بۇرناعى كۇنى ءماجىلىس دەپۋتاتى ساعىنبەك تۇرسىنوۆ تەلەارنالاردا كورسەتىلەتىن كينو، باعدارلاما، كليپ اتاۋلىنى «قىلمىستىق-سەكسۋالدى» سيپاتتارى بويىنشا سۇزگىدەن وتكىزسەك دەدى. سودان ەكى-ءۇش كۇن بۇرىن رەداكتسيامىزعا الماتىدان ءۇشبۋ حات كەلگەن-ءدى. اسەمگۇل ەسىمدى وقىرمانىمىز «استاناداعى اتپالداي ازاماتتاردىڭ نازارىنا» دەپ باستاپتى بىزگە جازعان حاتىن. نازار اۋدارماسقا بولمادى...

- مەنىڭ بالام 6-سىنىپتا وقيدى. وقۋ وزاتى. ءبىلىم الۋىنا قاجەت بولار دەپ، كومپيۋتەر الىپ بەردىك، ونى عالامتورعا دا قوستىق. بىردە وسى بالام نە قاراپ ءجۇر ەكەن دەپ، كومپيۋتەرىن اقتارىپ كورسەم، almatinki.com دەگەن سايت كوزىمە وتتاي باسىلدى. بۇل نۇسقامانى الماتى كوشەلەرىندە دە ءجيى كورۋشى ەدىم. كورىنگەن قابىرعاعا تايعا تاڭبا باسقانداي باتتيتىپ جازىپ كەتكەن. سويتسەم...بۇل الماتى جەزوكشەلەرىنىڭ سايتى ەكەن. ماسقارا! مەنىڭ بالام وسى سايتتى اقتارىپ ءجۇر. ار-ۇياتتان بەزگەندەردىڭ جالاڭاش تاندەرىن جارنامالاپ، ونىڭ باعاسىن، قانداي ءادىس-ءتاسىلدى بىلەتىنىن اشىقتان-اشىق ساۋدالايتىن بۇل نە قىلعان باسسىزدىق؟! الدە، حالىق قالاۋلىلارى مۇنى زاڭمەن بەكىتىپ، رۇقسات بەرىپ قويعان با؟ ەستۋىمشە، astaninki.com دەگەن دە سايت بار ەكەن، ەلوردانىڭ ەركەكتەرىنە ارنالعان. بۇل جايلى بىلمەۋلەرىڭىز مۇمكىن دە شىعار، بىراق، تاپ وسى كەلەڭسىزدىك استاناعا، ونداعى اتقامىنەر ازاماتتارعا ابىروي اكەلمەسى انىق. سول سەبەپتى وسىعان تەز ارادا توسقاۋىل قويساڭىزدار! - دەيدى وقىرمانىمىز.

بۇرناعى كۇنى ءماجىلىس دەپۋتاتى ساعىنبەك تۇرسىنوۆ تەلەارنالاردا كورسەتىلەتىن كينو، باعدارلاما، كليپ اتاۋلىنى «قىلمىستىق-سەكسۋالدى» سيپاتتارى بويىنشا سۇزگىدەن وتكىزسەك دەدى. سودان ەكى-ءۇش كۇن بۇرىن رەداكتسيامىزعا الماتىدان ءۇشبۋ حات كەلگەن-ءدى. اسەمگۇل ەسىمدى وقىرمانىمىز «استاناداعى اتپالداي ازاماتتاردىڭ نازارىنا» دەپ باستاپتى بىزگە جازعان حاتىن. نازار اۋدارماسقا بولمادى...

