جەكسەنبى, 14 تامىز 2022
2938 6 پىكىر 11 ءساۋىر, 2017 ساعات 09:31

ەردوعان ەۋروپانى «اۋرۋ ادامعا» تەڭەدى

تۇركيا پرەزيدەنتى رەجەپ تايپ ەردوعان ەۋروپاعا قايتادان اشۋ-ىزاسىن كورسەتىپ، انكارانىڭ ەۋروپالىق وداققا قوسىلۋ جونىندەگى ءوتىنىشىن قايتا قارايتىنىن مالىمدەدى. ەردوعان "ەۋروپا تۇرىك حالقىنا قارسى جاساعانىنا جاۋاپ بەرەدى" دەدى.

9 ساۋىردە يزميردە سويلەگەن سوزىندە ەردوعان 16 ساۋىردە تۇركيادا پرەزيدەنتتىڭ قۇزىرەتىن كەڭەيتۋ جونىندەگى رەفەرەندۋم وتكەننەن كەيىن، ەۋروپا ماسەلەسىنە قايتا ورالاتىنىن مالىمدەدى. تۇركيا پرەزيدەنتى ەۋروپانى «اۋرۋ ادامعا» تەڭەدى. بۇل تەڭەۋدى 19 عاسىردا ەۋروپالىق ساياساتكەرلەر قۇلاپ بارا جاتقان وسمان يمپەرياسىنا قارسى ايتقان.

ادىلدىك جانە دامۋ كونسەرۆاتيۆتى يسلام پارتياسىنىڭ نەگىزىن قۇرعان ەردوعان 2003 جىلى ەل پرەمەر-ءمينيسترى بولدى. بۇل قىزمەتتە ول 2014 جىلعا دەيىن، پرەزيدەنت بولعانعا دەيىن ىستەدى. ەردوعان تۇركيانى پارلامەنتتىك رەسپۋبليكادان پرەزيدەنتتىك مەملەكەتكە اينالدىرۋدى ماقسات تۇتاتىنىن مالىمدەگەن. وسى ماسەلە الداعى رەفەرەندۋمدا قويىلىپ وتىر.

باتىس ەلدەرى ەردوعاندى بيلىكتى ءبىر ادامنىڭ قولىنا كوشىرمەكشى دەپ ايىپتايدى. ول سونىمەن بىرگە 2016 جىلى شىلدە ايىندا ەلدە توڭكەرىس جاساماق بولدى دەپ وپپوزيتسيانى قۋدالاعانى ءۇشىن سىنعا قالىپ وتىر.

Abai.kz

6 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2286
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2052
ادەبيەت

ءتۇس

ەرعالي باقاش 1735
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2788