«ورىستارسىز قازاقتار مەملەكەت قۇرىپ وتىرا المايدى» دەپ سارناپ جۇرگەن يۋري ءزاھاروۆ  ەلىمىزدىڭ پاتريوتى ەكەن. ءزاھاروۆتى قازاقستان حالقى اسسامبلەياسى توراعاسىنىڭ ورىنباسارلىعىنان الىپ تاستاردىڭ الدىندا بىزدەگى سانى از ۇلتتاردىڭ بىرىنە اينالىپ كەلە جاتقان ورىس قاۋىمداستىعىنىڭ باسشىسى يۋري بۋناكوۆ ەلباسىمىزدىڭ اتىنا اشىق حات جازىپ زاھاروۆقا تيسپەڭىزشى دەپ زار يلەپتى. بۋناكوۆ الگى حاتىندا «يۋري فيليپپوۆيچ ەلىمىزدىڭ ناعىز پاتريوتى، پرەزيدەنتكە شىن بەرىلگەن قوعام قايراتكەرى» دەيدى. ەلىمىزدىڭ «پاترويتى»، ەلباسىنا شىن بەرىلگەن «قوعام قايراتكەرى» جۋىردا نە دەپ ەدى؟ بىلاي دەگەن بولاتىن:

«ورىستارسىز قازاقتار مەملەكەت قۇرىپ وتىرا المايدى» دەپ سارناپ جۇرگەن يۋري ءزاھاروۆ  ەلىمىزدىڭ پاتريوتى ەكەن. ءزاھاروۆتى قازاقستان حالقى اسسامبلەياسى توراعاسىنىڭ ورىنباسارلىعىنان الىپ تاستاردىڭ الدىندا بىزدەگى سانى از ۇلتتاردىڭ بىرىنە اينالىپ كەلە جاتقان ورىس قاۋىمداستىعىنىڭ باسشىسى يۋري بۋناكوۆ ەلباسىمىزدىڭ اتىنا اشىق حات جازىپ زاھاروۆقا تيسپەڭىزشى دەپ زار يلەپتى. بۋناكوۆ الگى حاتىندا «يۋري فيليپپوۆيچ ەلىمىزدىڭ ناعىز پاتريوتى، پرەزيدەنتكە شىن بەرىلگەن قوعام قايراتكەرى» دەيدى. ەلىمىزدىڭ «پاترويتى»، ەلباسىنا شىن بەرىلگەن «قوعام قايراتكەرى» جۋىردا نە دەپ ەدى؟ بىلاي دەگەن بولاتىن:
«- ءبىز 20 جىلدىڭ ىشىندە تالاي جاعدايدى باستان وتكەردىك. ءتىپتى تاۋەلسىزدىكتىڭ العاشقى جىلدارى اسىرە ۇلتشىلدىقتى دا كوردىك(اسەر ۇلتشىلدار. ولار كىمدەر؟ قاي ۇلتتان شىققان اسىرەۇلتشىلدار؟-«اباي.كز») قاتەلىككە دە بوي الدىرىپ، داۋلاسىپ تا ءجۇرىپ، اقىرىندا بارلىعىمىز ءبىز كەمەدە جۇرگەنىمىزدى تۇسىندىك. قازاقتاردىڭ ورىستارسىز مەملەكەت قۇرا المايتىنىنا كوزى جەتتى.  ءوز كۇشىمەن مەملەكەت قۇرۋ ءۇشىن ولار ءالى 18 ميلليونعا كوبەيۋى كەرەك. پرەزيدەنت، ورىستاردىڭ جۇزدەر ء(زاھاردىڭ ويىنشا ءبىز ءالى ۇلت ەمەس ەكەنبىز.-«اباي.كز») اراسىنداعى تاتۋلىقتى ساقتاۋعا قاعىلعان سىنا ەكەنىن جاقسى تۇسىنەدى. ويتكەنى ورىستار قازاقتاردىڭ ءوزارا قىرىقپىشاق بولۋىنا جول بەرمەيدى. ءبىز وسىنداي ۇستانىممەن العا جىلجىپ كەلەمىز. بىزگە ۇنەمى قولداۋ كورسەتەتىن جيىرماعا جۋىق شەنەۋنىك بار (كوردىڭىز بە، اڭگىمە قايدا جاتىر؟-«اباي.كز»). ولار ورىستاردىڭ جاقسى ءومىر سۇرۋىنە ەڭ الدىمەن قازاقتاردىڭ وزدەرى مۇددەلى بولۋى كەرەكتىگىن جاقسى بىلەدى. ال رەسەي ەلشىلىگى ءبىزدى تۇسىنگىسى كەلمەيدى. ولار بىرنارسەنى ءبىلۋى ءتيىس. قازاقتار ەشقاشان ءوز جەرىندە رەسەيدىڭ مەملەكەتىن قۇرمايدى (دامەسىن قاراي گور.-«اباي.كز»). ايتپەسە، ەگەمەندىگى جوعالادى. بىراق قازاقستان حالقىنىڭ 35 پايىزىن قۇراپ وتىرعان ورىستارعا بيلىك ورگاندارىندا جول اشىلۋى ءتيىس. زاڭدا وسى ماسەلە قارالۋى كەرەك. ەگەر ورىستاردىڭ سانى 30 پايىز بولسا، ولاردىڭ بيلىكتەگى ۇلەسى دە سونداي بولۋى قاجەت».
