تەرگەۋ كوميتەتىنىڭ مالىمدەۋىنشە، تەراكتىنى ورىنداعان 22 جاستاعى قىرعىزستان تۋماسى اكبارجون دجاليلوۆ دەگەن ازامات. ونىڭ رەسەي ازاماتتىعى بولعان. تەرگەۋ مالىمەتىنشە، زالالسىزداندىرىپ ۇلگەرگەن ەكىنشى بومبانى دا سول قويعان. دجاليلوۆ باقىلاۋ كامەراسىنداعى جازبالاردى قاراعاننان كەيىن جانە گەنەتيكالىق ساراپتامادان كەيىن كۇدىككە ىلىنگەن. تەرگەۋ ءىسى ونىڭ "يسلام مەملەكەتى" تەرروريستىك ۇيىمىنا قاتىسى بولۋى مۇمكىندىگىن تەسكەرىپ جاتىر.

"روسسيا 24" ارناسىنىڭ حابارلاۋىنشا، سارسەنبى كۇنى پەتەربۋرگكە وش قالاسىنان جيھادشى دەلىنگەن كۇدىكتىنىڭ اتا-اناسى ۇشىپ كەلگەن. ولاردى سۇراۋعا الادى جانە كۇدىكتىنى تانۋ ىسىنە قاتىسادى.

"كوممەرسانتتىڭ" مالىمەتىنشە، تەرگەۋشىلەر تەرروريست ەكى جارىلعىش زاتپەن قالايشا مەتروعا كىرىپ كەتكەنىن انىقتاپ جاتىر. وسىعان قاتىستى مەترونىڭ قاۋىپسىزدىك قىزمەتكەرلەرى سالعىرتتىقتارى ءۇشىن جاۋاپقا تارتىلۋى مۇمكىن.

3 ساۋىردە پەتەربۋرگ مەتروسىنىڭ ۆاگونىندا تەراكت بولىپ، 14 ادام قازا تاپتى، 50-گە تارتا ادام جارالاندى.

اباي-اقپارات