تۇركىمەن وقۋشىلارىن ازيادا شارالارىنا قاتىسۋعا ماجبۇرلەدى
تۇركىمەنستاندا ورتا مەكتەپ وقۋشىلارى مەن ۇستازدارىن ازيا ويىندارىنىڭ باستالۋىنا 100 كۇن قالۋىنا وراي ۇيىمداستىرىلعان شارالارعا قاتىسۋعا ماجبۇرلەدى.
اشحابادتاعى باقىلاۋشى امانمىرات بۋگاەۆتىڭ ايتۋىنشا، ۇستازداردىڭ كوپ بولىگى قازىر دەمالىستا ءجۇر، بىراق ولاردان جاپپاي شارالارعا قاتىساتىنى تۋرالى قولحات الىپ قالعان.
بۇعان قوسا، جاپپاي كورسەتىلىمدەرگە قاتىسۋعا وقۋشىلار مەن ستۋدەنتتەردى مىندەتتەدى.
مەكتەپ جاسىنا دەيىنگى بالالار ءۇشىن جاپپاي شارالارعا قاتىسۋ قيىنعا سوعادى. "كۇننىڭ ىستىقتىعى 40-45 گرادۋسقا دەيىن جەتەدى، مۇنداي شارالار كىمگە كەرەك؟" - دەيدى امانمىرات بۋگاەۆ. ول مۇنداي شارالارعا سپورت سالاسىنىڭ جۇمىسشىلارىن تارتۋدى ۇسىندى.
مەملەكەتتىك ءباسپاسوزدىڭ حابارلاۋىنشا، پرەزيدەنت ازياداعا ءجۇز كۇن قالعانىن اتاپ ءوتۋدى تاپسىرعان.
اباي-اقپارات