وسىلاي دا وسىلاي دەپ وسقىرىنا سويلەپ جۇرگەن ءزاھاروۆتى قورعاپ ەلباسىنا حات جازعان بۋناكوۆتىڭ قاتارىنان تاعى دا ولاجاس سۇلەيمەنوۆ تابىلا كەتتى. ولجاستىڭ قاسىندا ۇيقىسىنان ۇلتشىل بولىپ ويانىپ، كۇن توبەگە كوتەرىلگەندە كوسموپوليتتەردىڭ داستارحانىنان تۇستەنىپ، كەشكە ۇيىنە قازاقى ۇلتجاندىلىعىنان ۇيالىپ قايتاتىن مۇرات مۇحتارۇلى اۋەزوۆ بار. ەكەۋى دە «ە-ە» دەمەستەن قازاقتى قورلاپ، قازاق مەملەكەتىن كۇستانالاپ سويلەيتىن، پيعىلى تەرىس ءزاھاروۆتىڭ كۇيىن كۇيتتەگەن حاتقا قول قويىپتى! ايتكەنمەندە، ءزاھاروۆ اسسامبلەيا توراعاسىنىڭ ورىنباسارلىعىنان قاعىلىپ ورنىنا يۋريا تيموشەنكو تاعايىندالدى.
تيموشەنكونىڭ قوعامدىق جۇمىسىنا ساتتىلىك تىلەي وتىرىپ ويلايمىز: نەگە وسى ەل ءىشىن الابۇلىككە باستايتىن ءسوز باسقا ەمەس، ەلباسىنىڭ ءوزى جانىنا تارتىپ جاعاتتاپ جۇرگەن جانداردىڭ اۋزىنان شىعادى؟ مىسالى، «پاتريوت» ءزاھاروۆ كۇنى كەشەگە دەيىن ورىس دياسپوراسىمەن جۇمىس ىستەگەن بولىپ ءجۇرىپ نە دەمەدى؟ سوندا ول  قاي ەلدىڭ پاتريوتى اتانىپ، قاي مۇۇدەنىڭ سويىلىن سوقتى؟ پاتريوتىمىزدىڭ پارقى وسى بولعانى ما سوندا؟ قازاقستانداعى پاتريوتتار لاباروتورياسى -  اسسامبلەياگە كىمدەر جينالعان؟ ولار كىمدەر؟ ولار مىناۋ اقجال تولقىن اتقان زامانداعى قازاقستان حالقىنىڭ  بۇتىندىگىن، اماندىعىن، ىنتىماعىن ويلاعان ادامدار ما، الدە، سالتاناتتى سارايلارعا جيىپ اكەلىپ جۇك سياقتى ۇيە سالعان  جاساندى بەينەلەر مە؟ الەمدە جوق دەپ اسپەتتەسەك تە وسى اسسامبلەيانىڭ ءبىر جان سۇيسىنەتىن تىرلىگى كوزىمىزگە تۇسەر ەمەس. كەشەلى بەرى ءوتىپ جاتقان جيىننىڭ نۇسقاسى  باياعىسىنشا ۇلت كوشباسشىسىن جارىسا ماقتاۋدان، جامىراي سويلەۋلەن اسا قويعان جوق. ءبىر كارىس شىعىپ الدى دا اۋزى باسى جىبىرلاپ «نۇرەكە، ەلدى بيلەي بەرىڭىز» دەدى جىپىلىقتاپ. نۇرەكەڭ كۇلدى. كۇلمەگەندە قايتسىن؟ سوسىن الگىنىڭ ءسوزىن ازىلگە اينالدىرعانداي «كورەيادا ادامدى قارتايتپايتىن دارۋمەن بار ەكەن، سونى جەتكىزىپ بەرسەڭ، 2020-دەيىن جىلى ورنىمدى سۋىتپايمىن» دەدى. اس پەن تويدىڭ اساباسى سياقتانىپ كەتكەن اسسامبلەياشىلارىمىزدىڭ قۇرىلتايى قۇددى ءبىر ەرتەگى سياقتى: ەرتەگى ەسىڭىزدە مە، ماسەلەن، كۇن استىنداعى كۇنەكەي! پاتشا جەتىم بالانى جوق نارسەگە جۇمساپ سەرگەلدەڭ ەتەدى ەمەس پە؟ بىراق، تۋمىسىنان پىسىق، باسىنا باق دارىعان بالا ءبارىن تاۋىپ اكەلە بەرەدى. ءسويتىپ كۇن استىنداعى كۇنىكەي قىزعا جولىعادى. ءبىزدىڭ اسسامبلەياشىلارىمىز دا سول جۇگەرمەككە ەپتەپ ۇقسايدى. بىراق، ويلارىندا نە بارىن قۇدايىم ءبىلسىن. ايتەۋىر، ارنەنىڭ باسىن ءبىر شالىپ ەلباسىمىزدىڭ كوزىنە ەرەن يدەيالارمەن كورىنۋگە، ءسويتىپ جاعىنۋعا شەبەر. وتكەندە قىزىلجار اتاۋىنا قازىلكەڭىردىكتەنە داۋ ايتقان باشماكوۆ دەگەن دەپۋتات-اسسامبلەياشى «ۇلت كوشباسشىسى دەگەن زاڭدى كونستيتۋياعا ەنگىزۋ كەرەك» دەپ بالپىلدادى. ال، ەلباسىمىز بولسا: «بارلىق قازاقستاندىقتار قازاقشا سويلەۋى كەرەك. بىراق وعان ۋاقىت قاجەت»، - دەدى.
ارينە، ۋاقىت قاجەت، بىراق ءبىز ۋاقىتتىڭ نە ءۇشىن قاجەت ەكەنىن ۇمىتىپ قالعانعا ۇقسايمىز. ۋاقىت-ۋاقىت دەپ ءجۇرىپ ۇققانىمىز - ەلىمىزدىڭ پاتريوتتارى ءزاھاروۆتار ەكەن.    توقسان اۋىز ءسوزدىڭ ءتۇيىنى، تويدان شاشۋ دەگەن وسى بولادى.

«اباي-اقپارات»