جۇما, 27 قاڭتار 2023
بيلىك 4382 14 پىكىر 23 مامىر, 2017 ساعات 09:57

"100 ناقتى قادام" ءھام ءدىن

ەل دامۋىنىڭ دىڭگەگىنە اينالعان ۇلت جوسپارى – ۇلت پەن ۇلىستاردى ۇيىستىراتىن، وتكىر دە ۇتقىر يدەياعا قۇرىلعان كەشەندى ءىس. ەلباسى ۇسىنعان 5 ينستيتۋتسيونالدىق رەفورما ەل اراسىندا بىردەن قولداۋ تاۋىپ، جالپىحالىقتىق رەفورماعا اينالدى. بۇل – ۇلت جوسپارىنىڭ كوكجيەگى كەڭ، ماڭىزى مەن ناتيجەسى وراسان زور ەكەنىنىڭ، قازاق ەلىنىڭ دامىپ كەلە جاتقانىنىڭ ايعاعى. ەلبا­سىنىڭ رەفورمالىق باعدارى مەن ونى ورىنداۋ جولىنداعى تياناقتى 100 قادامى – ەلىمىزدىڭ ءوسىپ-وركەندەۋىنىڭ ۇلى جوسپارى. الەمنىڭ الدىڭعى قاتارلى ەلىنە اينالۋ جولىندا ەلىمىز شيرەك عاسىردان استام كەزەڭدە تالاي بەلەستەردى باعىندىردى، تامىرى تەرەڭدە جاتقان ءتول تاريحىمىزدىڭ جاڭا بەتتەرى اشىلدى. وسى قىسقا عانا ۋاقىت ىشىندە ەكونوميكالىق جانە الەۋمەتتىك ماڭىزى زور جوبالاردى قولعا الىپ، الەمدىك دەڭگەيدەگى ءىس-شارالاردىڭ وتۋىنە ۇيىتقىسى بولا ءبىلدى. سولاردىڭ ءبىرى جاقىن كۇندەرى باستالاتىن «EXPO-2017» كورمەسىن وتكىزۋ قازاقستاننىڭ حالىقارالىق دەڭگەيدە العا جىلجۋىنا جاسالعان ۇلكەن قادام دەپ بىلەمىز. EXPO سەكىلدى حالىقارالىق كورمەلەرگە قاتىسۋ – قاي ەلدىڭ بولسا دا الەۋەتىن دۇنيەجۇزىنە پاش ەتۋگە بەرىلگەن تاماشا مۇمكىندىك. ونىڭ ۇستىنە، الەم الدىندا ءوزىنىڭ دامۋ دەڭگەيىن ءىس جۇزىندە دالەلدەي وتىرىپ، شارانى جوعارى جاۋاپكەرشىلىكپەن وتكىزۋ – ءارى قۇرمەت، ءارى ۇلكەن جاۋاپكەرشىلىك. بۇل – ەلدىڭ دە، سول ەلدە تۇراتىن قوعام مۇشەلەرىنىڭ دە بەتبەينەسىن تانىتاتىن تاريحي شارا.

«ۇلت جوسپارىندا» مەملەكەت تاراپىنان حالىقتىڭ رۋحاني-مادەني دامۋىنا دا باسا نازار اۋدارىلعان. تاۋەلسىزدىك العان جىلداردان بەرى كوپتەگەن ءىرى رەفورمالار، ونىڭ ىشىندە الەۋمەتتىك-ەكونوميكالىق، ساياسي-مادەني، رۋحاني سالالارداعى ماڭىزدى شارۋالار جۇزەگە اسىرىلدى. الەمدىك ساراپشىلار قازاقستاننىڭ از ۋاقىتتاعى جەتىستىكتەرىن ەلدەگى تۇراقتىلىقپەن، ەتنوسارالىق، كونفەسسياارالىق دوستىقپەن جانە تولەرانتتىلىقپەن بايلانىس­تىرادى، ويتكەنى تۇراقتىلىقتى دامۋىنىڭ تۇعىرى ەتپەگەن ەلدىڭ بولاشاعى دا بۇلىڭعىر بولاتىنى ءسوزسىز.