- مەنىڭ بالام 6-سىنىپتا وقيدى. وقۋ وزاتى. ءبىلىم الۋىنا قاجەت بولار دەپ، كومپيۋتەر الىپ بەردىك، ونى عالامتورعا دا قوستىق. بىردە وسى بالام نە قاراپ ءجۇر ەكەن دەپ، كومپيۋتەرىن اقتارىپ كورسەم، almatinki.com دەگەن سايت كوزىمە وتتاي باسىلدى. بۇل نۇسقامانى الماتى كوشەلەرىندە دە ءجيى كورۋشى ەدىم. كورىنگەن قابىرعاعا تايعا تاڭبا باسقانداي باتتيتىپ جازىپ كەتكەن. سويتسەم...بۇل الماتى جەزوكشەلەرىنىڭ سايتى ەكەن. ماسقارا! مەنىڭ بالام وسى سايتتى اقتارىپ ءجۇر. ار-ۇياتتان بەزگەندەردىڭ جالاڭاش تاندەرىن جارنامالاپ، ونىڭ باعاسىن، قانداي ءادىس-ءتاسىلدى بىلەتىنىن اشىقتان-اشىق ساۋدالايتىن بۇل نە قىلعان باسسىزدىق؟! الدە، حالىق قالاۋلىلارى مۇنى زاڭمەن بەكىتىپ، رۇقسات بەرىپ قويعان با؟ ەستۋىمشە، astaninki.com دەگەن دە سايت بار ەكەن، ەلوردانىڭ ەركەكتەرىنە ارنالعان. بۇل جايلى بىلمەۋلەرىڭىز مۇمكىن دە شىعار، بىراق، تاپ وسى كەلەڭسىزدىك استاناعا، ونداعى اتقامىنەر ازاماتتارعا ابىروي اكەلمەسى انىق. سول سەبەپتى وسىعان تەز ارادا توسقاۋىل قويساڭىزدار! - دەيدى وقىرمانىمىز.

سۇيەكتى ماتەريالدىڭ ءسولىن سىعىپ بەرگەن وسى حاتتى بەرىپ-اق قۇتىلۋعا بولار ما ەدى. بىراق... «بىراقسىز» ماسەلە بولمايدى ەمەس پە؟ بىرىنشىدەن، قازاق ينتەرنەتىندە زاڭدى مويىنداپ، زاڭ جۇزىندە قىزمەت كورسەتىپ جاتقان بىردە-ءبىر پورنوسايت جوق. تىرداي جالاڭاش سايت اشۋعا تىراشتانساڭىز، قر قىلمىستىق كودەكسىنىڭ 273-ءشى بابىمەن قورقىتامىز. پورنوگرافيالىق ماتەريالداردى تاراتتى دەپ موينىڭىزعا قىلمىستىق جاۋاپكەرشىلىكتىڭ قىلىن تارتىپ، ءۇش جىل اباقتىنىڭ سورپاسىن ءۇرىپ ىشەسىز. جازا «شتو-تو» جەڭىل سياقتى دەيسىز بە؟ قوس قولىمىزدى كوتەرە قۇپتايمىز. ماسەلەن، ساۋد ارابياسىندا ۇيالى تەلەفوننان تەلەفونعا پورنوروليك جىبەرسەڭىز، 12 جىلعا باس بوستاندىعىنان ايىرىپ جىبەرەدى. 100 مىڭ رەال كولەمىندە ايىپپۇل سالىپ، جون ارقاڭىزعا 1000 مارتە دويىر قامشىمەن دۇرە سالادى. رەسەيدە بالالار پورنوگرافياسىن تاراتقان ازاماتتاردى 15 جىلعا دەيىن تۇرمەگە تىقساق دەگەن زاڭ جوباسى دايىن جاتقان كورىنەدى. ال، يراندا، قىتايدا، اقش-تا.. ءبىز دە ايتامىز-اۋ، بىراق «الماتينكيلەر» بۇل ساناتقا كىرمەيدى. سول ءۇشىن جازادان قۇتىلدى دەسەك، جازا باسارمىز...

