ءىىم ءباسپاسوز حاتشىسى الماس سادۋباەۆتىڭ حابارلاۋىنشا، سوتقا دەيىنگى تەرگەۋ ءىسى باستالعان. «ەسىرگەپوۆ جولسەرىككە تاڭعا ساعات 4-تە (14 مامىردا) الدەكىمنىڭ وزىنە پىشاق سۇققانىن حابارلاعان. جولسەرىك بولعان وقيعا جايىندا شۋ ستانتسياسىنىڭ مەدپۋنكتى مەن پوليتسياعا حابار بەرگەن. جابىرلەنۋشى ءۇش پىشاق جاراقاتىن العان. قازىر ونىڭ ومىرىنە قاۋىپ جوق»، - دەدى ول.

شۋ ستانتسياسىنىڭ اۋرۋحاناسىندا جاتقان 61 جاستاعى ەسىرگەپوۆ وزىنە جاسالعان قاستاندىقتى كاسىبي قىزمەتى جانە ازاماتتىق بەلسەندىلىگىمەن بايلانىستىرادى.

دارىگەرلەر رامازان ەسىرگەپوۆكە وپەراتسيا جاسالعانىن، جاعدايىنىڭ ءبىر قالىپتى ەكەنىن ايتادى. ءجۋرناليستىڭ ارىپتەستەرى ونى الماتىداعى ەمحاناعا اۋىستىرۋ قاجەتتىگىن كوتەرىپ جاتىر.

شابۋىل رامازان ەسىرگەپوۆ استاناعا كەتىپ بارا جاتقان پويىزدا ورىن العان. ول ەۋرووداق ەلدەرىنىڭ وكىلدەرىمەن كەزدەسىپ، قازاقستانداعى ءسوز بوستاندىعى، ادام قۇقىعى جاعدايىن ءسوز ەتپەكشى بولعان.

اباي-اقپارات