بەيسەنبى, 8 جەلتوقسان 2022
جاڭالىقتار 7071 13 پىكىر 9 ءساۋىر, 2017 ساعات 22:42

"بەلدەن كەتكەن" دەپۋتاتتاردىڭ جالاقىسى كوبەيىپتى

وسى اپتادا استانا جاقتان جەتكەن حابار – بۇرىنعىداي سايلانباعان، پارتيا جەتەكشىلەرى تاراپىنان تاعايىندالعان دەپۋتاتتاردىڭ جالاقىلارى كوتەرىلەدى-ءمىس.

Today.kz دەيتىن سايتتىڭ جازۋىنشا، 2017 جىلدىڭ 1-ناۋرىزىنان باستاپ بىرقاتار قازاقستاندىق دەپۋتاتتاردىڭ جالاقىلارى كوبەيگەن.

ورتاشا جالاقى ءوسىمى 30-50 پايىز ارالىعىن قۇراپتى. بۇل اقپاردى پارلامەنت دەپۋتاتتارى باقىتبەك سماعۇل مەن ەكاتەرينا نيكيتينسكايا دا راستاعان كورىنەدى.

«ءيا، جالاقىمىز كوتەرىلدى. تەك ءبىر ايتارىم، بىزگە ۇكىمەت مۇشەلەرىنەن گورى از قوستى. مەن مۇنى ناقتى ايتا الامىن. دەسە دە، حالىقارالىق تاجىربيەدە دەپۋتات – ەڭ جوعارعى ساياسي قىزمەتتىڭ ءبىرى بولىپ تابىلادى»، - دەيدى نيكيتينسكايا حانىم.

ءتىپتى، قاي دەپۋتات قانشا جالاقى الاتىنى دا ءمالىم بولدى. دەپۋتاتتار جۇمىس ىستەيتىن كوميتەت باسشىلىعى ۇسىنىسى بويىنشا، ونىڭ ەڭبەك ءوتىلى ەسكەرىلىپ بارىپ، ۇستەمە جالاقى تاعايىندالعان.

ورتاشا ەسەپپەن، ءبىر دەپۋتاتتىڭ ايلىق جالاقىسى 500 مىڭ تەڭگەنىڭ اينالاسى بولدى.

مىسالى، پارلامەنتتەگى از داۋىستى فراكتسيانىڭ توراعاسى ازات پەرۋاشەۆ ءبىر ايدا  450 مىڭ تەڭگەنى ەكى ءبولىپ الادى.

كەشە عانا پارلامەنت قابىرعاسىن ءتاي-ءتايلاپ اتتاعان بوكسشى سەرىك ساپيەۆ (ساياساتكەر دەپ اتاۋ قيسىنسىز) ءبىرىنشى ترانشتا 180 مىڭ، ەكىنشى ترانشتا 370 مىڭ الاتىن كورىنەدى.

ماجىلىسمەن ەرسۇلتان بەكتۇرعانوۆ بار بولعانى 408 مىڭ تەڭگەنى تالعاجاۋ ەتۋگە ءماجبۇر.

ەۋروپالىقتارشا ايتقاندا، «قالتالى» پارلامەنت حالىققا قىزمەت ەتپەيدى. "بۇگىنگى پارلامەنتتىڭ سىقپىتى سنەجاننالار بولىپ تۇر" دەپ جازعان ەدىك، وتكەندە. بۇگىنگى دە ايتارىمىز وسى. ەسىم-سويىن ەل بىلمەيتىن تاساداعى «توبىر» دەمەسكە شارا جوق.

مىنا ازاماتتار نەگە ءۇنسىز وتىر؟ نە ىستەپ وتىر؟ بار ما ءوزى...بالكىم كورمەي جۇرگەن بولارمىز. ءاي، قايدام...

زۆولسكي سەرگەييماشەۆا سنەجانناكيم رومانكليمەنكو يۆانكوزلوۆ ەۆگەنيكەسەباەۆا بالايىمماگەرراموۆ ماگەررامميكاەليان نارينەوتەمىسوۆ شاۆحاتسۋسلوۆ الەكساندرحيتۋوۆ تاراسچيركوۆ ميحايلحاحازوۆ شاكيرتەمىرجانوۆ مۇرات...

بۇلار دەپۋتاتتار ەكەن. ەلباسىنىڭ 2021 جىلعا دەيىن سەنىم بىلدىرگەن بۇل دەپۋتاتتارىنا ىزدەۋ سالامىز.

دەپۋتاتتىڭ بيلىككە ىقپال ەتۋىنىڭ باستى قۇرالى – دەپۋتاتتىق ساۋال. ءويت­كەنى زاڭ بويىنشا دەپۋتاتتىڭ سا­ۋالىنا ۇكى­مەت تە، بارلىق قۇزى­رەت­تى ورىن­دار دا جاۋاپ بەرۋگە مىندەتتى. قا­زىر دە­پۋ­تات­تىق ساۋالداردىڭ دا قا­دىرى كەتتى. ال اتتارى اتالعان ادامداردىڭ دەپۋتاتتىق ساۋال جاساپ نەمەسە باق الدىندا سويلەگەن سوزدەرىن ەستىدىڭىز بە؟ جوق! پارلامەنت ۇكىمەتتى جاساقتايتىن ەڭ ماڭىزدى ساياسي ينستيتۋت. ال ءبىزدىڭ «بەلدەن كەتكەن» پارلامەنتىمىزگە قاراپ، بۇلاي ايتا المايمىز.

نەگىزى ءبىزدىڭ تۇسىنىگىمىزدە پارلامەنت — قازاقستان رەسپۋبليكاسىنىڭ زاڭ شىعارۋ قىزمەتىن جۇزەگە اسىراتىن رەسپۋبليكانىڭ ەڭ جوعارى وكىلدى ورگانى. الايدا، قازاقستان پارلامەنتىنىڭ بۇگىنگى كۇيى – «كىمنىڭ تارىسى پىسسە – سونىڭ تاۋىعىنا اينالعان». قازاقستان پارلامەنتiنiڭ دەپۋتاتتارى تۋرالى توم-توم قاعىتپالار جازۋعا بولاتىن شىعار. حالىقتىڭ الەۋمەتتiك پروبلەمالارى تۋرالى ۇسىنىستار ايتۋعا كەلگەندە ۇندەرi ارەڭ شىعاتىن دەپۋتاتتار اق وردا جاقتان بۇيرىق تۇسسە، تاناۋراپ ءجۇرىپ تاۋ قوپارىپ تاستاۋعا دايىن.

گەرونتوكراتيالىق جۇيەگە ىنتى-شىنتاسىمەن بەرىلگەن دەموگوگ دەپۋتاتتار - «اۋتسايدەرلەر».

نۇرگەلدى ابدىعانيۇلى

Abai.kz

13 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2588
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1670
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1847