مۇقاعاليدىڭ ايگىلى «موتسارت. جان ازاسى» رەكۆيەمى بەس بولىمنەن تۇرادى ەمەس پە. سونىڭ بەسىنشى ءبولىمى «جەتىمدەر ءۇنى» دەپ اتالادى. اقىننىڭ ارۋاعىنان كەشىرىم سۇراي وتىرىپ، سول ءبولىمدى سەناتتاعى «جەتىمدەرگە» ىڭعايلاپ وزگەرتىپ كورسەك. كەيبىر جولدارى ونسىزدا كەلىپ تۇرعاسىن، وزگەرتۋسىز قالدىردىق. بۇل ەندى تۇرمىستىق پاروديا بولسىن.

بىزدەر -
«جەتىمدەرمىز»،
«جەتىمدەرمىز».
زاماننىڭ،
حالىقتىڭ دا وتىندەمىز.
مىنا ساراڭ بيلىكتەن ساۋعا سۇراپ،
حالىقتىڭ دا مازاسىن كەتىرگەمىز.
بىزدەر – «جەتىمدەرمىز»!
بىزدەر – «جەتىمدەرمىز»!
دوپ قىلىپ مەملەكەتتى وتۋدەمىز.
ارامتاماق، ماۋباس دەپ وكىنبەڭىز.
ميعا سىيماس زاڭ ءۇشىن جەكىرمەڭىز،
بىزدەرگە جەكىرمەڭىز،
جەكىرمەڭىز!
بوساعاسىن پانالاپ پارلامەنتتىڭ،
تالايلاردىڭ باسىنان سەكىرگەمىز.
سەبەبى، «جەتىمدەرمىز»!
وكىنبەڭىز، بىزدەرگە جەكىرمەڭىز.
بىزدەر – «جەتىمدەرمىز»!!!
سەناتقا كەلۋ دە ەگىز، كەتۋ دە ەگىز.
ۇيقىمەن وتۋدە جاز، وتۋدە كۇز.
جالعاندا زاڭ بار جەردە – «جەتىمدەر» بار
ماڭگىلىك وتىرۋعا بەكىنگەمىز.
بىزدەر - جەتىمدەرمىز!
ۇرىلار دا ەمەسپىز، قارىلار دا!
قارعىس تاڭبا بىزدەردەن ارىلار ما؟!
ايلىقتى كوبەيتسەك پە دەپ قويامىز،
قۋ داعدارىس بۇيىردەن قارىعاندا.
بۇل جەر ءوزى ارمان عوي جانى بارعا.
بىراق، ماندات بارىنە تابىلار ما؟
ءۇي دە تەگىن تۇراتىن، ءبارى تەگىن،
قوماعاي كوڭىل بىراق جارىعان با؟!
بىزدەر – «جەتىمدەرمىز»!
«جەتىمدەرمىز»!
ۇندەمەي-اق وتىرىپ جەتىلگەمىز:
قارعىس اتقىر زاڭعا دا قارسى شىقپاي،
مازاسىن قالىڭ ەلدىڭ كەتىرگەمىز.
تىرشىلىكتە بىرەۋىن بىرەۋ كۇندەر،
بىزگە جات - ءولى كىمدەر،
ءتىرى كىمدەر...
جيىلىپ، پارلامەنتتىڭ جەتىمدەرى،
الدىندا ءبىر كىسىنىڭ بىرىگىڭدەر!

بەيبىت سارىباي

Facebook-تەگى پاراقشاسىنان