تاۋەلسىزدىك جىلدارى ىشىندە ەلىمىزدە قانداي ءدىن مەن ەتنومادەنيەتكە جاتاتىنىنا قاراماستان، بارلىق قازاقستاندىقتاردىڭ جالپى ۇلتتىق بىرلىگى مەن كەلىسىمىنىڭ ەرەكشە ۇلگىسى قالىپتاستى. الەمدىك جانە ءداستۇرلى دىندەر ليدەرلەرىنىڭ V سەزىنىڭ اشىلۋىندا ۇلت كوشباسشىسى نۇرسۇلتان نازارباەۆ شيرەك عاسىرعا جۋىق تاۋەلسىزدىگىمىزدە قازاقستاننىڭ رۋحاني قايتا ورلەۋ ءداۋىرىن باستان وتكەرگەندىگىنە ءدىنباسىلار مەن ساياسي قايراتكەرلەردىڭ نازارىن اۋدارىپ: «ەلىمىزدە جۇمىس ىستەيتىن بارلىق دىندەردىڭ پاستۆالارى – ءبىر ۇلكەن قازاقستاندىق وتباسىنىڭ مۇشەلەرى. ءبىزدىڭ ءبارىمىز بىرلەسىپ، دۇردارازدىق پەن ۇرىس-كەرىسكە جول بەرمەيتىن جاڭا ەل قۇرۋدامىز»، – دەگەن بولاتىن. بۇگىنگى تاڭدا ەلىمىزدە 2017 جىلى 5 ساۋىردەگى ەسەپ بويىنشا ەلىمىزدە 18 كونفەسسيانى قۇرايتىن 3663 ءدىني بىرلەستىكتەر تىركەلگەن، ونىڭ ىشىندە باسىم كوپشىلىگى قازاقستان مۇسىلماندارى ءدىني باسقارماسىنا (قمدب) قاراستى (2570) مەشىتتەر بولسا، ال ەكىنشى ورىندا – قازاقستاننىڭ پراۆوسلاۆيەلىك شىركەۋىنىڭ (332) ءدىني عيبادات ورىندارى. سونىمەن قاتار ەلىمىزدە 335 ميسسيونەر قىزمەت ەتەدى.

ەندىگى مىندەت – بارلىق كونفەسسيالاردىڭ اراسىندا قالىپتاسقان جاراسىمدى دوستىق پەن ءوزارا تۇسىنىستىككە، كەلىسىم مەن بىرلىككە، تولەرانتتىلىققا سىزات ءتۇسىرىپ الماۋ.

ەلىمىزدى جاڭارتۋعا باعىتتالعان ۇلت جوسپارى – «100 ناقتى قادامدا» ەتنيكالىق جانە ءدىني ايىرماشىلىقتارىنا قاراماستان، بارلىق قازاقستاندىقتاردىڭ جارقىن ءومىر ءسۇرۋى ويلاستىرىلعان. سونىمەن قاتار «قازاق­ستان-2050» ستراتەگياسى مەن «ماڭگىلىك ەل» جالپىۇلتتىق يدەياسىندا قالانعان شەشۋشى باسىم­دىق­تاردى جۇزەگە اسىرۋدىڭ ناقتى جول نۇسقاۋشى كارتاسى ىسپەتتى. ونىڭ ۇستىنە ەلباسى ن.نازارباەۆتىڭ جاقىندا جاريالانعان «بولاشاققا باعدار: رۋحاني جاڭعىرۋ» اتتى ماقالاسى رەفورمانى جۇزەگە اسىرۋعا تىڭ كۇش-جىگەر بەرگەنى دە اقيقات. ماقالانىڭ ءاربىر تارماعى، وندا ءسوز بولعان كەلەلى ماسەلەلەر كوپتىڭ كوكەيىندە جۇرگەن كۇدىكتى سەيىلتتى.

ەندى باعىتىمىز – ايقىن، ماقساتىمىز – انىق، تەك كەزەڭ-كەزەڭىمەن جۇزەگە اسىرۋ مەن ناقتى ماقسات­تارعا قول جەتكىزۋ مىندەتى تۇر. ەلباسى باستاعان، ەلى قوشتاعان اۋقىمدى رەفورمالاردى جۇزەگە اسىرۋ ءۇشىن ءار ازامات ينتەللەك­تۋالدى جىگەرلى بولىپ، تىكەلەي اتسالىسۋى كەرەك. سوندا عانا ءبىز ەل بىرلىگىن ودان ءارى نىعايتىپ، تاۋەلسىزدىگىمىزدى ماڭگىلىك ەتەمىز.

تۇرار ءابۋوۆ، قر دىاقم دىك ءدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ ءبولىم باسشىسى، باس عىلىمي قىزمەتكەر

Abai.kz

 

14 پىكىر

ۇزدىك ماتەريالدار

انىق-قانىعى

جاقيانوۆ: ماعان اشىق جالا جابۋعا كىرىستى...

عالىمجان جاقيانوۆ 3051
ايقاي

ەلدە ۇلتتىق يدەولوگيا وتە ءالسىز...

بەيسەنعازى ۇلىقبەك 1872