قورعانبەك امانجول. قازاقستان — انگليا دوپ دوداسى:
الداعى 6 ماۋسىمداعى قازاقستان-انگليا فۋتبول ماتچىندا ونەر كورسەتەر ورەندەرىمىزگە ءبىزدىڭ جانكۇيەرلەرىمىزدىڭ ايتار اق تىلەگى وسىنداي. بىرنەشە بەلگىلى ادامعا: ء“سىز وسى ماتچقا باراسىز با؟” دەگەن سۇراقتى كولدەنەڭ تارتقاندا بۇل رياسىز اق پەيىلدى، ءوز فۋتبولشىلارىمىزعا دەگەن ۇزىلمەگەن ءۇمىت پەن سەلكەۋ تارتپاعان سەنىمدى اڭعارىپ جاتقانىمىز قانداي عانيبەت ەدى.
شورا سارىباەۆ، ۇلتتىق عىلىم اكادەمياسىنىڭ اكادەميگى:
الداعى 6 ماۋسىمداعى قازاقستان-انگليا فۋتبول ماتچىندا ونەر كورسەتەر ورەندەرىمىزگە ءبىزدىڭ جانكۇيەرلەرىمىزدىڭ ايتار اق تىلەگى وسىنداي. بىرنەشە بەلگىلى ادامعا: ء“سىز وسى ماتچقا باراسىز با؟” دەگەن سۇراقتى كولدەنەڭ تارتقاندا بۇل رياسىز اق پەيىلدى، ءوز فۋتبولشىلارىمىزعا دەگەن ۇزىلمەگەن ءۇمىت پەن سەلكەۋ تارتپاعان سەنىمدى اڭعارىپ جاتقانىمىز قانداي عانيبەت ەدى.
شورا سارىباەۆ، ۇلتتىق عىلىم اكادەمياسىنىڭ اكادەميگى:
– مەن بۇل ماتچقا بارا المايىن دەپ وتىرمىن. سەبەبى، كەزىندەگى سۇيىكتى كوماندام “قايراتتىڭ” قۇرمەتىنە تيمۋر سەگىزباەۆ سياقتى جايساڭدار قايرات دەپ ات قويعان سۇيىكتى ۇلىمنىڭ تۋعان كۇنىنە، استاناعا جول ءجۇرىپ بارامىن. بىراق ءوزىم ەلوردادا بولسام دا، الماتىداعى بۇل ويىن ءۇشىن اسا الاڭداۋلى ەكەنىمدى جاسىرا المايمىن. نەگە دەسەڭىز، 2010 جىلعى الەم چەمپيوناتىنىڭ ىرىكتەۋ تۋرنيرىندە ءبىزدىڭ قازاقستاننىڭ قۇراما كومانداسى ەكى رەت ويسىراي ۇتىلدى. فۋتبولشى جىگىتتەرىمىزدى قايدام، وسى جايعا ءوزىم قاتتى نامىستانۋلىمىن. فۋتبول فەدەراتسيامىزدىڭ باسشىلىعىنا دا وكپەم جوق ەمەس. شەتتەن شتورك دەگەن باس باپكەردى الدىرىپ، قۇرامانىڭ ءتىزگىنىن قولىنا بەرىپ قويدى. ول بولسا قازىر ەشكىمنىڭ ءسوزىن تىڭدامايدى. بۇرىننان ويناپ ءجۇرگەن مىقتى ارداگەرلەردى دە، ورتا بۋىن فۋتبولشىلاردى دا ويناي المايدى دەپ شەتكە قاقتى. نەگىزىنەن ءتاجىريبەسى جوق جاستارعا يەك ارتىپ وتىر. ال ولار الداعى ماتچتا 10:0 بولىپ ۇتىلسا، ماسقارامىز سوندا شىقپاي ما، دەپ الدەن-اق كۇيزەلىپ كۇيىنۋ ءۇستىندەمىن. نەعىپ ءوزىمىزدىڭ ءتاجىريبەلى، ساۋاتتى ويىنشىلارىمىزدان بىلگىر باپكەر دايىندامايمىز؟ الداعى ويىندا ەل نامىسى سىنعا تۇسەدى ەمەس پە. ەندەشە، وسى جاۋاپتى سىندا جىگىتتەرىمىز جەرگە قاراتپاسا ەكەن دەيمىن.
