فۋتبولدان قازاقستان قۇراماسىنىڭ باپكەرى نەمىس بەردن شتوركتىڭ كەلىسىم شارتى مەرزىمىنەن بۇرىن توقتاتىلدى.

- بەرند شتورك مىرزا ءۇمىتىمىزدى اقتامادى. وعان «ەۋرو - 2012» ىرىكتەۋ ويىندارىنىڭ العاشقى ءتورت ويىنىندا ءۇش ۇپاي الۋ مىندەتى جۇكتەلگەن. الايدا وزدەرىڭىز كۋا بولعانداي بىردە-ءبىر ۇپاي الا المادىق. سوندىقتان، قازاقستان فۋتبول فەدەراتسياسىنىڭ اتقارۋشى كوميتەتى بەردن شتوركتىڭ كەلىسىم شارتىن مەرزىمىنەن بۇرىن توقتاتۋ تۋرالى شەشىم شىعارىلدى، - دەگەن قازاقستان فۋتبول فەدەراتسياسىنىڭ ۆيتسە-پرەزيدەنتى ۆيكتور كاتكوۆ شتوركتىڭ يىعىنا شاپان جاۋىپ (قايران شاپان) شىعارىپ سالدى. شتوركتىڭ نەسى كەتىپ بارادى، ەسەبى تۇگەل، بارىنە راحمەتىن ايتىپ، تايىپ تۇردى. وسىمەن، اتتاي قالاپ الدىرعان تاعى ءبىر باپكەر ۇرتىن مايلاپ كەتە باردى. شتورك قازاقستان قۇراماسىن 2009 جىلدان بەرى جاتتىقتىرعان. 14 ويىن وتكىزىپ، سونىڭ بار-جوعى ۇشەۋىندە عانا جەڭىسكە جەتكەن. «بىرەۋدىڭ جوعىن بىرەۋ ولەڭ ايتىپ ءجۇرىپ ىزدەيدى» دەگەن وسى.

جەڭىلىستەن كوش اشپاعان قايران قازاق فۋتبولى جانكۇيەرىنىڭ كوڭىلىن قالدىرعالى قاشان. قاشان كورسەڭ، ۇلكەن ەسەپپەن ۇتىلىپ جاتادى. ءتىپتى، «ءاي، وسى جولى ءبىر گول سالار»، دەپ قانشا رەت ۇمىتتەندىك. جوق. باياعى ءنول.

فۋتبولدان قازاقستان قۇراماسىنىڭ باپكەرى نەمىس بەردن شتوركتىڭ كەلىسىم شارتى مەرزىمىنەن بۇرىن توقتاتىلدى.

- بەرند شتورك مىرزا ءۇمىتىمىزدى اقتامادى. وعان «ەۋرو - 2012» ىرىكتەۋ ويىندارىنىڭ العاشقى ءتورت ويىنىندا ءۇش ۇپاي الۋ مىندەتى جۇكتەلگەن. الايدا وزدەرىڭىز كۋا بولعانداي بىردە-ءبىر ۇپاي الا المادىق. سوندىقتان، قازاقستان فۋتبول فەدەراتسياسىنىڭ اتقارۋشى كوميتەتى بەردن شتوركتىڭ كەلىسىم شارتىن مەرزىمىنەن بۇرىن توقتاتۋ تۋرالى شەشىم شىعارىلدى، - دەگەن قازاقستان فۋتبول فەدەراتسياسىنىڭ ۆيتسە-پرەزيدەنتى ۆيكتور كاتكوۆ شتوركتىڭ يىعىنا شاپان جاۋىپ (قايران شاپان) شىعارىپ سالدى. شتوركتىڭ نەسى كەتىپ بارادى، ەسەبى تۇگەل، بارىنە راحمەتىن ايتىپ، تايىپ تۇردى. وسىمەن، اتتاي قالاپ الدىرعان تاعى ءبىر باپكەر ۇرتىن مايلاپ كەتە باردى. شتورك قازاقستان قۇراماسىن 2009 جىلدان بەرى جاتتىقتىرعان. 14 ويىن وتكىزىپ، سونىڭ بار-جوعى ۇشەۋىندە عانا جەڭىسكە جەتكەن. «بىرەۋدىڭ جوعىن بىرەۋ ولەڭ ايتىپ ءجۇرىپ ىزدەيدى» دەگەن وسى.

جەڭىلىستەن كوش اشپاعان قايران قازاق فۋتبولى جانكۇيەرىنىڭ كوڭىلىن قالدىرعالى قاشان. قاشان كورسەڭ، ۇلكەن ەسەپپەن ۇتىلىپ جاتادى. ءتىپتى، «ءاي، وسى جولى ءبىر گول سالار»، دەپ قانشا رەت ۇمىتتەندىك. جوق. باياعى ءنول.

سوڭعى رەت «ەۋرو - 2012» ىرىكتەۋ ويىندارى اياسىندا گەرمانيا قۇراماسىمەن كەزدەسكەن ءبىزدىڭ اياقدوپشىلار تاعى دا جەر بولىپ جەڭىلدى. قۇداي-اۋ، بالەن جىل بويى ءبىر دەنى دۇرىس جەڭىسكە جەتپەۋى قالاي؟! فۋتبولشىلاردىڭ ءبارى ۋ جەپ جۇرە مە ءوزى؟! جالپى، ءبىرىنشى تايمدا ءتاۋىر جۇگىرگەن ءبىزدىڭ فۋتبولشىلار ەكىنشى تايمدا اياعىنا قان تۇسكەن اتتاي اتتاپ باسپايدى. بۇل ءوزى داستۇرگە اينالدى. ۇپاي العان بىلاي تۇرسىن، ءبىزدىڭ قۇراما باسقا كوماندالارمەن ويىندا تەڭ ويىن كورسەتەتىن كۇن تۋسا، جانكۇيەرلەردىڭ جانى قالماس.

نەگىزى، ەل نامىسى قورعالاتىن سپورتتا اسىرەسە، فۋتبولدىڭ تىزگىنىن قانىنا تارتپايتىن جاندارعا بەرۋ قاتەلىك بولسا كەرەك. بىرەۋدىڭ جەڭىلىسىنىڭ ورنىن قانى باسقا بىرەۋ تولتىرىپ بەرەدى دەگەنگە ەكى دۇنيەدە سەنۋ قيىن. الەمدىك دارەجە قازاق اتىن اسقاقتاتقان سپورتشىلاردىڭ ءبارى قازاق بالاسى ەكەنىن ۇمىتپاعان ابزال.

«اباي-اقپارات»