە بۇلتارتپاۋ شاراسىن قولدانۋعا سانكتسيا بەردى»،- دەدى م. جۇمانباي دۇيسەنبى كۇنى بريفينگتە.

ونىڭ ايتۋىنشا، اتالعان شارا ج.دوسقاليەۆتىڭ اۋرۋحانادا جاتقانى سەبەپتى سوت وتىرىسىنا كەلمەۋىنە بايلانىستى قولدانىلدى.

استانا. 4 قازان. قازتاگ – ايناگۇل بەكەەۆا. قر ەكونوميكالىق قىلمىسپەن جانە سىبايلاس جەمقورلىقپەن كۇرەس اگەنتتىگى (قارجى پوليتسياسى ) استانانىڭ №2 سارىارقا اۋداندىق سوتى قر دەنساۋلىق ساقتاۋ ءمينيسترى جاقسىلىق دوسقاليەۆتى 10 تاۋلىككە قاماۋعا الۋعا سانكتسيا بەرۋ فاكتىسىن قۋاتتادى.

«2 قازاندا ءبىز دوسقاليەۆكە قاتىستى قاماۋعا الۋ بۇلتارتپاۋ شاراسىن قولدانۋ تۋرالى ءوتىنىش ەنگىزدىك، ونى پروكۋراتۋرا ورگاندارى تولىعىمەن قولدادى. وسى كۇنى سارىارقا سوتىنىڭ سۋدياسى بىلقيلوۆا قارجى پوليتسياسى ۇسىنعان دوسقاليەۆتىڭ دەنساۋلىعى تۋرالى شىنايى مالىمەت بەرەتىن بەينەماتەريالداردى زەرتتەپ، دوسقاليەۆتىڭ قىزمەت بابىن پايدالانىپ، دەنساۋلىعى تەرگەۋ جانە باسقا دا امالداردى قوزعاۋعا مۇمكىندىك بەرمەيتىن اۋىر جاعدايدا ەكەنىن كورسەتىپ، ماتەريالداردىڭ سوتتا وبەكتيۆتى قارالۋىنا جانە ءىستى وبەكتيۆتى تەرگەۋگە كەدەرگى كەلتىرمەك بولعان دەگەن قورىتىندى شىعاردى. سوت بۇل جاعدايلاردى جەتكىلىكتى ساناپ، كۇدىكتى دوسقاليەۆكە قاتىستى 10 تاۋلىك مەرزىمگە قاماۋعا الۋ تۇرىندە بۇلتارتپاۋ شاراسىن قولدانۋعا سانكتسيا بەردى»،- دەدى م. جۇمانباي دۇيسەنبى كۇنى بريفينگتە.

ونىڭ ايتۋىنشا، اتالعان شارا ج.دوسقاليەۆتىڭ اۋرۋحانادا جاتقانى سەبەپتى سوت وتىرىسىنا كەلمەۋىنە بايلانىستى قولدانىلدى.

«10  تاۋلىك وتكەن سوڭ دوسقاليەۆكە ايىپ تاعىلادى، ول قپك 150 بابى بويىنشا سوتقا بەرىلەدى. دوسقاليەۆ سوزىلمالى گيپەرتونياعا شالدىققاندىقتان، قارجى پوليتسياسىنىڭ ورگاندارى سول ەمحانادا وعان بىلىكتى مەديتسينالىق كومەك كورسەتۋ شارالارىن قولعا الدى»، - دەپ ناقتىلادى ۆەدومستۆونىڭ وكىلى.

قارجى پوليتسياسىنىڭ تەرگەۋ دەپارتامەنتىنىڭ باستىعى نۇرلان اۋعانباەۆ مالىمدەگەندەي، قازىرگى ۋاقىتتا قارجى پوليتسياسى دەنساۋلىق ساقتاۋ ءمينيتسرى جاقسىلىق دوسقاليەۆتىڭ پالاتاسىن كۇزەتكە الدى.

ن. اۋعانباەۆ بۇل شارانىڭ «(…) تەرگەۋ مۇددەسى ءۇشىن عانا ەمەس، دوسقاليەۆتىڭ ءوز مۇددەسى ءۇشىن دە» قولعا الىنعانىن ءتۇسىندىردى.

دەپارتامەنت باستىعىنىڭ ايتۋىنشا، جاقسىلىق دوسقاليەۆتىڭ قان قىسىمى جوعارى. الايدا «قىلمىستىق ءىستى توقتاتۋعا ەشقانداي نەگىز جوق»، دەدى قارجى پوليتسياسىنىڭ وكىلى.

بۇرىن حابارلانعانداي، جەكسەنبى كۇنى كتك تەلەارناسى استانانىڭ №2 سارىارقا اۋداندىق سوتى ج. دوسقاليەۆتى قاماۋعا الۋعا سانكتسيا بەرگەنىن حابارلادى.

ەسكە سالا كەتەيىك، 21 قىرقۇيەكتە ج. دوسقاليەۆكە قاتىستى قىزمەت بابىن اسىرا پايدالانۋ فاكتىسى بويىنشا قىلمىستىق ءىس قوزعالدى. 22 قىرقۇيەكتە قارجى پوليتسياسىندا ودان جاۋاپ الىندى. 25 قىرقۇيەكتە ول كۇدىكتى رەتىندە استانا ءىىد ۋاقىتشا وقشاۋلاعىشىنا قامالدى، سول جەردە ونىڭ قان قىسىمى كوتەرىلىپ، 26 قىرقۇيەكتە ينسلۋت العان ول رەسپۋبليكالىق كلينيكالىق اۋرۋحاناعا جەتكىزىلگەن. دارىگەرلەر ونىڭ جاعدايىن اۋىر دەپ باعالاپ وتىر. 27 قىرقۇيەكتە استانانىڭ اۋداندىق سوتى كۇدىكتىنىڭ دەنساۋلىق جاعدايىنا بايلانىستى قارجى پوليتسياسىنىڭ ونى قاماۋعا الۋ تۋرالى ءوتىنىشىن قاناعاتتاندىرماي تاستادى.

قارجى پوليتسياسى ج.دوسقاليەۆتى 2005-2006 جىلدارى قازاق مەديتسينالىق اكادەمياسىنىڭ رەكتورى بولعاندا جول بەرگەن بۇزۋشىلىقتارى ءۇشىن قىلمىستىق جاۋاپكەرشىلىككە تارتپاق.

قارجى پوليتسياسىنىڭ مالىمەتىنە سايكەس، ج. دوسقاليەۆ جەكە مۇددەلەرىن كوزدەپ، اكادەميانىڭ جەر تەلىمدەرىندە تۇرعىن ءۇي كەشەندەرىن سالۋ تۋرالى كەلىسىمشارتقا وتىرعان. قۇرىلىستى اياقتاعان كومپانيا ج. دوسقاليەۆتىڭ باس سەنىمحاتى بويىنشا پاتەرلەردى اكادەمياعا قاتىسى جوق ادامدارعا نارىقتىق باعامەن ساتقان. ج. دوسقاليەۆتىڭ ءوزى ەكى پاتەر مەن كوتتەدجگە يە بولعان. اتالعان جەر تەلىمدەرى اكادەميانىڭ وقىتۋشىلارىنا ارنالعان.