جاڭا يۋتۋبتان 1998 جىلعى تويدىڭ ۆيدەوسىن كورىپ شىقتىم. سول كەزدىڭ ادامدارى بۇگىنگىلەردەن وزگەشە كورىندى. جەڭگەيلەردىڭ باسىندا ورامال، قىزداردىڭ ۇستىندە كەڭ كويلەك، ءبəرىنىڭ شاشى ۇزىن. قوس بۇرىم ەتىپ ءورىپ قويعان. جالبىراتىپ جايىپ جۇرگەن ەشقايسىسى جوق.

جىگىتتەردىڭ ۇستىندە كەڭ كوستيۋم شالبار. ۆالس بيلەگەندەرىن كورسەڭىز. قىزبەن جىگىتتىڭ اراسىنان پويىز وتەدى. ءبəرى سالماقتى. ءبىر-ءبىرىنىڭ بەتىنە تۋرا قارامايدى.

ال قازىرگى تويداعى كورىنىستەر شە؟ ايتۋعا اۋزىڭ بارمايدى. شاشىن قىزىلدى-جاسىلعا بوياعان كەيبىر جەڭگەيلەر بۇتتارى اشىلىپ، وزدەرى شاشىلىپ قالعانشا بيلەيدى. كەڭ كيىمدەرىمىز (ەركەگىنىكى دە، əيەلىنىڭ دە) دەنەگە جابىسىپ تۇراتىن تار بىردەمەگە ويىسقان. بۇگىنگى ۆالس بيلەگەندەردىڭ اراسىنان ءتىپتى شىبىن دا ۇشىپ وتە المايتىن شىعار. تابيعي سۇلۋلىعىمىز دا جۇتىلىپ، جاساندىلىققا كەتىپ بارامىز. اينالدىرعان 20 جىلدىڭ ىشىندە وسىنشالىقتى وزگەرىپپىز.

بۇلاي كەتە بەرسەك تاعى 20 جىلدان كەيىن نە بولارىن ەلەستەتۋگە قورقىپ وتىرمىن. تىرناعىمىز سوياۋداي، بەتىمىز بەس باتپان بوياۋ، شاشىمىز تاقىرباس، ۇستىمىزگە ءجىپ كيىپ الىپ، بۇگىنگى كۇنىمىزگە تاڭ قالىپ وتىرماساق نەتتى.

قوي ولاي بولماي-اق قويسىن! ارتقا قايتايىقشى ارتقا...

سالتانات ابىلبەكوۆا

Facebook-تەگى پاراقشاسىنان