تۇمانباي مولداعاليەۆ، قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى:
– “قايراتتىڭ” جانكۇيەرى بولعانىمىزعا دا جارتى عاسىر ۋاقىت ءوتتى. قازاقستاننىڭ قۇراما كومانداسى بولادى دەپ كىم ويلاعان ول كۇندە. سوڭعى ءتورت-بەس جىلدان بەرى ەلىمىزدىڭ قۇراما كومانداسى ءبىرەۋلەردەن ۇتىلىپ، بىرەۋلەردى ۇتىپ ۇزىن جولعا شىقتى. اللا جازسا، الدىمىزدا افريكا جەرىندە وتەتىن فۋتبولدان دۇنيەجۇزىلىك ءبىرىنشىلىككە قازاقستان فۋتبول كومانداسى دا قاتىسپاق. 6 ماۋسىم، سەنبى كۇنى الماتىدا دۇنيەجۇزىلىك باسەكە ىرىكتەۋ ويىندارىنىڭ ءبىرى انگليانىڭ قۇراماسىمەن وتەدى. مەن بۇل ءمارتەبەلى ماتچقا ءوزىم، ۇلىم، نەمەرەلەرىم تۇگەلدەي بارامىز. ءماسەلە كىمنىڭ ۇتىلىپ، كىمنىڭ ۇتقاندىعىندا ەمەس. ءماسەلە فۋتبول وتانىنىڭ جامپوزدارىمەن جارىسقا شىعىپ، ەلىمىزدىڭ تۋىن كوتەرەتىنىمىزدە. قازاقستان قۇراماسىنا باقىت، مەرەي تىلەيمىن. ءبىزدىڭ بالالارىمىزدىڭ مەرەيى ارقاشان ۇستەم بولسىن.
حايىربولات حايداروۆ، الماتى قالاسى تۋريزم، دەنەشىنىقتىرۋ جانە سپورت باسقارماسىنىڭ باستىعى:
– قىزمەت بابىم مەنى بۇل ماتچقا بارۋعا مىندەتتەيتىنى ءۇشىن دە قۋانىشتىمىن. الدا بولاتىن قازاقستان – انگليا ماتچى بارلىق سپورت جانكۇيەرلەرى اراسىندا ۇلكەن قىزىعۋشىلىق، ىقىلاس-ىنتا تۋعىزىپ جاتقانى ءبارىمىزگە ايان. قازاقستان فۋتبولىنىڭ تاريحىندا تۇڭعىش رەت الەمدىك فۋتبولدىڭ ايگىلى سايىپقىراندارىنىڭ كومانداسى بىزگە رەسمي ماتچ ويناۋعا كەلە جاتىر. مۇنىڭ ءوزى ءبىر جاعىنان ۇلكەن مەرەي، ماقتانىش. ول كوماندانىڭ قۇرامىندا جەر جۇزىنە داڭقى كەتكەن شەبەر ويىنشىلار وينايدى. دەمەك، ولار الماتى الاڭىندا دا تاماشا ويىن ءورنەگىن كورسەتەدى دەپ ۇمىتتەنەمىن.
ءبىراق ءبىزدىڭ قازاقستان قۇراماسىنىڭ فۋتبولشىلارى دا تۇماندى البيوندىقتاردىڭ تەگەۋرىنىنە توتەپ بەرىپ، لايىقتى قارسىلاس بولۋعا ۇمتىلادى دەپ ويلايمىن. ارينە، مۇنداي اتاقتى كومانداعا دەس بەرمەۋدىڭ دە وڭاي ەمەستىگىن جاقسى ءتۇسىنەمىز. سوعان قاراماستان، ءبىزدىڭ سپورتشىلارىمىز جەڭىسكە دەگەن ەرىك-جىگەر مەن تاباندىلىق-قايسارلىقتارىن مولىنان تانىتىپ، ماتچتىڭ ونە بويىندا جاقسى ويناپ شىعۋعا تىرىساتىنىنا سەنگىم كەلەدى. قالاي بولعاندا دا قىزعىلىقتى ماتچتىڭ كۋاگەرى بولاتىنىمىز انىق. الەمدىك فۋتبول اسپانىندا دا كوكبايراعىمىز جەلبىرەي بەرسىن.
جازىپ العان قورعانبەك امانجول، «ەگەمەن قازاقستان»
