مىنا ءبىر ەستىگەن وقيعا ەسىمە ءتۇسىپ تۇرعانى. ءبىر باسشى حانىمعا قاسىنداعى قىزمەتكەر ەر كىسى: "كوكتەم كەلدى. ىشتەگى كەيبىر تىزەسىنەن كيىمى جوعارى كەتكەن قىز بالالارعا دۇرىس كيىنۋدى ەسكەرتسەڭىز", - دەپ ءوتىنىش ەتەدى. سونداعى باسشى حانىمنىڭ قىزمەتكەرىنە ايتقان جاۋابى مىناۋ ەكەن: "ەركەكتەر ءوزىنىڭ نəپسىسىنە يە بولسىن. جازدا مۇنان دا اشىق كيىنەمىز". مۇنداي سوزدەن قانداي تəربيەنىڭ ۇشقىنىن كورىپ تۇرسىز؟! بۇل - ارسىزدىق پەن ۇياتسىزدىققا باستالعان العاشقى قادام ەمەس پە؟!

بۇعان قاتىستى حالقىمىز: "تانا كوزىن سۇزبەسە، بۇقا ءجىبىن ۇزبەيدى", - دەپ ايتقان. قاناتتى ءسوزدى تۇسىنگەنگە تالقىلاپ جاتپايىن... ال اۋزىنان ءجونى ءتۇزۋ ءسوز شىقپاعان نەمەسە ءسوزى مەن ءىسى ساي ەمەس əلگىندەي جاندارعا نە ايتاسىڭ؟!

اتام قازاقتىڭ قىزىنا بۇلاي تəربيە بەرمەگەنى ءسىز بەن بىزگە بەسەنەدەن بەلگىلى. قىز بالانى قىرىق ۇيدەن تىيىپ: "ەستى قىز ەتەگىن قىمتاپ ۇستايدى" دەپ ءتəلىم كورسەتكەن.

ءتىپتى "ۇلىڭدى بوتەن ۇيدەن تويدىرما، قىزىڭدى بوتەن ۇيگە قوندىرما" دەيدى. سوندىقتان قوعام ىشىندە قازاقتىڭ قىزدارى اردان اتتاپ، ۇياتتى ۇمىت قالدىرۋىنا جول بەرمەۋى كەرەك. سونداي-اق، "جانىم ارىمنىڭ ساداقاسى" دەپ بىلگەن جانداردىڭ قۇقىقتارىنا قۇرمەتپەن قاراپ، ەتەك-جەڭىمىزدى جاباتىنداي دۇرىس كيىنۋ قاجەت.

جاز مەزگىلدەرىندە سىرتىندا قورعانىشى جوق ءəرى ارزان كونفەتتىڭ قۇرت-قۇمىرسقاعا تەز-اق جەم بولعانىن كەزدەستىرە الامىز. الايدا قۇندى باعالى كونفەت əدەمى قاعازدارمەن ورالىپ، وزگەنىڭ كوزى تۇسپەيتىن بيىك ورىنداردا تۇراتىنى بəرىمىزگە ايان. بۇل ءبىر مىسال.

ەكىنشى، سوناۋ زاماندارى əجەلەرىمىز كۇندىز بىلاي تۇرسىن، قاراڭعى قويۋ تۇندە "پەرىشتە قاشادى" دەپ شاشىن دا اشىق قالدىرماۋعا تىرىسقان ەكەن. نە دەگەن يماندىلىق دەسەڭىزشى؟!

وسىنداي تەكتى حالىقتىڭ ۇرپاعىمىز عوي. سول ءۇشىن قازاق قىزدارى تەكتىلىگىڭدى ساقتاعىڭ كەلسە، ەتەگىڭدى قىمتاپ ۇستا. جەلگە دە، بوتەن كوزگە دە اشتىرما.

ءبىر-بىرىمىزبەن ءبولىسىپ قىزدارىمىزدىڭ ارلى بولىپ، ۇياتتى كيىنۋىنە ات سالىسايىق، باۋىرلار!

قايىربەك وتىزباەۆ، دىنتانۋشى

Facebook-تەگى پاراقشاسىنان