بىشكەك. 9 قازان. قازتاگ – يگور شەستاكوۆ. قىرعىزستان پارلامەنتىنە سايلاۋ قارساڭىندا ەل پرەزيدەنتى روزا وتۋنباەۆا سايلاۋعا قاتىسۋشى پارتيالاردى ساياسي جاعدايدى كۇردەلەندىرمەۋگە جانە الداعى داۋىس بەرۋدىڭ ناتيجەسىن مويىنداۋعا شاقىردى.

«ءبىز سايلاۋعا قاتىسۋشى ساياسي پارتيالاردىڭ ءبارى ونىڭ قورىتىندىسىن مويىنداۋدا ەرىك-جىگەر تانىتادى دەپ ويلايمىز. نەگىزسىز ايىپتاۋلاردىڭ، سپەكۋلياتسيانىڭ، ساياسي داۋ-دامايدىڭ قاجەتى جوق»، -  دەلىنگەن قىرعىزستان پرەزيدەنتىنىڭ پارلامەنتتىك سايلاۋعا قاتىستى تاراتقان ۇندەۋىندە.

ونىڭ اتاپ كورسەتۋىنشە، بيلىك سايلاۋ الدى ناۋقانى بارىسىندا اكىمشىلىك رەسۋرستى پايدالانۋعا جول بەرمەۋگە تىرىستى. ر. وتۋنباەۆانىڭ باعالاۋىنشا، سايلاۋ الدىنداعى كۇرەس «ءادىل جانە تازا» ءوتتى.

مەملەكەت باسشىسى سايلاۋ كۇنى ەشقانداي بۇزۋشىلىقتار بولمايدى دەپ سەندىردى.

«ەرتەڭ دە (سايلاۋ كۇنى) اكىمشىلىك رەسۋرس پايدالانىلمايدى. ءبىز ءاربىر قىرعىزستاندىق ءوزىنىڭ بەرگەن داۋىسى دۇرىس تىركەلەتىنىنە سەنىمدى بولۋى ءۇشىن ۋچاسكەلەردى داۋىس بەرۋ پروتسەسىنە جانە داۋىستاردى ەسەپتەۋ پروتسەسىنە ارالاسۋدان قورعاۋ شارالارىن قابىلدادىق»، - دەلىنگەن ر. وتۋنباەۆا سەنبى كۇنى ايتقان ۇندەۋدە.

«اقاەۆتىڭ، باكيەۆتىڭ سايلاۋى كەزىندەگىدەي الاياقتىقتارعا جول بەرىلمەيدى. بۇعان جول جوق. ءبارى سىزدەردىڭ الدارىڭىزدا وتەدى. ءبىر دە ءبىر ۋرناعا «بوتەن» بيۋللەتەن تۇسپەۋى ءۇشىن ءبارىن جاسايمىز»، - دەدى ول.

بىشكەك. 9 قازان. قازتاگ – يگور شەستاكوۆ. قىرعىزستان پارلامەنتىنە سايلاۋ قارساڭىندا ەل پرەزيدەنتى روزا وتۋنباەۆا سايلاۋعا قاتىسۋشى پارتيالاردى ساياسي جاعدايدى كۇردەلەندىرمەۋگە جانە الداعى داۋىس بەرۋدىڭ ناتيجەسىن مويىنداۋعا شاقىردى.

«ءبىز سايلاۋعا قاتىسۋشى ساياسي پارتيالاردىڭ ءبارى ونىڭ قورىتىندىسىن مويىنداۋدا ەرىك-جىگەر تانىتادى دەپ ويلايمىز. نەگىزسىز ايىپتاۋلاردىڭ، سپەكۋلياتسيانىڭ، ساياسي داۋ-دامايدىڭ قاجەتى جوق»، -  دەلىنگەن قىرعىزستان پرەزيدەنتىنىڭ پارلامەنتتىك سايلاۋعا قاتىستى تاراتقان ۇندەۋىندە.

ونىڭ اتاپ كورسەتۋىنشە، بيلىك سايلاۋ الدى ناۋقانى بارىسىندا اكىمشىلىك رەسۋرستى پايدالانۋعا جول بەرمەۋگە تىرىستى. ر. وتۋنباەۆانىڭ باعالاۋىنشا، سايلاۋ الدىنداعى كۇرەس «ءادىل جانە تازا» ءوتتى.

مەملەكەت باسشىسى سايلاۋ كۇنى ەشقانداي بۇزۋشىلىقتار بولمايدى دەپ سەندىردى.

«ەرتەڭ دە (سايلاۋ كۇنى) اكىمشىلىك رەسۋرس پايدالانىلمايدى. ءبىز ءاربىر قىرعىزستاندىق ءوزىنىڭ بەرگەن داۋىسى دۇرىس تىركەلەتىنىنە سەنىمدى بولۋى ءۇشىن ۋچاسكەلەردى داۋىس بەرۋ پروتسەسىنە جانە داۋىستاردى ەسەپتەۋ پروتسەسىنە ارالاسۋدان قورعاۋ شارالارىن قابىلدادىق»، - دەلىنگەن ر. وتۋنباەۆا سەنبى كۇنى ايتقان ۇندەۋدە.

«اقاەۆتىڭ، باكيەۆتىڭ سايلاۋى كەزىندەگىدەي الاياقتىقتارعا جول بەرىلمەيدى. بۇعان جول جوق. ءبارى سىزدەردىڭ الدارىڭىزدا وتەدى. ءبىر دە ءبىر ۋرناعا «بوتەن» بيۋللەتەن تۇسپەۋى ءۇشىن ءبارىن جاسايمىز»، - دەدى ول.

سونداي-اق، پرەزيدەنت قۇقىق قورعاۋ ورگاندارى ارانداتۋشى ارەكەتتەردىڭ ءبارىن قاتاڭ تىياتىنىن مالىمدەدى.

«بۇعان ءبىزدى بيلىك باسىندا وتىرۋىن سوزبالاپ جاتىر دەپ ايىپتاعان ىشكى كۇشتەردىڭ ارەكەتتەرى دە، ءبىزدىڭ سايلاۋ مەن ەلدەگى جاعدايدى تەرىس سۋرەتتەۋگە تىرىسقان سىرتقى كۇشتەردىڭ ارەكەتتەرى دە كەدەرگى جاساي المادى. ارينە داۋ بولۋى مۇمكىن. بىراق ءبىز جەتكىلىكتى نەگىز بولماسا، نارازىلىق شارالارىن نەمەسە باسقا تۇراقسىزداندىرۋشى ارەكەتتەردى ۇيىمداستىرۋعا جول بەرۋگە بولمايدى دەپ ەسەپتەيمىز. بيلىك تاراپىنان ونداي نەگىزدەرگە جول بەرىلمەيدى. ميليتسيا، كۇش قۇرىلىمدارى كەز-كەلگەن ارانداتۋلارعا، جاعدايدى ءورشىتۋ ارەكەتتەرىنە لايىقتى جاۋاپ بەرە الادى»، - دەلىنگەن ۇندەۋدە.

قىرعىزستاندا پارلامەنتتىك سايلاۋ 10 قازاندا وتەدى.