دالىرەك بولساق، almatinki.com, astaninki.com - ەروتيكالىق مازمۇنداعى كوممەرتسيالىق سايتتار بولىپ سانالادى. سولاي بولدى ەكەن دەپ، سولقىلدايتىن زاڭ بار ما؟ بىراق، «سايتاني» سايتتاردىڭ زاڭنىڭ سالقىنى تيمەيتىندەي ەتىپ جاساعان قالقاسىمەن دە ساناسۋىڭىز كەرەك. ايتالىق، «الماتينكي»، «استانينكيلەرىڭىز» چەحيانىڭ سەرۆەرلەرىندە جاتىر. بۇل ەلدە ەروتيكالىق جارنامالارعا زاڭ تىيىم سالمايدى. قازاقستاننىڭ «اتىن شىعارىپ» جۇرگەن قوس سايتتىڭ مازمۇنىنا جاۋاپتى ادام دا چەحيانىڭ ازاماتى.. سوندىقتان، ىشكى ىستەر مينيسترلىگىندەگى اقپاراتتىق تەحنولوگيالارداعى قىلمىسپەن كۇرەس باسقارماسى وسى سايتتارعا انكەتاسىن شىعارعان جەزوكشەلەرمەن جۇمىس جاساۋعا عانا شاماسى كەلەدى. جەزوكشە دەگەندە، ساياسي ساۋاتتىلىققا سالساق، ولار كوممەرتسيالىق سەكستىڭ قىزمەتكەرلەرى. ەندى مۇنى دا ازسىنعان اعايىن «قىزدار» دەگەن جالپاق اتاۋمەن جەزوكشەلەردى اتاۋعا كوشەتىن سەكىلدى. سەبەبى، سوڭعى كەزدەرى سەكس-قىزمەتتىڭ اسسورتيمەنتى كەڭەيىپ، kz-sex.com, intimalmaty.com, kyzdar.kz سەكىلدى سايتتار دا «جۇمىسقا شىقتى». جارايدى، حالىقارالىق «.سوm» دومەنىمەن تىركەلىپ جاتسا، «تۇسىنىستىكتپەن» قاراۋعا جاراپ قالدىق. ال، «قىزدار» دەگەن ارىنا داق تۇسپەگەن قازاقتىڭ قاستەرلى ءسوزىن الىپ، «.kz» قۇيىرشىعىن جالعاۋ بۇرىن-سوڭدى بولماپ ەدى.. ەرىنبەي، «قىزداردىڭ» تامىرىن ۇڭگىپ كوردىك. سينگاپۋر شاھارىندا، دجون فريمان دەگەن ازاماتتىڭ اتىنا تىركەلىپتى. سايتتىڭ «بۇقارامەن بايلانىسىنا» جاۋاپ بەرەتىن رابيل دەگەن قىزمەتكەرىنە حابارلاسا المادىق. سينگاپۋردىڭ كودىن الساق تا، «سوتكاسى» المادى. سونىمەن، ءبىرى چەحيادا، ءبىرى سينگاپۋردە تىركەلگەن سايتتارعا قر زاڭدارىنىڭ قۇرىعى جەتپەي، شەكارانىڭ سىزىعىندا شارشاپ قالادى. بۇل دا ماسەلەنىڭ ءبىر قىرى. جەزوكشەلەر ينتەرنەتتەگى «موي مير»، «ۆكونتاكتە»، «ميرتەسەن»، «ودنوكلاسسنيكي» سەكىلدى تانىمال الەۋمەتتىك جەلىلەردە جەكەلەي پروفايلدارى ارقىلى دا «قىزمەتتەرىن» جارنامالاي باستادى. ەندى بۇل جەلىلەردە تىركەلگەن ميلليونداعان مۇشەلەردىڭ اراسىنداعى «تۇنگى كوبەلەكتەردى» جازباي تانىپ، قاناتىن كۇيدىرىپ كورىڭىز! ولار «ءتانىن ساتامىن» دەپ اشىق جازبايدى، «ومىرلىك سەرىك، دوس ىزدەيمىن» دەگەن سپام-جازبالارمەن پوشتاڭىزعا سۇيكەنەدى. ومىراۋىن ءسال اشقان سۋرەتىمەن ەلىكتىرەدى. سوڭىنان ەرىتەدى... قىسقاسى، ەروتيكالىق جارناما، سەكس-قىزمەت ۇسىنعان سايتتارىڭ قازاقستاندا قاۋىز جارىپ، «جۇپار» شاشىپ تۇر.

ويلاپ قاراساق، وسىناۋ سايتتارمەن كۇرەسىپ جاتقان جالعىز الماتى قالاسىنىڭ اكىمشىلىگى. قالاي دەسەڭىز، قالا كوشەلەرىندەگى بەتون قابىرعالارعا بوياۋمەن بۇركىپ كەتكەن سايتتاردىڭ جارنامالارىن اكتەپ-سوكتەيدى. اكتەلگەن تازا قابىرعاعا جازۋ وڭاي تىرلىك ەمەس پە؟ ەرتەڭىنە-اق، «سۇيىكتى» جارناماڭىزدى ورنىنان تاباسىز. وبالى نە، كۇرەسىپ جاتىر... ال، جەزوكشەلىكتى زاڭداستىرىپ قويعان باتىس ەلدەرىندە ەروتيكالىق كوممەرتسيانىڭ سايتتارى تىركەۋدەن ءوتىپ، سالىعىن تولەيدى. قۇرىعاندا، ءبىز سالىق تا وندىرتە المايمىز عوي.. سەبەبى، بۇل سايتتاردىڭ تىركەۋدەن وتۋىنە زاڭ تەرىس قارايدى. بىلۋىمىزشە، بەيادەپ سايتتارعا انكەتاسى مەن سۋرەتى تۇرعانى ءۇشىن ءبىر ادام ايىنا 100-300 دوللاردىڭ ارالىعىندا اقشا تولەۋى ءتيىس. ال، «almatinki.com» سايتىندا شامامەن، 200-300 جەزوكشەنىڭ انكەتاسى بار دەسەك، سايت ايىنا شامامەن 70 000-90 000 دوللار پايدا تاۋىپ جاتىر دەگەن ءسوز. بۇعان، «جەزتابان» جىگىتتەر مەن ترانسسەكسۋالداردىڭ دا انكەتاسىن قوسا كەتىڭىز.

قورىتىپ تا، قورقىتىپ تا ايتقاندا، ەروتيكالىق جارناما ينتەرنەتتە بۇرشىك اتىپ تۇر. يەلەرىنە تابىس، كليەنتتەرىنە شاتتىق سىيلاپ.. ال التىنشى سىنىپتىڭ بالالارىن ازعىنداتىپ جاتىر. تىپتەن، مەكتەپ وقۋشىلارى رەفەرات كوشىرىپ الاتىن سايتتاردا «ساندارى جىلتىراپ»، الگىدەي سايتتاردىڭ جارناماسى كورىنىپ قالادى. ءماجىلىس وتىرىسىندا ساعىنبەك تۇرسىنوۆ جولداعان دەپۋتاتتىق ساۋالدىڭ وسىعان ءتيىپ كەتەتىن تۇستارى بار. تۇرسىنوۆ «بۇقارالىق اقپارات قۇرالدارى تۋرالى» زاڭدا پورنوگرافيالىق ءھام سەكسۋالدى-ەروتيكالىق سيپاتتاعى كينو جانە بەينەونىمدەردىڭ ەفيرگە شىقپاۋى انىق جازىلسا دا، تەلەارنالاردا ەروتيكالىق سيپاتتاعى بەينەكليپتەر مەن باعدارلامالاردى كورسەتىپ جاتىر» دەپ ۇستەل توقپاقتادى. وتاندىق ەفيردى سۇزگىدەن وتكىزىپ وتىراتىن قوعامدىق كوميسسيا قۇرايىق دەدى. ءبىزدىڭ دە سۇرانارىمىز... قايتالاۋ بولار، وقىرمانىمىز اسەمگۇل جازعان حاتتا ايتىلدى عوي. ماسەلە دەندەمەي تۇرىپ، دەپۋتاتتارىمىز ينتەرنەتتەگى سەكس-قىزمەتتىڭ ءيىرىمىن باقىلاسا دەگەن تىلەك، تالاپ، ءوتىنىش (قالاي اتاساڭىز دا، جاراسادى)...

P.S. ماقالا جازىلىپ بىتۋگە جاقىن قالعان. تانىمال جۋرناليست جانىبەك سۇلەەۆپەن سويلەسىپ قالدىق. «- نە جازىپ جاتىرسىڭ، ىنىشەك؟» «سول الگى «الماتينكيلەر» جايلى..» «ەەە، ونىڭ توقتاماي وتىرعان سەبەبى، بۇل وتە ىڭعايلى دۇنيە عوي. «الماتينكيدەگى» قىزعا حابارلاسىپ، ءبىر ساعاتىنا 150 دوللار قالدىرىپ جاتقان قاي قازاقتى كوردىڭ؟ وعان باراتىندار، قالتالىلار، اقىر اياعى پوليتسەيلەر، پروكۋراتۋراداعىلار. ەندى ويلاشى، بالا، جاعداي وسىلاي قالىپتاسسا، سايت قالاي جابىلا سالماق؟ سەندەر «الماتينكيلەردى» سوققانشا، نەگە قازاقتىڭ رۋحاني بەسىگى - تۇركىستاندا كامەلەتكە تولماعان شىمكەنتتىك قىزدار جۇمىس ىستەيتىن جەزوكشەلەر ۇيلەرى بار دەپ جازبايسىڭدار ما؟ ەگەر ولار ينتەرنەت قولدانۋدى بىلمەسە، بۇل ماسەلە «الماتينكيىڭنەن» ماڭىزدى ەمەس دەگەندى بىلدىرمەيتىن شىعار. دۇرىس پا؟»، - دەپ ەدى اعامىز. «دۇرىس» دەدىم.

«حالىق ءسوزى»، №21